-ਮੁੱਦਾ ਅੰਮ੍ਰਿਤਸਰ-ਮਹਿਤਾ ਸੜਕ ਤੋਂ ਕਾਲੋਨੀ ਨੂੰ ਕੱਟ ਨਾ ਦੇਣ ਦਾ- ਗੁਰੂ ਤੇਗ਼ ਬਹਾਦਰ ਅਸਟੇਟ ਵੈਲਫੇਅਰ ਐਸੋਸੀਏਸ਼ਨ, ਵੱਲ੍ਹਾ ਵਲੋਂ ਨੈਸ਼ਨਲ ਹਾਈਵੇ ਅਥਾਰਟੀ ਖ਼ਿਲਾਫ਼ ਰੋਸ ਮੁਜ਼ਾਹਰਾ

ਨਵਾਂ ਪਿੰਡ, 27 ਅਕਤੂਬਰ (ਜਸਪਾਲ ਸਿੰਘ)-ਸ੍ਰੀ ਗੁਰੂ ਰਾਮਦਾਸ ਮੈਡੀਕਲ ਕਾਲਜ ਅਤੇ ਸ੍ਰੀ ਗੁਰੂ ਰਾਮਦਾਸ ਯੂਨੀਵਰਸਿਟੀ ਆਫ਼ ਹੈਲਥ ਐਂਡ ਸਾਇੰਸਜ਼, ਵੱਲ੍ਹਾ ਅੰਮ੍ਰਿਤਸਰ ਦੇ ਸਾਹਮਣੇ ਉਸਾਰੀ ਅਧੀਨ 6 ਮਾਰਗੀ ਅੰਮ੍ਰਿਤਸਰ-ਮਹਿਤਾ ਮੁੱਖ ਰਾਸ਼ਟਰੀ ਰਾਜ ਮਾਰਗ 503-ਏ ਤੋਂ ਉਪਰੋਕਤ ਸਿਹਤ ਸੰਸਥਾਵਾਂ ਦੇ ਸਾਹਮਣੇ ਲਗਪਗ 100 ਘਰਾਂ ਤੇ 400 ਤੋਂ ਵੱਧ ਵਸੋਂ ਵਾਲੀ ਕਲੋਨੀ ਨੂੰ ਰਾਹ (ਕੱਟ) ਨਾ ਦਿੱਤੇ ਜਾਣ ਦੇ ਵਿਰੋਧ ’ਚ ਕਾਲੋਨੀ ਵਿਕਾਸ ਸੰਗਠਨ ‘ਗੁਰੂ ਤੇਗ਼ ਬਹਾਦਰ ਅਸਟੇਟ ਵੈਲਫੇਅਰ ਐਸੋਸੀਏਸ਼ਨ, ਵੱਲ੍ਹਾ’ (ਅੰਮ੍ਰਿਤਸਰ ) ਦੇ ਪ੍ਰਧਾਨ ਹਰਿੰਦਰ ਸਿੰਘ ਲਾਲੀ ਛਾਪਾ ਦੀ ਅਗਵਾਈ ’ਚ ਸਮੂਹ ਸੰਗਠਨ ਤੇ ਕਾਲੋਨੀ ਵਾਸੀਆਂ ਵਲੋਂ ਉਪਰੋਕਤ ਅਥਰਾਟੀ ਖ਼ਿਲਾਫ਼ ਰੋਸ ਮੁਜ਼ਾਹਰਾ ਕਰਦਿਆਂ ਕੱਟ ਦਿੱਤੇ ਜਾਣ ਦੀ ਜ਼ੋਰਦਾਰ ਮੰਗ ਕੀਤੀ ਗਈ। ਇਸ ਮੌਕੇ ਸੰਬੰਧਿਤ ਅਥਰਾਟੀ ਵਲੋਂ ਕਾਲੋਨੀ ਸੰਗਠਨ ਤੇ ਕਾਲੋਨੀ ਵਾਸੀਆਂ ਦੇ ਭਾਰੀ ਵਿਰੋਧ ਦੇ ਦਬਾਅ ਹੇਠ ਯੂ ਟਰਨ ਲੈਂਦਿਆਂ ਉਪਰੋਕਤ ਮਾਰਗ ਤੋਂ ਕਲੋਨੀ ਨੂੰ ਰਾਹ/ਕੱਟ ਦੇਣ ਦੀ ਮੌਕੇ ’ਤੇ ਪ੍ਰਵਾਨਗੀ ਦਿੱਤੀ ਗਈ।