ਬਚ ਟੁੱਟੀਆਂ ਸੜਕਾਂ ਤੋਂ ਵੱਟਾ-ਵੱਟਾ ਟਾਇਰਾਂ ਦਾ ਵੈਰੀ...
ਅਜੀਤ ਡੈਸਕ
01-05-2026
ਸਾਦਿਕ ਤੋਂ ਲੈ ਕੇ ਜੰਡ ਸਾਹਿਬ ਤੱਕ ਇਸ ਸੜਕ 'ਤੇ ਵੱਖ-ਵੱਖ ਨਿੱਜੀ ਤੇ ਸਰਕਾਰੀ 6 ਦੇ ਕਰੀਬ ਵਿੱਦਿਅਕ ਅਦਾਰੇ, ਮਿ੍ਤਕ ਦੇਹ ਸੰਭਾਲ ਘਰ, ਦੋ ਪੈਟਰੌਲ ਪੰਪ, ਬੈਂਕ ਬ੍ਰਾਂਚਾਂ ਆਦਿ ਤੋਂ ਇਲਾਵਾ ਹਿਠਾੜ ਦਾ ਪ੍ਰਸਿੱਧ ਧਾਰਮਿਕ ਅਸਥਾਨ ਗੁਰਦੁਆਰਾ ਜੰਡ ਬਣਿਆ ਹੋਇਆ ਹੈ, ਦੇ ਦਰਸ਼ਨਾਂ ਲਈ ਦੁਰੋ ਦੂਰੋਂ ਸੰਗਤਾਂ ਆਉਂਦੀਆਂ ਰਹਿੰਦੀਆਂ ਹਨ, ਨੂੰ ਵੀ ਆਵਾਜਾਈ ਵਿਚ ਪ੍ਰੇਸ਼ਾਨੀ ਝੱਲਣੀ ਪੈਂਦੀ ਹੈ | ਪਿੰਡ ਘੁੱਦੂਵਾਲਾ ਦੇ ਸਾਬਕਾ ਸਰਪੰਚ ਗੁਰਜੰਟ ਸਿੰਘ ਬਰਾੜ, ਬੋਹੜ ਸਿੰਘ ਥਿੰਦ, ਰਛਪਾਲ ਸਿੰਘ ਬਰਾੜ ਅਤੇ ਦੀ ਪੰਜਾਬ ਫੋਟੋਗ੍ਰਾਫਰਜ਼ ਐਸੋਸੀਏਸ਼ਨ ਪੰਜਾਬ ਦੇ ਜਨਰਲ ਸਕੱਤਰ ਜਸਵਿੰਦਰ ਸਿੰਘ ਸੰਧੂ ਜੰਡ ਸਾਹਿਬ ਆਦਿ ਨੇ ਕਿਹਾ ਕਿ ਪਿੰਡ ਦੇ ਨਾਲ ਲੜਕੀਆਂ ਦਾ ਕਾਲਜ ਤੇ ਦੋ ਸਕੂਲ ਬਣੇ ਹੋਏ ਹਨ ਨਾਲ ਹੀ ਪਿੰਡ ਦਾ ਸ਼ਮਸ਼ਾਨਘਾਟ ਤੇ ਸਰਕਾਰੀ ਪ੍ਰਾਇਮਰੀ ਸਕੂਲ ਦੇ ਕੋਲੋਂ, ਪਿੰਡ ਤੋਂ ਥੋੜਾ ਅੱਗੇ ਜਾ ਕੇ ਤੇ ਫਿਰ ਕੱਸੀ ਲੰਘ ਕੇ ਵਾਟਰ ਵਰਕਸ ਦੇ ਨੇੜੇ ਸੜਕ ਪੁੱਟ ਕੇ ਪੱਥਰ ਪਾਇਆ ਹੋਇਆ ਹੈ ਤੇ ਅਜੇ ਤੱਕ ਲੁੱਕ ਨਹੀਂ ਪਾਈ ਗਈ | ਇਸ ਤਰ੍ਹਾਂ ਸਾਦਿਕ 'ਚੋਂ ਲੰਘਦੀ ਸ੍ਰੀ ਮੁਕਤਸਰ ਸਾਹਿਬ-ਫਿਰੋਜ਼ਪੁਰ ਸੜਕ ਦੇ ਨਵ ਨਿਰਮਾਣ ਦਾ ਕੰਮ ਕਈ ਸਾਲਾਂ ਤੋਂ ਚੱਲ ਰਿਹਾ ਹੈ ਜੋ ਅਜੇ ਤੱਕ ਅਧੂਰਾ ਪਿਆ ਹੈ ਤੇ ਇਸ ਸੜਕ ਤੋਂ ਲੰਘਣ ਵਾਲੇ ਸੇਮ ਨਾਲਿਆਂ ਦੇ ਪੁੱਲਾਂ ਦਾ ਤਾਂ ਨਵ ਨਿਰਮਾਣ ਕੀਤਾ ਗਿਆ ਹੈ ਪਰ ਉਨ੍ਹਾਂ ਦੇ ਦੋਹੀਂ ਪਾਸੀਂ ਦੂਰ ਤੱਕ ਛੱਡੀ ਕੱਚੀ ਜਗ੍ਰ੍ਹਾ ਵਿਚ ਵੀ ਟੋਏ ਬਣੇ ਹੋਏ ਹਨ ਨੂੰ ਭਰਨ ਲਈ ਉੱਥੇ ਵੀ ਕੱਚਾ ਬੱਜਰ ਪਾਇਆ ਹੋਇਆ ਹੈ ਤੇ ਅਜੇ ਤੱਕ ਕਿਸੇ ਪੁੱਲ ਤੇ ਲੁੱਕ ਬੱਜਰੀ ਨਹੀਂ ਪਾਈ ਗਈ ਦੇ ਕਾਰਨ ਵੀ ਇੱਥੋਂ ਲੰਘਣ ਵਾਲੇ ਲੋਕ ਪ੍ਰੇਸ਼ਾਨ ਹੋ ਰਹੇ ਹਨ | ਜ਼ਿਕਰਯੋਗ ਹੈ ਕਿ ਇਸ ਸੜਕ ਤੋਂ ਲੰਘਦੀਆਂ ਕੱਸੀਆਂ ਦੇ ਪੁਲਾਂ ਦਾ ਵੀ ਨਿਰਮਾਣ ਹੋਣਾ ਦੱਸਿਆ ਜਾ ਰਿਹਾ ਹੈ, ਵੱਲ ਅਜੇ ਤੱਕ ਕਿਸੇ ਦਾ ਕੋਈ ਧਿਆਨ ਨਹੀਂ ਹੈ, ਜਿਸ ਕਰਕੇ ਸੜਕ ਦੇ ਕੰਮ ਸੁਸਤ ਰਫਤਾਰ ਨਾਲ ਚੱਲ ਰਹੇ ਹਨ | ਲੋਕਾਂ ਦੀ ਪ੍ਰਸ਼ਾਸਨ ਤੇ ਸਰਕਾਰ ਤੋਂ ਮੰਗ ਹੈ ਕਿ ਸਾਦਿਕ ਜੰਡ ਸਾਹਿਬ ਰੋਡ ਅਤੇ ਸ੍ਰੀ ਮੁਕਤਸਰ ਸਾਹਿਬ-ਫ਼ਿਰੋਜ਼ਪੁਰ ਰੋਡ ਨੂੰ ਜਲਦ ਮੁਕੰਮਲ ਕਰਕੇ ਇੰਨ੍ਹਾਂ 'ਤੇ ਪਾਏ ਬੱਜਰ 'ਤੇ ਜਲਦੀ ਲੁੱਕ ਬੱਜਰੀ ਪਾਈ ਜਾਵੇ ਤਾਂ ਜੋ ਲੋਕਾਂ ਨੂੰ ਇੱਥੋਂ ਲੰਘਣਾ ਅਸਾਨ ਹੋ ਸਕੇ ਨਹੀਂ ਤਾਂ ਲੋਕ ਸੰਘਰਸ਼ ਕਰਨ ਲਈ ਮਜਬੂਰ ਹੋਣਗੇ |
