ਖਰੜ, 28 ਅਪ੍ਰੈਲ (ਜੰਡਪੁਰੀ)-ਪੈਸਕੋ ਦੇ ਡੀ. ਜੀ. ਐਮ. ਹਰਜੀਤ ਸਿੰਘ ਵਲੋਂ ਅੱਜ ਨਗਰ ਕੌਂਸਲ ਖਰੜ ਦੇ ਕਾਰਜ ਸਾਧਕ ਅਫ਼ਸਰ ਸੁਖਦੇਵ ਸਿੰਘ ਨਾਲ ਮਿਲ ਕੇ ਡੰਪਿੰਗ ਗਰਾਊਾਡ ਵਿਖੇ ਚੱਲ ਰਹੇ ਰੈਮੀਡੇਸ਼ਨ ਦੇ ਕੰਮ ਦਾ ਜਾਇਜ਼ਾ ਲਿਆ ਗਿਆ | ਇਸ ਮੌਕੇ ਉਨਾਂ ਨਾਲ ਟ੍ਰੇਨਰ ਵਿਪਿਨ ਵੀ ਉਚੇਚੇ ਤੌਰ 'ਤੇ ਹਾਜ਼ਰ ਰਹੇ | ਇਸ ਮੌਕੇ ਡੀ. ਜੀ. ਐਮ. ਹਰਜੀਤ ਸਿੰਘ ਨੇ ਡੰਪਿੰਗ ਗਰਾਊਾਡ 'ਚ ਕੂੜੇ ਦੇ ਨਿਪਟਾਰੇ ਲਈ ਕੀਤੇ ਜਾ ਰਹੇ ਕੰਮਾਂ ਦੀ ਸਮੀਖਿਆ ਕੀਤੀ ਅਤੇ ਅਧਿਕਾਰੀਆਂ ਨੂੰ ਕੰਮ ਦੀ ਗੁਣਵੱਤਾ ਅਤੇ ਰਫ਼ਤਾਰ ਬਰਕਰਾਰ ਰੱਖਣ ਦੇ ਨਿਰਦੇਸ਼ ਦਿੱਤੇ, ਉਪਰੰਤ ਨਗਰ ਕੌਂਸਲ ਦਫ਼ਤਰ ਵਿਖੇ ਪੈਸਕੋ ਦੇ ਸੁਪਰਵਾਈਜ਼ਰਾਂ ਲਈ ਇਕ ਵਿਸ਼ੇਸ਼ ਸੈਸ਼ਨ ਦਾ ਪ੍ਰਬੰਧ ਕੀਤਾ ਗਿਆ | ਇਸ ਸੈਸ਼ਨ ਦੌਰਾਨ ਟ੍ਰੇਨਰ ਵਿਪਿਨ ਨੇ ਸੁਪਰਵਾਈਜ਼ਰਾਂ ਨੂੰ ਏ. ਆਈ. ਟੂਲਜ਼ ਦੀ ਵਰਤੋਂ ਬਾਰੇ ਵਿਸਥਾਰ ਸਹਿਤ ਜਾਣਕਾਰੀ ਦਿੱਤੀ | ਇਸ ਮੌਕੇ ਨਗਰ ਕੌਂਸਲ ਖਰੜ ਦੇ ਸੁਪਰਡੈਂਟ ਸੈਨੀਟੇਸ਼ਨ ਦਲਜੀਤ ਸਿੰਘ, ਐਸ. ਆਈ. ਹਰਦਰਸ਼ਨਜੀਤ ਸਿੰਘ, ਐਸ. ਆਈ. ਰਜਿੰਦਰ ਕੁਮਾਰ, ਸੀ. ਐਫ. ਨਰਿੰਦਰ ਸਿੰਘ, ਜੇ. ਈ. ਮਨੋਜ ਕੁਮਾਰ ਅਤੇ ਐਮ. ਆਈ. ਐਸ. ਸੰਦੀਪ ਕੌਰ ਸਮੇਤ ਪੈਸਕੋ ਦੇ ਹੋਰ ਸਟਾਫ਼ ਮੈਂਬਰ ਵੀ ਹਾਜ਼ਰ ਸਨ |