ਛੇਹਰਟਾ ਤੋਂ ਵਾਰਾਣਸੀ ਤੱਕ ਨਵੀਂ ਰੇਲਗੱਡੀ ਚਲਾਉਣ ਦਾ ਐਲਾਨ

ਅੰਮ੍ਰਿਤਸਰ, 6 ਜੁਲਾਈ (ਰਾਜੇਸ਼ ਕੁਮਾਰ ਸ਼ਰਮਾ)-ਰੇਲਵੇ ਵਲੋਂ ਅੰਮ੍ਰਿਤਸਰ ਦੇ ਛੇਹਰਟਾ ਰੇਲਵੇ ਸਟੇਸ਼ਨ ਤੋਂ ਵਾਰਾਣਸੀ ਤੱਕ ਨਵੀਂ ਰੇਲਗੱਡੀ ਚਲਾਉਣ ਦਾ ਐਲਾਨ ਕੀਤਾ ਗਿਆ ਹੈ। ਹਾਲਾਂਕਿ ਇਸ ਦੇ ਚੱਲਣ ਸੰਬੰਧੀ ਕੋਈ ਨਿਸ਼ਚਿਤ ਤਾਰੀਕ ਨਹੀਂ ਦੱਸੀ ਗਈ। ਇਹ ਰੇਲਗੱਡੀ ਛੇਹਟਰਾ ਤੋਂ ਦੁਪਹਿਰ 2:05 ਵਜੇ ਰਵਾਨਾ ਹੋਵੇਗੀ, ਜੋ ਅੰਮ੍ਰਿਤਸਰ, ਜਲੰਧਰ ਸਿਟੀ, ਲੁਧਿਆਣਾ, ਅੰਬਾਲਾ ਛਾਉਣੀ, ਸਹਾਰਨਪੁਰ, ਮੁਰਾਦਾਬਾਦ, ਬਰੇਲੀ, ਸ਼ਾਹਜਹਾਪੁਰ, ਲਖਨਊ, ਸੁਲਤਾਨਪੁਰ, ਜੌਨਪੁਰ ਸਿਟੀ ਤੋਂ ਹੁੰਦੀ ਹੋਈ ਅਗਲੇ ਦਿਨ ਦੁਪਹਿਰ 12:15 ਵਜੇ ਵਾਰਾਣਸੀ ਪਹੁੰਚੇਗੀ। ਜਦਕਿ ਵਾਰਾਣਸੀ ਤੋਂ ਇਸਦੇ ਚੱਲਣ ਦਾ ਸਮਾਂ ਸ਼ਾਮ 7:50 ਵਜੇ ਹੋਵੇਗਾ ਅਤੇ ਅਗਲੇ ਦਿਨ ਸ਼ਾਮ 5:10 ਵਜੇ ਛੇਹਰਟਾ ਪਹੁੰਚੇਗੀ।