ਦੇਵੀਗੜ੍ਹ ਘੱਗਰ ਕੰਢੇ ਮਾਈਨਿੰਗ ਦਾ ਮਾਮਲਾ-ਮਹਿਮੂਦਪੁਰ 'ਚ ਧਿਰਾਂ 'ਚ ਝਗੜਾ, ਪੰਜ ਜ਼ਖ਼ਮੀ
ਦੇਵੀਗੜ੍ਹ ਨੇੜੇ ਘੱਗਰ ਦਰਿਆ ਕੰਢੇ ਮਹਿਮੂਦਪੁਰ ਵਿਖੇ ਖੜੀ ਮਸ਼ੀਨ | ਅਜੀਤ ਤਸਵੀਰ
<br/>
30-04-2026
ਰਾਤ ਸਮੇਂ ਉਸ ਦਾ ਭਰਾ ਅਤੇ ਭਤੀਜਾ ਰੁਟੀਨ ਮੁਤਾਬਕ ਖੇਤਾਂ ਵੱਲ ਜਾ ਰਹੇ ਸਨ, ਜਿੱਥੇ ਪਿੰਡ ਜੁਲਾਹਖੇੜੀ ਦੇ ਕੁਝ ਵਿਅਕਤੀ ਮਾਈਨਿੰਗ ਕਰ ਰਹੇ ਸਨ | ਜਦੋਂ ਉਨ੍ਹਾਂ ਨੇ ਇਸ ਸੰਬੰਧੀ ਪੁੱਛਿਆ ਤਾਂ ਦੋਵਾਂ ਧਿਰਾਂ ਵਿਚ ਤਕਰਾਰ ਹੋ ਗਈ ਅਤੇ ਗੱਲ ਵੱਧ ਕੇ ਝਗੜੇ ਵਿਚ ਤਬਦੀਲ ਹੋ ਗਈ | ਇਸ ਦੌਰਾਨ ਉਸ ਦੇ ਭਰਾ ਹਰਮਿੰਦਰ ਸਿੰਘ ਅਤੇ ਭਤੀਜਾ ਜਗਦੀਪ ਸਿੰਘ ਦੀ ਕੁੱਟਮਾਰ ਹੋਈ , ਜੋ ਇਸ ਵੇਲੇ ਇਲਾਜ ਅਧੀਨ ਹਨ | ਦੂਜੇ ਪਾਸੇ ਗੁਰਮੇਜ ਸਿੰਘ ਪੁੱਤਰ ਕੁੰਦਨ ਸਿੰਘ ਵਸਨੀਕ ਜੁਲਾਹਖੇੜੀ ਨੇ ਦੱਸਿਆ ਕਿ ਉਹ ਆਪਣੇ ਖੇਤ ਨੂੰ ਪੱਧਰ ਕਰ ਰਹੇ ਸਨ | ਉੱਚੇ ਖੇਤ ਤੋਂ ਮਿੱਟੀ ਕੱਢ ਕੇ ਨੀਵੇਂ ਖੇਤ ਵਿਚ ਪਾ ਰਹੇ ਸਨ | ਉਨ੍ਹਾਂ ਦੇ ਅਨੁਸਾਰ ਮਹਿਮੂਦਪੁਰ ਪੱਖ ਵਲੋਂ ਝਗੜਾ ਕਰਕੇ ਕੁੱਟਮਾਰ ਕੀਤੀ ਗਈ | ਉਸ ਨੇ ਦੱਸਿਆ ਕਿ ਉਸ ਦੇ ਪਿਤਾ ਸੁਖਰਾਮ ਸਿੰਘ ਨੂੰ ਤੇਜ਼ ਹਥਿਆਰ ਨਾਲ ਜਖਮੀ ਕੀਤਾ ਗਿਆ ਹੈ ਅਤੇ ਉਨ੍ਹਾਂ ਦੀ ਹਾਲਤ ਗੰਭੀਰ ਹੈ | ਇਸ ਤੋਂ ਇਲਾਵਾ ਉਹ ਖੁਦ ਅਤੇ ਅਮਨਦੀਪ ਸਿੰਘ ਵੀ ਜ਼ਖਮੀ ਹੋਏ ਹਨ ਅਤੇ ਹਸਪਤਾਲ ਵਿਚ ਦਾਖਲ ਹਨ | ਇਸ ਮਾਮਲੇ ਬਾਰੇ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ | ਸਦਰ ਪਟਿਆਲਾ ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਕਰਕੇ ਲੋੜੀਂਦੀ ਕਾਰਵਾਈ ਸ਼ੁਰੂ ਹੋ ਚੱਕੀ ਦੱਸਿਆ ਜਾ ਰਿਹਾ ਹੈ |
