ਪਟਿਆਲਾ

6 ਸਾਲਾਂ ਬਾਅਦ ਮੁੜ ਸ਼ੁਰੂ ਹੋਈ ਅੰਬਾਲਾ-ਬਨੂੜ ਬੱਸ ਸੇਵਾ

ਅੰਬਾਲਾ-ਬਨੂੜ ਬੱਸ ਸੇਵਾ 6 ਸਾਲ ਬਾਅਦ ਮੁੜ ਸ਼ੁਰੂ ਹੋਣ 'ਤੇ ਭਾਜਪਾ ਹਲਕਾ ਇੰਚਾਰਜ ਵਿਕਾਸ ਸ਼ਰਮਾ ਦੇ ਨਾਲ ਖੁਸ਼ੀ ਜ਼ਾਹਿਰ ਕਰਦੇ ਇਲਾਕੇ ਦੇ ਸਰਪੰਚ, ਨੰਬਰਦਾਰ ਤੇ ਪਿੰਡ ਵਾਸੀ ਨਾਲ | ਅਜੀਤ ਤਸਵੀਰ <br/> 18-05-2026

ਘਨੌਰ, 17 ਮਈ (ਸਰਦਾਰਾ ਸਿੰਘ ਲਾਛੜੂ)-ਕੋਰੋਨਾ ਕਾਲ ਤੋਂ ਬੰਦ ਪਈ ਅੰਬਾਲਾ-ਸੰਭੂ ਵਾਇਆ ਬਨੂੜ ਬੱਸ ਸੇਵਾ ਨੂੰ 6 ਸਾਲਾਂ ਬਾਅਦ ਅੱਜ ਤੋਂ ਮੁੜ ਸ਼ੁਰੂ ਕਰ ਦਿੱਤਾ ਗਿਆ ਹੈ | ਭਾਜਪਾ ਹਲਕਾ ਇੰਚਾਰਜ ਵਿਕਾਸ ਸ਼ਰਮਾ ਦੇ ਯਤਨਾਂ ਸਦਕਾ ਹਰਿਆਣਾ ਸਰਕਾਰ ਨੇ ਇਲਾਕੇ ਦੇ ਦਰਜਨਾਂ ਪਿੰਡਾਂ ਦੇ ਵਸਨੀਕਾਂ ਦੀ ਇਹ ਅਹਿਮ ਮੰਗ ਪੂਰੀ ਕੀਤੀ ਹੈ | ਵਿਕਾਸ ਸ਼ਰਮਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਫਿਲਹਾਲ ਸ਼ੁਰੂਆਤੀ ਦੌਰ 'ਚ ਅੰਬਾਲਾ ਸਹਿਰ ਤੋਂ ਬਨੂੜ ਤੇ ਬਨੂੜ ਤੋਂ ਅੰਬਾਲਾ ਸਹਿਰ ਲਈ ਦੋ ਰੂਟ ਚਲਾਏ ਗਏ ਹਨ | ਅੰਬਾਲਾ ਤੋਂ ਸਵੇਰੇ 8:20 ਵਜੇ, 9:30 ਵਜੇ ਅਤੇ 12:15 ਵਜੇ ਬਨੂੜ ਲਈ ਬੱਸਾਂ ਰਵਾਨਾ ਹੋਣਗੀਆਂ | ਉਨਾਂ ਦੱਸਿਆ ਕਿ ਆਉਣ ਵਾਲੇ ਦਿਨਾਂ 'ਚ ਇਹ ਸਾਰੇ ਰੂਟ ਪੁਰਾਣੇ ਸਮੇਂ ਮੁਤਾਬਿਕ ਹੀ ਨਿਰੰਤਰ ਚੱਲਣਗੇ | ਜ਼ਿਕਰਯੋਗ ਹੈ ਕਿ ਇਸ ਰੂਟ ਦੇ ਬੰਦ ਹੋਣ ਕਾਰਨ ਰਾਜਗੜ, ਮਹਿਮਦਪੁਰ, ਸ਼ੰਭੂ ਕਲਾਂ, ਤੇਪਲਾ, ਰਾਮਨਗਰ ਸੈਣੀਆਂ ਤੇ ਬਾਸਮਾ ਵਰਗੇ ਦਰਜਨਾਂ ਪਿੰਡਾਂ ਦੇ ਲੋਕਾਂ, ਖ਼ਾਸ ਕਰਕੇ ਬਜ਼ੁਰਗਾਂ, ਮਹਿਲਾਵਾਂ ਤੇ ਵਿਦਿਆਰਥੀਆਂ ਨੂੰ ਭਾਰੀ ਖੱਜਲ-ਖੁਆਰੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ | ਵਿਕਾਸ ਸ਼ਰਮਾ ਨੇ ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਤੇ ਸਾਬਕਾ ਟਰਾਂਸਪੋਰਟ ਮੰਤਰੀ ਅਸੀਮ ਗੋਇਲ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਸਰਕਾਰ ਨੇ ਲੋਕਾਂ ਦੀ ਮੁਸਕਲ ਨੂੰ ਗੰਭੀਰਤਾ ਨਾਲ ਲਿਆ | ਉਨਾਂ ਮੰਗ ਕੀਤੀ ਕਿ ਆਉਣ ਵਾਲੇ ਦਿਨਾਂ 'ਚ ਇਹ ਰੂਟ ਚੰਡੀਗੜ ਤੱਕ ਜੋੜਿਆ ਜਾਵੇ ਤਾਂ ਜੋ ਪੀਜੀਆਈ ਸਮੇਤ ਹੋਰ ਜ਼ਰੂਰੀ ਕੰਮਾਂ ਲਈ ਜਾਣ ਵਾਲੇ ਮੁਸਾਫ਼ਰਾਂ ਨੂੰ ਦਿੱਕਤ ਨਾ ਆਵੇ | ਵਿਕਾਸ ਸ਼ਰਮਾ ਨੇ ਕਿਹਾ ਕਿ ਭਾਜਪਾ ਹੀ ਅਜਿਹੀ ਸਰਕਾਰ ਹੈ ਜੋ ਪੰਜਾਬ ਨੂੰ ਨੰਬਰ ਇੱਕ 'ਤੇ ਲਿਆ ਸਕਦੀ ਹੈ | ਉਨਾਂ ਕਿਹਾ ਕਿ ਹਰਿਆਣਾ 'ਚ ਤੀਜੀ ਵਾਰ, ਉੱਤਰ ਪ੍ਰਦੇਸ਼ 'ਚ ਦੂਜੀ ਵਾਰ ਤੇ ਮੱਧ ਪ੍ਰਦੇਸ, ਮਹਾਰਾਸ਼ਟਰ, ਬਿਹਾਰ ਵਰਗੇ ਸੂਬਿਆਂ 'ਚ ਭਾਜਪਾ ਸਰਕਾਰਾਂ ਲੋਕਾਂ ਦੇ ਕੰਮਾਂ ਤੋਂ ਖ਼ੁਸ਼ ਹੋ ਕੇ ਹੀ ਬਣੀਆਂ ਹਨ | ਡਬਲ ਇੰਜਨ ਸਰਕਾਰ ਵਾਲੇ ਸੂਬਿਆਂ ਦਾ ਵਿਕਾਸ ਪੰਜਾਬ ਨਾਲੋਂ ਦੁੱਗਣੀ ਰਫ਼ਤਾਰ ਨਾਲ ਹੋ ਰਿਹਾ ਹੈ | ਇਸ ਮੌਕੇ ਇਲਾਕੇ ਦੇ ਸਰਪੰਚਾਂ, ਨੰਬਰਦਾਰਾਂ ਤੇ ਮੁਹਤਬਰ ਵਿਅਕਤੀਆਂ ਨੇ ਬੱਸ ਸੇਵਾ ਬਹਾਲ ਕਰਵਾਉਣ ਲਈ ਵਿਕਾਸ ਸ਼ਰਮਾ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਅਸ਼ੋਕ ਕੁਮਾਰ ਸੈਣੀ, ਐਡਵੋਕੇਟ ਮਿੱਤਰਪਾਲ, ਕੁਲਵਿੰਦਰ ਸਿੰਘ ਸਰਪੰਚ ਰਾਮਨਗਰ ਸੈਣੀਆਂ, ਲਖਵਿੰਦਰ ਸਿੰਘ ਨੰਬਰਦਾਰ, ਗੁਰਦੇਵ ਸਿੰਘ, ਸੁਖਵਿੰਦਰ ਸਿੰਘ, ਸਤਵੀਰ ਸਿੰਘ, ਲਖਵਿੰਦਰ ਸਿੰਘ, ਰਣਬੀਰ ਕੌਰ, ਹਰਬੰਸ ਸਿੰਘ, ਮਾਨ ਸਿੰਘ, ਸੰਦੀਪ ਗੁਰਨਾ ਖੇੜੀ, ਖਜਾਨ ਸਿੰਘ, ਰਾਕੇਸ਼ ਸ਼ਰਮਾ, ਜਸਵੰਤ ਸਿੰਘ ਰਾਜਗੜ, ਆਸ਼ੂ ਤੇਪਲਾ, ਅਸ਼ਵਨੀ ਤੇਪਲਾ, ਰਾਮਸਰੂਪ ਸੈਣੀ, ਬਲਦੇਵ ਸਿੰਘ, ਸਤਨਾਮ ਸਿੰਘ, ਹਰਮੇਸ਼ ਸਿੰਘ, ਪਾਲਾ ਰਾਮ, ਜਨਕਰਾਜ, ਬਲਕਾਰ ਸਿੰਘ, ਪਾਖਰ ਸਿੰਘ, ਰਜਨੀਸ਼ ਕੁਮਾਰ, ਨਰਿੰਦਰ ਸੂਦ ਕਾਲਾ, ਗੋਲਡੀ ਸ਼ਰਮਾ ਬਠਾਉਣੀਆ ਸਮੇਤ ਵੱਡੀ ਗਿਣਤੀ 'ਚ ਪਿੰਡ ਵਾਸੀ ਹਾਜ਼ਰ ਸਨ |

ਪਿਛਲੀ ਖ਼ਬਰ ਸ਼ੋ੍ਰ.ਅ.ਦਲ ਨੂੰ ਹਲਕਾ ਬਸੀ ਪਠਾਣਾਂ 'ਚ ਮਜ਼ਬੂਤ ਕਰਨ ਲਈ ਐਸ.ਓ.ਆਈ. ਪ੍ਰਧਾਨ ਢਿੱਲੋਂ ਵਲੋਂ ਮੀਟਿੰਗ ਅਗਲੀ ਖ਼ਬਰ ਦਸਵੀਂ ਦੇ ਨਤੀਜਿਆਂ 'ਚ ਦਯਾਨੰਦ ਮਾਡਲ ਸਕੂਲ ਦੀ ਸ਼ਾਨਦਾਰ ਪ੍ਰਾਪਤੀ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

6 ਸਾਲਾਂ ਬਾਅਦ ਮੁੜ ਸ਼ੁਰੂ ਹੋਈ ਅੰਬਾਲਾ-ਬਨੂੜ ਬੱਸ ਸੇਵਾ

Subscribers Only Story

ਸੰਬੰਧਿਤ ਖ਼ਬਰਾਂ