ਪੁਡੂਚੇਰੀ 'ਚ ਕਾਂਗਰਸ ਦਾ ਰਾਜ ਰਾਜਨੀਤਕ ਅਸਥਿਰਤਾ ਤੇ ਭਿ੍ਸ਼ਟਾਚਾਰ ਨਾਲ ਭਰਿਆ ਰਿਹਾ-ਮੋਦੀ <br/>

ਅ

ਅਜੀਤ ਡੈਸਕ 02-03-2026

ਪੁਡੂਚੇਰੀ, 1 ਮਾਰਚ (ਏਜੰਸੀ)-ਐਤਵਾਰ ਨੂੰ ਪੁਡੂਚੇਰੀ ਪਹੁੰਚੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਥੇ 2,700 ਕਰੋੜ ਰੁਪਏ ਤੋਂ ਵੱਧ ਦੇ ਵਿਕਾਸ ਪ੍ਰਾਜੈਕਟ ਸ਼ੁਰੂ ਕੀਤੇ | ਇਨ੍ਹਾਂ ਪ੍ਰਾਜੈਕਟਾਂ ਦਾ ਉਦੇਸ਼ ਪੁਡੂਚੇਰੀ ਵਿਚ ਬੁਨਿਆਦੀ ਢਾਂਚੇ, ਸ਼ਹਿਰੀ ਸੇਵਾਵਾਂ, ਉਦਯੋਗਿਕ ਵਿਕਾਸ, ਸਿੱਖਿਆ, ਸਿਹਤ ਸੰਭਾਲ ਅਤੇ ਟਿਕਾਊ ਵਿਕਾਸ ਨੂੰ ਮਜ਼ਬੂਤ ਕਰਨਾ ਹੈ | ਉਨ੍ਹਾਂ ਨੇ ਕਈ ਮੁੱਖ ਪਹਿਲਕਦਮੀਆਂ ਦਾ ਉਦਘਾਟਨ ਵੀ ਕੀਤਾ ਜਿਨ੍ਹਾਂ 'ਚ ਪੀ.ਐਮ. ਈ-ਬੱਸ ਸੇਵਾ ਪਹਿਲ ਤਹਿਤ ਈ-ਬੱਸਾਂ ਦੀ ਸ਼ੁਰੂਆਤ, ਸਮਾਰਟ ਸਿਟੀ ਮਿਸ਼ਨ ਤਹਿਤ ਏਕੀਕ੍ਰਿਤ ਕਮਾਂਡ ਅਤੇ ਕੰਟਰੋਲ ਸੈਂਟਰ, ਸਿਟੀ ਇਨਵੈਸਟਮੈਂਟਸ ਟੂ ਇਨੋਵੇਟ, ਇੰਟੀਗ੍ਰੇਟ ਐਂਡ ਸਸਟੇਨ ਪਹਿਲਕਦਮੀ ਤਹਿਤ ਆਰਥਿਕ ਤੌਰ 'ਤੇ ਕਮਜ਼ੋਰ ਵਰਗਾਂ ਲਈ ਰਿਹਾਇਸ਼ਾਂ ਅਤੇ ਸੀਵਰੇਜ ਤੇ ਜਲ ਸਪਲਾਈ ਖੇਤਰ ਦੇ ਪ੍ਰਾਜੈਕਟ ਸ਼ਾਮਿਲ ਹਨ | ਪ੍ਰਧਾਨ ਮੰਤਰੀ ਦਾ ਸਵਾਗਤ ਪੁਡੂਚੇਰੀ ਦੇ ਉਪ ਰਾਜਪਾਲ ਕੇ. ਕੈਲਾਸਨਾਥਨ ਅਤੇ ਮੁੱਖ ਮੰਤਰੀ ਰੰਗਾਸਾਮੀ ਨੇ ਕੀਤਾ | ਇਸ ਮੌਕੇ ਇਕ ਪ੍ਰੋਗਰਾਮ ਨੂੰ ਸੰਬੋਧਨ ਕਰਦਿਆਂ ਪ੍ਰਧਾਨ ਮੰਤਰੀ ਨੇ ਕਾਂਗਰਸ 'ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ ਇਸ ਕੇਂਦਰੀ ਸ਼ਾਸਤ ਪ੍ਰਦੇਸ਼ 'ਚ ਕਾਂਗਰਸ ਦਾ ਰਾਜ ਰਾਜਨੀਤਕ ਅਸਥਿਰਤਾ ਤੇ ਭਿ੍ਸ਼ਟਾਚਾਰ ਨਾਲ ਭਰਿਆ ਰਿਹਾ ਹੈ ਤੇ ਕਾਂਗਰਸ ਨੇ ਪੁਡੂਚੇਰੀ ਨੂੰ ਦਿੱਲੀ 'ਚ ਬੈਠੇ ਇਕ ਪਰਿਵਾਰ ਲਈ ਏ.ਟੀ.ਐਮ. ਬਣਾ ਦਿੱਤਾ ਸੀ | ਉਨ੍ਹਾਂ ਕਿਹਾ ਕਿ ਕਾਂਗਰਸ ਤੇ ਡੀ.ਐਮ.ਕੇ. ਪੁਡੂਚੇਰੀ ਦੀ ਵਿਕਾਸ ਯਾਤਰਾ 'ਚ ਸਪੀਡ ਬ੍ਰੇਕਰ ਬਣ ਗਏ ਸਨ | ਉਨ੍ਹਾਂ ਕਿਹਾ ਕਿ 2047 ਤੱਕ ਪੁਡੂਚੇਰੀ ਨੂੰ ਇਕ ਵਿਕਸਤ ਕੇਂਦਰੀ ਸ਼ਾਸਤ ਪ੍ਰਦੇਸ਼ ਬਣਨਾ ਹੋਵੇਗਾ ਤੇ ਡਬਲ ਇੰਜਣ ਸਰਕਾਰ ਇਸ ਮਿਸ਼ਨ 'ਚ ਤੁਹਾਡੇ ਨਾਲ ਹੈ |
ਮਦੁਰਾਈ 'ਚ 4400 ਕਰੋੜ ਦੇ ਪ੍ਰਾਜੈਕਟਾਂ ਦਾ ਉਦਘਾਟਨ
ਮਦੁਰਾਈ, (ਏਜੰਸੀ)-ਇਥੇ 4,400 ਕਰੋੜ ਰੁਪਏ ਤੋਂ ਵੱਧ ਦੇ ਬੁਨਿਆਦੀ ਢਾਂਚੇ ਦੇ ਪ੍ਰਾਜੈਕਟਾਂ ਦਾ ਉਦਘਾਟਨ ਕਰਨ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨੇ ਆਪਣੇ ਸੰਬੋਧਨ 'ਚ ਕਿਹਾ ਕਿ ਸਾਡਾ ਸਮੂਹਿਕ ਟੀਚਾ ਇਕ ਵਿਕਸਤ ਭਾਰਤ ਲਈ ਇਕ ਵਿਕਸਤ ਤਾਮਿਲਨਾਡੂ ਹੈ | ਉਨ੍ਹਾਂ ਕਿਹਾ ਕਿ ਤਾਮਿਲਨਾਡੂ ਦੇਸ਼ ਦੀ ਕਿਸਮਤ ਨੂੰ ਆਕਾਰ ਦੇਣ 'ਚ ਨਿਰਣਾਇਕ ਭੂਮਿਕਾ ਨਿਭਾਏਗਾ | ਉਨ੍ਹਾਂ ਭਰੋਸਾ ਦਿੱਤਾ ਕਿ ਕੇਂਦਰ ਸਮਾਵੇਸ਼ੀ ਵਿਕਾਸ ਅਤੇ ਰਾਜ ਦੀ ਤਰੱਕੀ ਨੂੰ ਸਮਰੱਥ ਬਣਾਉਣ ਲਈ ਵਚਨਬੱਧ ਰਹੇਗਾ | ਪ੍ਰਧਾਨ ਮੰਤਰੀ ਨੇ ਰਾਸ਼ਟਰੀ ਰਾਜਮਾਰਗ ਦੇ ਖਾਸ ਰੂਟ ਦੇ ਮਾਰਕਨਮ-ਪੁਡੂਚੇਰੀ ਸੈਕਸ਼ਨ ਅਤੇ ਪਰਮਾਕੁਡੀ-ਰਾਮਨਾਥਪੁਰਮ ਸੈਕਸ਼ਨ ਨੂੰ ਚਾਰ-ਮਾਰਗੀ ਕਰਨ ਲਈ ਨੀਂਹ ਪੱਥਰ ਰੱਖਿਆ ਅਤੇ ਤਾਮਿਲਨਾਡੂ 'ਚ ਅੱਠ ਪੁਨਰ-ਵਿਕਸਤ ਰੇਲਵੇ ਸਟੇਸ਼ਨਾਂ ਦਾ ਉਦਘਾਟਨ ਕੀਤਾ, ਇਸ ਦੇ ਨਾਲ ਹੀ ਚੇਨਈ ਬੀਚ-ਚੇਨਈ ਐਗਮੋਰ ਚੌਥੀ ਲਾਈਨ ਰਾਸ਼ਟਰ ਨੂੰ ਸਮਰਪਿਤ ਕੀਤੀ | ਉਨ੍ਹਾਂ ਨੇ ਕੁੰਭਕੋਣਮ, ਯੇਰਕੌਡ ਅਤੇ ਵੇਲੋਰ ਵਿਖੇ ਤਿੰਨ ਨਵੇਂ ਆਕਾਸ਼ਵਾਣੀ ਐਫ਼. ਐਮ. ਰੀਲੇਅ ਟ੍ਰਾਂਸਮੀਟਰਾਂ ਦਾ ਉਦਘਾਟਨ ਕੀਤਾ |

ਪਿਛਲੀ ਖ਼ਬਰ ਬੰਗਾਲ 'ਚ ਐਸ.ਆਈ.ਆਰ. ਤੋਂ ਬਾਅਦ ਅੰਤਿਮ ਵੋਟਰ ਸੂਚੀ ਜਾਰੀ ਅਗਲੀ ਖ਼ਬਰ ਪ੍ਰਭੂਸੱਤਾ ਸੰਪੰਨ ਦੇਸ਼ ਦੇ ਆਗੂ ਦੀ ਨਿਸ਼ਾਨਾ ਬਣਾ ਕੇ ਕੀਤੀ ਗਈ ਹੱਤਿਆ ਦੀ ਸਖ਼ਤ ਨਿੰਦਾ ਕੀਤੀ ਜਾਣੀ ਚਾਹੀਦੀ ਹੈ-ਪਿ੍ਯੰ...