ਵਿਸ਼ਵ ਪੰਜਾਬੀ ਸਾਹਿਤਕ ਵਿਚਾਰ ਮੰਚ ਮੋਹਾਲੀ ਨੇ ਸਰਹਿੰਦ ਵਿਚ ਕਵੀ ਦਰਬਾਰ ਕਰਵਾਇਆ

ਅ

ਅਜੀਤ ਡੈਸਕ 17-06-2026

ਫ਼ਤਹਿਗੜ੍ਹ ਸਾਹਿਬ, 16 ਜੂਨ (ਬਲਜਿੰਦਰ ਸਿੰਘ)-ਵਿਸ਼ਵ ਪੰਜਾਬੀ ਸਾਹਿਤਕ ਵਿਚਾਰ ਮੰਚ ਮੋਹਾਲੀ ਵਲੋਂ ਸਰਹਿੰਦ ਸ਼ਹਿਰ ਦੇ ਨਵੇਂ ਬਣੇ ਕੌਂਸਲਰ ਜਸਬੀਰ ਸਿੰਘ ਬੰਟੀ ਦੇ ਗ੍ਰਹਿ ਵਿਖੇ ਮੰਚ ਦੇ ਪ੍ਰਧਾਨ ਇੰਜੀ. ਜਸਪਾਲ ਸਿੰਘ ਦੇਸੂਵੀ ਦੇ ਉਪਰਾਲੇ ਨਾਲ ਕਵੀ ਦਰਬਾਰ ਕਰਵਾਇਆ ਗਿਆ। ਇਸ ਕਵੀ ਦਰਬਾਰ ਦੀ ਪ੍ਰਧਾਨਗੀ ਪ੍ਰਸਿੱਧ ਸ਼ਾਇਰ ਬਾਬੂ ਰਾਮ ਦੀਵਾਨਾ ਨੇ ਕੀਤੀ। ਜਦੋਂਕਿ ਸ਼੍ਰੋਮਣੀ ਬਾਲ ਸਾਹਿੱਤਕਾਰ ਭਾਸ਼ਾ ਵਿਭਾਗ ਪੰਜਾਬ ਕੰਵਲਜੀਤ ਸਿੰਘ ਨੀਲੋਂ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ ਅਤੇ ਤ੍ਰਿਵੇਣੀ ਸਾਹਿਤ ਪ੍ਰੀਸ਼ਦ ਦੇ ਪ੍ਰਧਾਨ ਗੁਰਦਰਸ਼ਨ ਗੁਸੀਲ ਵਿਸ਼ੇਸ਼ ਮਹਿਮਾਨ ਵਜੋਂ ਹਾਜ਼ਰ ਸਨ। ਸਭਾ ਦੇ ਸ਼ੁਰੂਆਤੀ ਦੌਰ ਵਿਚ ਭਗਤ ਰਾਮ ਰੰਗਾੜਾ ਨੇ ਆਏ ਕਵੀਆਂ ਦਾ ਸਵਾਗਤ ਕੀਤਾ ਅਤੇ ਮੰਚ ਨੂੰ ਸ਼ਾਇਰ ਧਰਮਿੰਦਰ ਸ਼ਾਹਿਦ ਦੇ ਹਵਾਲੇ ਕਰ ਦਿੱਤਾ ਜਿਨ੍ਹਾਂ ਨੇ ਮੰਗਤ ਖ਼ਾਨ ਨੂੰ ਕਵੀ ਦਰਬਾਰ ਦੇ ਆਗਾਜ਼ ਦਾ ਸੱਦਾ ਦਿੱਤਾ। ਜਿਨ੍ਹਾਂ ਨੇ ਜਸਵਿੰਦਰ ਦੀ ਗ਼ਜ਼ਲ ‘ਕੰਧਾਂ ਸਰਹਿੰਦ ਦੀਆਂ’ ਪੇਸ਼ ਕਰ ਸਰਹਿੰਦ ਦੀ ਧਰਤੀ ਦੇ ਮਹਾਨ ਸ਼ਹੀਦਾਂ ਨੂੰ ਅਕੀਦਤ ਦੇ ਫੁੱਲ੍ਹ ਭੇਟ ਕੀਤੇ। ਉਪਰੰਤ ਸਭਾ ਦੇ ਪ੍ਰਧਾਨ ਜਸਪਾਲ ਸਿੰਘ ਦੇਸੂਵੀ ਨੇ ਵਿਸ਼ਵ ਪੰਜਾਬੀ ਸਾਹਿਤਕ ਮੰਚ ਦੀਆਂ ਪ੍ਰਾਪਤੀਆਂ ਅਤੇ ਕੀਤੇ ਗਏ ਕਾਰਜਾਂ ‘ਤੇ ਚਾਨਣਾ ਪਾਇਆ। ਕਵੀ ਦਰਬਾਰ ਦੀ ਕਾਰਵਾਈ ਨੂੰ ਅਗਾਂਹ ਤੋਰਦਿਆਂ ਸ਼ਾਹਿਦ ਨੇ ਛੋਟੀ ਬੱਚੀ ਹਰਲੀਨ ਕੌਰ ਨੂੰ ਸੱਦਾ ਦਿੱਤਾ। ਜਿਸ ਨੇ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੀ ਫ਼ਾਰਸੀ ਲਿਖਤ ਜ਼ਫ਼ਰਨਾਮਾ ਦੇ 21 ਸ਼ਿਅਰਾਂ ਦਾ ਸੁਰ ਵੱਧ ਗਾਇਣ ਕਰ ਕਵੀ ਦਰਬਾਰ ਨੂੰ ਇੱਕ ਵਿਸ਼ੇਸ਼ ਰੰਗ ਵਿਚ ਰੰਗ ਦਿੱਤਾ। ਇਸ ਕਵੀ ਦਰਬਾਰ ਦੀ ਇਹ ਵਿਸ਼ੇਸ਼ਤਾ ਰਹੀ ਕਿ ਇਸ ਵਿਚ ਬਾਲ ਸਹਿਤ ਤੋਂ ਲੈ ਕੇ ਸ਼ਾਹ ਮੁਹੰਮਦ ਦੇ ਜੰਗਨਾਮੇ ਅਤੇ ਬਾਬੂ ਰਾਜਬ ਅਲੀ ਦੇ ਕਲਾਮਾਂ ਦੇ ਨਾਲ-ਨਾਲ ਪੁਰਾਤਨ ਕਾਵਿ ਕਿਰਤਾਂ ਛੰਦਬੰਦੀ, ਗੀਤ, ਗ਼ਜ਼ਲਾਂ ਅਤੇ ਕਵਿਤਾਵਾਂ ਦੇ ਵੱਖੋ ਵੱਖਰੇ ਰੂਪਾਂ ਦਾ ਪਾਠਕ੍ਰਮ ਬਾਖ਼ੂਬੀ ਹੋਇਆ। ਇਸ ਪ੍ਰੋਗਰਾਮ ਵਿਚ 50 ਦੇ ਕਰੀਬ ਸ਼ਾਇਰਾਂ ਕਵੀਆਂ ਤੇ ਗੀਤਕਾਰਾਂ ਨੇ ਆਪੋ ਆਪਣੇ ਕਲਾਮ ਪੇਸ਼ ਕੀਤੇ ਜਿਨ੍ਹਾਂ ਵਿਚ ਜਸਪਾਲ ਸਿੰਘ ਦੇਸੂਵੀ ਪ੍ਰਧਾਨ ਸਾਹਿਤਕ ਮੰਚ, ਸਨੇਹ ਇੰਦਰ ਮੀਲੂ ਫਰੌਰ, ਸੰਤ ਸਿੰਘ ਸੋਹਲ, ਜਸਵਿੰਦਰ ਰੌਕੀ, ਚੰਦਨ ਬਘੇਲ, ਮਹਿੰਦਰ ਮਿੰਦੀ, ਅਮਰਿੰਦਰ ਸੋਹਲ, ਗੁਰਸੇਵਕ ਸਿੰਘ ਢਿੱਲੋਂ ਭੈਣੀ ਸਾਹਿਬ, ਸ਼ਾਇਰ ਭਾਰਤੀ, ਹਰਪਾਲ ਸਿੰਘ ਰਾਜਪੁਰਾ, ਕੁਲਵੰਤ ਸਿੰਘ ਜੱਸਲ, ਬਲਵੰਤ ਸਿੰਘ ਵਿਰਕ, ਸੁਰਿੰਦਰ ਕੌਰ ਬਾੜਾ, ਗੁਰਦਰਸ਼ਨ ਸਿੰਘ ਗੁਸੀਲ, ਐਡਵੋਕੇਟ ਜਸਵਿੰਦਰ ਸਿੱਧੂ, ਰਤਨ ਬਾਬਕ ਪੁਰੀਆ, ਧਰਮਿੰਦਰ ਸ਼ਾਹਿਦ, ਹਰੀ ਸਿੰਘ ਚਮਕ, ਬਲਵਿੰਦਰ ਸਿੰਘ ਢਿੱਲੋਂ, ਮਲਕੀਤ ਸਿੰਘ ਨਾਗਰਾ, ਮੰਗਤ ਖ਼ਾਨ, ਰਾਮ ਸਿੰਘ ਅਲਬੇਲਾ, ਭਾਈ ਰਣਜੀਤ ਸਿੰਘ ਫ਼ਤਹਿਗੜ੍ਹ ਸਾਹਿਬ, ਉਪਕਾਰ ਸਿੰਘ ਦਿਆਲਪੁਰੀ, ਨੇਤਰ ਸਿੰਘ ਮੱਤੋਂ ਨੇ ਆਪੋ ਕਲਾਮ ਪੇਸ਼ ਕਰਕੇ ਮਹਿਫ਼ਲ ਦਾ ਰੰਗ ਬੰਨ੍ਹਿਆ।
ਬਾਲ ਸਾਹਿਤਕਾਰ ਕੰਵਲਜੀਤ ਨੀਲੋਂ ਹੁਰਾਂ ਨੇ ਆਪਣੀ ਪੇਸ਼ਕਾਰੀ ਨਾਲ਼ ਮਹਿਫ਼ਲ ਨੂੰ ਚਾਰ ਚੰਨ ਲਾ ਸਿਖਰ ‘ਤੇ ਪਹੁੰਚਾ ਦਿੱਤਾ। ਸਭਾ ਦੀ ਪ੍ਰਧਾਨਗੀ ਕਰ ਰਹੇ ਬਾਬੂ ਰਾਮ ਦੀਵਾਨਾ ਨੇ ਪੜ੍ਹੀਆਂ ਤੇ ਗਾਈਆਂ ਰਚਨਾਵਾਂ ‘ਤੇ ਆਪਣੇ ਵਿਚਾਰ ਪੇਸ਼ ਕਰਨ ਉਪਰੰਤ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਨੂੰ ਸਮਰਪਿਤ ਕਵਿਤਾ ਪੇਸ਼ ਕੀਤੀ। ਸੰਸਥਾ ਵਲੋਂ ਪ੍ਰਧਾਨਗੀ ਮੰਡਲ ਦੇ ਸਨਮਾਨ ਉਪਰੰਤ ਸੰਤ ਸਿੰਘ ਸੋਹਲ ਨੇ ਆਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ। ਪ੍ਰੋਗਰਾਮ ਤੋਂ ਬਾਅਦ ਗੁਰੂ ਕਾ ਲੰਗਰ ਅਤੁੱਟ ਵਰਤਿਆ।

ਵਿਸ਼ਵ ਪੰਜਾਬੀ ਸਾਹਿਤਕ ਵਿਚਾਰ ਮੰਚ ਮੋਹਾਲੀ ਨੇ ਸਰਹਿੰਦ ਵਿਚ ਕਵੀ ਦਰਬਾਰ ਕਰਵਾਇਆ

Subscribers Only Story

ਸੰਬੰਧਿਤ ਖ਼ਬਰਾਂ