ਭਰਤਗੜ੍ਹ, 10 ਜੂਨ (ਜਸਬੀਰ ਸਿੰਘ ਬਾਵਾ)-ਬੜਾ ਪਿੰਡ ਸਥਿਤ ਦਰਗਾਹ ਮੀਆਂ ਮੁਰਾਦ ਸ਼ਾਹ ਅਤੇ ਬਾਬਾ ਅਬਦੁਲ ਕਾਦਰ ਜਲਾਲ ਵਿਖੇ ਸਲਾਨਾ ਉਰਸ ਨੂੰ ਸਮਰਪਿਤ ਦੋ ਦਿਨਾਂ ਸਮਾਗਮ 11 ਅਤੇ 12 ਜੂਨ ਨੂੰ ਕਰਵਾਇਆ ਜਾ ਰਿਹਾ ਹੈ | ਪ੍ਰਬੰਧਕਾਂ 'ਚ ਭਜਨ ਸਿੰਘ ਧਮੜੈਤ ਨੇ ਦੱਸਿਆ ਕਿ ਸਮੂਹ ਨੌਜਵਾਨਾਂ, ਮੁਹਤਬਰਾਂ ਤੇ ਵਸਨੀਕਾਂ ਦੇ ਸਹਿਯੋਗ ਨਾਲ ਹੋ ਰਹੇ ਸਮਾਗਮ ਦੌਰਾਨ 11 ਜੂਨ ਨੂੰ ਸ਼ਾਮੀਂ 6 ਵਜੇ ਤੋਂ 11 ਵਜੇ ਤੱਕ ਕੱਵਾਲ ਵਿਜੈ ਰੰਗੀਲਾ ਤੇ ਕੁਲਵਿੰਦਰ ਬਿੱਲਾ ਸਾਥੀਆਂ ਸਮੇਤ ਕੱਵਾਲੀ ਪੇਸ਼ ਕਰਨਗੇ, ਜਦਕਿ ਰਾਤੀਂ 11 ਵਜੇ ਸ਼ਾਹ-ਏ-ਕਾਦਰੀ ਗਰੁੱਪ ਪਟਿਆਲਾ ਸੂਫ਼ੀਆਨਾ ਮਹਿਫ਼ਲ ਸਜਾਉਣਗੇ | 12 ਜੂਨ ਨੂੰ ਸ਼ਾਮੀਂ 6 ਵਜੇ ਪ੍ਰਸਿੱਧ ਗਾਇਕ ਜਸਮੇਰ ਮੀਆਂਪੁਰੀ, ਜਤਿੰਦਰ ਧੀਮਾਨ, ਗਾਇਕ ਜੋੜੀ ਜੱਸੀ ਧਨੌਲਾ ਤੇ ਰਮਨਦੀਪ ਸਾਫ਼ ਸੁਥਰੇ ਪਰਿਵਾਰਿਕ ਗੀਤਾਂ ਨਾਲ ਹਾਜ਼ਰੀ ਲੁਆਉਣਗੇ ਤੇ ਰਾਤੀਂ 9 ਵਜੇ ਤੋਂ ਸੁੱਖਾ ਬਾਗੋਵਾਲੀਆ ਅਤੇ ਸਾਥੀ ਪੁਰਾਤਨ ਨਾਟਕ ਦੀ ਪੇਸ਼ਕਾਰੀ ਕਰਨਗੇ |
