ਪਿੰਡ ਕਾਵੇਂ ਦੇ 30 ਕ੍ਰਿਸਚਨ ਪਰਿਵਾਰ ਭਾਜਪਾ ‘ਚ ਸ਼ਾਮਿਲ

ਚੋਗਾਵਾਂ, 27 ਅਕਤੂਬਰ (ਗੁਰਵਿੰਦਰ ਸਿੰਘ ਕਲਸੀ)-ਵਿਧਾਨ ਸਭਾ ਹਲਕਾ ਰਾਜਾਸਾਂਸੀ ਅਧੀਨ ਆਉਂਦੇ ਸਰਹੱਦੀ ਪਿੰਡ ਕਾਵੇਂ ਵਿਖੇ ਭਾਰਤੀ ਜਨਤਾ ਪਾਰਟੀ ਨੂੰ ਉਸ ਵੇਲੇ ਵੱਡੀ ਮਜ਼ਬੂਤੀ ਮਿਲੀ, ਜਦੋਂ ਕ੍ਰਿਸਚਨ ਭਾਈਚਾਰੇ ਨਾਲ ਸਬੰਧਿਤ 30 ਪਰਿਵਾਰਾਂ ਨੇ ਰਵਾਇਤੀ ਪਾਰਟੀਆਂ ਨੂੰ ਛੱਡ ਕੇ ਕ੍ਰਿਸਚਨ ਮੋਰਚੇ ਦੇ ਪ੍ਰਧਾਨ ਸੋਨੂ ਪਾਸਟਰ ਰਾਣੀਆਂ ਦੀ ਪ੍ਰੇਰਨਾ ਸਦਕਾ ਭਾਜਪਾ ਵਿਚ ਸ਼ਾਮਿਲ ਹੋਣ ਦਾ ਐਲਾਨ ਕੀਤਾ। ਪਿੰਡ ਕਾਵੇਂ ਵਿਖੇ ਕਰਵਾਏ ਗਏ ਇਕ ਪ੍ਰੋਗਰਾਮ ਦੌਰਾਨ ਹਲਕਾ ਇੰਚਾਰਜ ਮੁਖਵਿੰਦਰ ਸਿੰਘ ਮਾਹਲ ਨੇ ਪਾਰਟੀ ਵਿਚ ਸ਼ਾਮਿਲ ਹੋਣ ਵਾਲੇ ਮਸੂ ਮਸੀਹ, ਸ਼ਿੰਦਾ ਮਸੀਹ, ਅਜੀਤ ਮਸੀਹ, ਰਾਜ ਮਸੀਹ, ਗੋਲਡੀ ਮਸੀਹ, ਜੋਨ ਮਸੀਹ, ਰੂਹੀ ਮਸੀਹ, ਰਾਜੀ ਮਸੀਹ, ਭਿੰਦਰ ਮਸੀਹ, ਅਤੇ ਪ੍ਰਕਾਸ਼ ਮਸੀਹ ਸਮੇਤ ਸਾਰੇ ਪਰਿਵਾਰਾਂ ਦਾ ਨਿੱਘਾ ਸਵਾਗਤ ਕੀਤਾ।