ਫਰੀਦਕੋਟ

ਰਾਮਬਾਗ ਵਿਖੇ ਛੋਟੇ ਇਕੱਠਾਂ ਵਾਸਤੇ ਬਣਾਏ ਗਏ 'ਮਿੰਨੀ ਸ਼ਾਂਤੀ ਹਾਲ' ਦਾ ਕੀਤਾ ਲੋਕ ਅਰਪਣ <br/>

ਰਾਮਬਾਗ ਵਿਖੇ ਮਿੰਨੀ ਸ਼ਾਂਤੀ ਹਾਲ (ਮੰਜੂ ਮੈਮੋਰੀਅਲ ਹਾਲ) ਨੂੰ ਰਿਬਨ ਕੱਟ ਕੇ ਲੋਕ ਅਰਪਣ ਕਰਦੇ ਹੋਏ ਸਮਾਜ ਸੇਵੀ ਵਿਨੋਦ ਸਿੰਗਲ ਅਤੇ ਪਰਿਵਾਰਕ ਮੈਂਬਰ | ਅਜੀਤ ਤਸਵੀਰ <br/> 01-05-2026

ਬਰਨਾਲਾ, 30 ਅਪ੍ਰੈਲ (ਗੁਰਪ੍ਰੀਤ ਸਿੰਘ ਲਾਡੀ)-ਭਗਤ ਮੋਹਨ ਲਾਲ ਸੇਵਾ ਸੰਮਤੀ ਬਰਨਾਲਾ ਵਲੋਂ ਸ਼ਹਿਰ ਵਾਸੀਆਂ ਦੀ ਚਿਰੋਕਣੀ ਮੰਗ ਨੂੰ ਪੂਰਾ ਕਰਦਿਆਂ ਅੱਜ ਰਾਮਬਾਗ ਵਿਖੇ ਮਿੰਨੀ ਸ਼ਾਂਤੀ ਹਾਲ (ਮੰਜੂ ਮੈਮੋਰੀਅਲ ਹਾਲ) ਨੂੰ ਲੋਕ ਅਰਪਣ ਕੀਤਾ ਗਿਆ | ਸਭ ਤੋਂ ਪਹਿਲਾਂ ਭਗਤ ਮੋਹਨ ਲਾਲ ਸੇਵਾ ਸੰਮਤੀ ਦੇ ਅਹੁਦੇਦਾਰਾਂ ਅਤੇ ਮੈਂਬਰਾਂ ਵਲੋਂ ਸਨਾਤਨੀ ਮਰਿਯਾਦਾ ਮੁਤਾਬਿਕ ਹਵਨ ਕੀਤਾ ਗਿਆ | ਸੇਵਾ ਸੰਮਤੀ ਦੇ ਪ੍ਰਧਾਨ ਲਾਜਪਤ ਰਾਏ ਚੋਪੜਾ ਅਤੇ ਜਨਰਲ ਸਕੱਤਰ ਕਮਲ ਜਿੰਦਲ ਨੇ ਦੱਸਿਆ ਕਿ ਸ੍ਰੀ ਵਿਨੋਦ ਸਿੰਗਲ ਬੰਗਲੌਰ ਵਾਲਿਆਂ ਵਲੋਂ ਆਪਣੀ ਸਵ: ਧਰਮਪਤਨੀ ਮੰਜੂ ਸਿੰਗਲ ਦੀ ਯਾਦ ਵਿਚ ਇਸ ਮਿੰਨੀ ਸ਼ਾਂਤੀ ਹਾਲ ਦੀ ਉਸਾਰੀ ਲਈ ਵੱਡਾ ਸਹਿਯੋਗ ਦਿੱਤਾ ਗਿਆ ਹੈ, ਜਦੋਂ ਕਿ ਇਸ ਮਿੰਨੀ ਹਾਲ ਦੀ ਉਸਾਰੀ ਲਈ ਸ੍ਰੀ ਅਸ਼ੋਕ ਜਿੰਦਲ ਦਿੱਲੀ ਵਾਲੇ ਤੇ ਸ੍ਰੀ ਸੁਭਾਸ਼ ਜਿੰਦਲ ਵਲੋਂ ਆਪਣੇ ਪਿਤਾ ਸਵ: ਸੋਮਨਾਥ ਜਿੰਦਲ ਅਤੇ ਸਵ: ਮਾਤਾ ਕ੍ਰਿਸ਼ਨਾ ਜਿੰਦਲ ਦੀ ਯਾਦ ਵਿਚ ਵਿਸ਼ੇਸ਼ ਯੋਗਦਾਨ ਪਾਇਆ ਗਿਆ ਹੈ | ਉਨ੍ਹਾਂ ਦੱਸਿਆ ਕਿ ਸੇਵਾ ਸੰਮਤੀ ਦੇ ਸਵ: ਪ੍ਰਧਾਨ ਭਾਰਤ ਮੋਦੀ ਵਲੋਂ ਇਸ ਛੋਟੇ ਸ਼ਾਂਤੀ ਹਾਲ ਨੂੰ ਬਣਾਉਣ ਲਈ ਵਿਨੋਦ ਸਿੰਗਲ ਅਤੇ ਅਸ਼ੋਕ ਜਿੰਦਲ ਤੇ ਸੁਭਾਸ਼ ਜਿੰਦਲ ਹੋਰਾਂ ਨੂੰ ਪ੍ਰੇਰਿਆ ਗਿਆ ਸੀ | ਇਹ ਮੰਜੂ ਮੈਮੋਰੀਅਲ ਹਾਲ ਪੂਰੀ ਤਰ੍ਹਾਂ ਏਅਰ ਕੰਡੀਸ਼ਨ ਹੈ ਅਤੇ ਇਸ ਹਾਲ ਵਿਚ 150 ਤੋਂ ਲੈ ਕੇ 200 ਤੱਕ ਬੰਦਿਆਂ ਦੇ ਬੈਠਣ ਦਾ ਪ੍ਰਬੰਧ ਹੈ ਅਤੇ ਇਸ ਦੀ ਵੱਖਰੀ ਰਸੋਈ ਅਤੇ ਵਾਸ਼ਰੂਮ ਬਣਾਏ ਗਏ ਹਨ | ਉਨ੍ਹਾਂ ਦੱਸਿਆ ਕਿ ਸ੍ਰੀ ਵਿਨੋਦ ਸਿੰਗਲ ਅਤੇ ਉਨ੍ਹਾਂ ਦੇ ਪੋਤਰੇ ਅਗਸਤਿਆ ਸਿੰਗਲ ਵਲੋਂ ਰਿਬਨ ਕੱਟ ਕੇ ਇਸ ਮਿੰਨੀ ਸ਼ਾਂਤੀ ਹਾਲ ਦਾ ਲੋਕ ਅਰਪਣ ਕੀਤਾ ਗਿਆ | ਇਸ ਸਮੇਂ ਉਨ੍ਹਾਂ ਦੇ ਪੁੱਤਰ ਅਨੁਜ਼ ਸਿੰਗਲ, ਅੰਕੁਰ ਸਿੰਗਲ ਸਮੇਤ ਉਨ੍ਹਾਂ ਦੇ ਹੋਰ ਪਰਿਵਾਰਕ ਮੈਂਬਰਾਂ ਤੋਂ ਇਲਾਵਾ ਸੇਵਾ ਸੰਮਤੀ ਦੇ ਮੀਤ ਪ੍ਰਧਾਨ ਠੇਕੇਦਾਰ ਬੀਰਬਲ ਦਾਸ ਅਤੇ ਵਿਨੋਦ ਕਾਂਸਲ, ਖ਼ਜ਼ਾਨਚੀ ਵੇਦ ਪ੍ਰਕਾਸ਼, ਕੈਸ਼ੀਅਰ ਮੰਗਤ ਰਾਏ, ਜਥੇਬੰਦਕ ਸਕੱਤਰ ਨਰਿੰਦਰ ਚੋਪੜਾ, ਪ੍ਰੈਸ ਸਕੱਤਰ ਜਗਸੀਰ ਸਿੰਘ ਸੰਧੂ, ਕਾਰਜਕਾਰਨੀ ਮੈਂਬਰ ਦੀਪਕ ਸੋਨੀ, ਗੋਪਾਲ ਸ਼ਰਮਾ ਅਤੇ ਰਾਜਿੰਦਰ ਗਾਰਗੀ, ਮੋਤੀ ਰਾਮ ਭੱਠੇ ਵਾਲੇ, ਸੁਭਾਸ਼ ਜਿੰਦਲ, ਜੀਵਨ ਕੁਮਾਰ ਹੈਪੀ, ਰਾਕੇਸ਼ ਬਬਲੂ, ਸੰਦੀਪ ਸਿੰਗਲਾ, ਪ੍ਰਦੀਪ ਸਿੰਗਲਾ, ਰਾਮੇਸ਼ ਕੁਮਾਰ, ਗੁਰਮੀਤ ਬਾਵਾ, ਮਨੋਹਰ ਸੋਰੀ, ਵਿਨੋਦ ਬੰਟੀ ਸੋਰੀ, ਸੁਰੇਸ਼ ਦਾਦੂ ਜੈ ਨਰਾਇਣ ਸ਼ਰਮਾ, ਜਸਪਾਲ ਕੁਮਾਰ, ਸਤਪਾਲ, ਅਰੁਣ ਮੋਦੀ, ਕਰਨ ਮੋਦੀ, ਜਗਦੀਸ਼ ਸਿੰਧਵਾਨੀ, ਰਾਕੇਸ਼ ਜਿੰਦਲ, ਸੰਦੀਪ ਗਰਗ, ਵਿਨੋਦ ਸਿੰਗਲਾ, ਧਰਮਪਾਲ ਸੰਟੀ ਆਦਿ ਮੈਂਬਰ ਹਾਜ਼ਰ ਸਨ |

ਪਿਛਲੀ ਖ਼ਬਰ ਪਰਾਲੀ ਪ੍ਰਬੰਧਨ ਲਈ ਜ਼ਿਲ੍ਹਾ ਪ੍ਰਸ਼ਾਸਨ ਸਰਗਰਮ, ਡਿਪਟੀ ਕਮਿਸ਼ਨਰ ਅਤੇ ਐਸ.ਐਸ.ਪੀ. ਵਲੋਂ ਢਿੱਲਵਾਂ ਦੇ ਖੇਤਾਂ ਦਾ ਦੌਰਾ... ਅਗਲੀ ਖ਼ਬਰ ਪਿੰਡ ਚੰਨਣਵਾਲ ਵਿਖੇ ਮੁਫ਼ਤ ਅੱਖਾਂ ਦੇ ਕੈਂਪ 'ਚ 250 ਮਰੀਜ਼ਾਂ ਦੀ ਜਾਂਚ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਰਾਮਬਾਗ ਵਿਖੇ ਛੋਟੇ ਇਕੱਠਾਂ ਵਾਸਤੇ ਬਣਾਏ ਗਏ 'ਮਿੰਨੀ ਸ਼ਾਂਤੀ ਹਾਲ' ਦਾ ਕੀਤਾ ਲੋਕ ਅਰਪਣ <br/>

Subscribers Only Story

ਸੰਬੰਧਿਤ ਖ਼ਬਰਾਂ