ਜਲੰਧਰ ਸਿਟੀ ਸਟੇਸ਼ਨ 'ਤੇ ਮਿਲੇਗੀ ਪਾਰਸਲ ਪੈਕਿੰਗ ਸੁਵਿਧਾ, ਈ-ਨਿਲਾਮੀ ਰਾਹੀਂ 3 ਸਾਲਾਂ ਲਈ ਇਕਰਾਰਨਾਮਾ ਅਲਾਟ <br/>

ਫ਼ਿਰੋਜ਼ਪੁਰ, 11 ਜੂਨ (ਰਾਕੇਸ਼ ਚਾਵਲਾ)-ਯਾਤਰੀਆਂ ਨੂੰ ਸੁਰੱਖਿਅਤ ਤੇ ਸੁਵਿਧਾਜਨਕ ਪਾਰਸਲ ਸੇਵਾ ਉਪਲਬਧ ਕਰਾਉਣ ਦੀ ਦਿਸ਼ਾ ਵਿਚ ਫ਼ਿਰੋਜ਼ਪੁਰ ਮੰਡਲ ਨੇ ਇਕ ਹੋਰ ਮਹੱਤਵਪੂਰਨ ਕਦਮ ਚੁੱਕਿਆ ਹੈ | ਮੰਡਲ ਦੁਆਰਾ ਈ-ਨੀਲਾਮੀ ਪ੍ਰਕਿਰਿਆ ਰਾਹੀਂ ਜਲੰਧਰ ਸਿਟੀ ਰੇਲਵੇ ਸਟੇਸ਼ਨ 'ਤੇ ਪਾਰਸਲ ਪੈਕਿੰਗ ਇਕਰਾਰਨਾਮਾ ਸਫਲਤਾਪੂਰਵਕ ਤਿੰਨ ਸਾਲਾਂ ਦੀ ਮਿਆਦ ਲਈ ਅਲਾਟ ਕੀਤਾ ਗਿਆ ਹੈ | ਇਸ ਸੁਵਿਧਾ ਦੇ ਸ਼ੁਰੂ ਹੋਣ ਨਾਲ ਯਾਤਰੀਆਂ ਨੂੰ ਆਪਣੇ ਪਾਰਸਲ ਦੀ ਪੈਕਿੰਗ ਨਾ-ਮਾਤਰ ਫ਼ੀਸ 'ਤੇ ਰੇਲਵੇ ਸਟੇਸ਼ਨ 'ਤੇ ਹੀ ਉਪਲਬਧ ਹੋ ਸਕੇਗੀ | ਉਚਿੱਤ ਤੇ ਸੁਰੱਖਿਅਤ ਪੈਕਿੰਗ ਕਾਰਨ ਪਾਰਸਲ ਦੇ ਆਵਾਜਾਈ ਦੌਰਾਨ ਟੁੱਟਣ ਜਾਂ ਨੁਕਸਾਨ ਦੀ ਸੰਭਾਵਨਾ ਵੀ ਨਹੀਂ ਹੋਵੇਗੀ | ਇਸ ਨਾਲ ਪਾਰਸਲ ਲੋਡਿੰਗ ਨਾਲ ਸਬੰਧਿਤ ਸ਼ਿਕਾਇਤਾਂ ਨਹੀਂ ਆਉਣਗੀਆਂ, ਜਿਸ ਨਾਲ ਦਾਅਵੇ ਵੀ ਘਟਣਗੇ | ਨਾਲ ਹੀ ਯਾਤਰੀਆਂ ਦਾ ਰੇਲਵੇ ਦੀਆਂ ਸੇਵਾਵਾਂ ਪ੍ਰਤੀ ਵਿਸ਼ਵਾਸ ਹੋਰ ਮਜ਼ਬੂਤ ਹੋਵੇਗਾ | ਪਾਰਸਲ ਪੈਕਿੰਗ ਸੁਵਿਧਾ ਨਾਲ ਪਾਰਸਲਾਂ ਦੀ ਸੁਰੱਖਿਅਤ, ਵਿਵਸਥਿਤ ਅਤੇ ਸੁਖਾਲੀ ਆਵਾਜਾਈ ਯਕੀਨੀ ਹੋਵੇਗੀ | ਇਹ ਸੁਵਿਧਾ ਲੁਧਿਆਣਾ ਅਤੇ ਅੰਮਿ੍ਤਸਰ ਰੇਲਵੇ ਸਟੇਸ਼ਨਾਂ 'ਤੇ ਪਹਿਲਾਂ ਹੀ ਸਫਲਤਾਪੂਰਵਕ ਚਲਾਈ ਜਾ ਰਹੀ ਹੈ |