ਮੋਗਾ, 10 ਮਈ (ਸੁਰਿੰਦਰਪਾਲ ਸਿੰਘ)-ਭਾਰਤੀ ਵਾਲਮੀਕ ਧਰਮ ਸਮਾਜ ਦੇ ਪ੍ਰਧਾਨ ਨਰੇਸ਼ ਬੋਹਤ ਨੇ ਦੱਸਿਆ ਕਿ 23 ਮਈ ਦਿਨ ਸਨਿੱਚਰਵਾਰ ਨੂੰ ਵਾਲਮੀਕ ਕਾਲੋਨੀ ਵਾਰਡ ਨੰਬਰ 40 ਵਿਚ ਬੱਚਿਆਂ ਵਲੋਂ ਮਾਂ ਸ਼ੇਰਾਵਲੀ ਦਾ ਵਿਸ਼ਾਲ ਜਾਗਰਣ ਧੂਮਧਾਮ ਨਾਲ ਕਰਵਾਇਆ ਜਾ ਰਿਹਾ ਹੈ | ਜਾਗਰਣ ਵਿਚ ਭਜਨ ਗਾਇਕ ਹਰਸ਼ ਸ਼ਰਮਾ ਅਤੇ ਲੁਧਿਆਣਾ ਤੋਂ ਆਏ ਗਾਇਕ ਜੱਗੀ ਗਿੱਲ ਮਾਂ ਭਗਵਤੀ ਦਾ ਭਜਨ ਗਾਇਣ ਕਰਨਗੇ | ਬੱਚਿਆਂ ਵਲੋਂ ਮਾਂ ਭਗਵਤੀ ਦੇ ਜਾਗਰਣ ਲਈ ਸੱਦਾ ਪੱਤਰ ਮੋਗਾ ਦੇ ਵਿਧਾਇਕ ਡਾ. ਅਮਨਦੀਪ ਅਰੋੜਾ ਨੂੰ ਦਿੱਤਾ ਗਿਆ | ਇਸ ਮੌਕੇ ਜਾਗਰਣ ਦਾ ਸੱਦਾ ਪੱਤਰ ਦਿੰਦੇ ਹੋਏ ਲਵ ਬੋਹਤ, ਅਰਵਿੰਦ ਅਰੋੜਾ, ਪ੍ਰਥਮ ਬੋਹਤ, ਨਕਸ਼ ਕੁਮਾਰ, ਦੀਸ਼ੂ ਕੁਮਾਰ ਬੋਹਤ, ਗੁਰੀ ਸਚਦੇਵਾ, ਦੀਪਕ ਕੁਮਾਰ ਖੈਰਲੀਆ, ਅਰੁਣ ਕੁਮਾਰ ਸੰਗੇਲੀਆ, ਨਰੇਸ਼ ਬੋਹਤ ਪ੍ਰਧਾਨ ਭਾਵਾਧਸ ਹਾਜ਼ਰ ਸਨ | ਮੋਗਾ ਦੇ ਵਿਧਾਇਕ ਡਾ. ਅਮਨਦੀਪ ਅਰੋੜਾ ਨੇ ਮਾਂ ਭਗਵਤੀ ਦੇ ਜਾਗਰਣ ਦੀ ਵਧਾਈ ਦਿੱਤੀ ਅਤੇ ਕਿਹਾ ਕਿ ਹਰ ਸਾਲ ਉਨ੍ਹਾਂ ਦੇ ਸ਼ਰਧਾ ਭਾਵ ਨਾਲ ਬੱਚਿਆਂ ਦੁਆਰਾ ਮਾਂ ਭਗਵਤੀ ਦਾ ਇਕ ਵਿਸ਼ਾਲ ਜਾਗਰਣ ਬਹੁਤ ਧੂਮਧਾਮ ਨਾਲ ਕਰਵਾਇਆ ਜਾਂਦਾ ਹੈ ਅਤੇ ਇਸ ਵਾਰ ਵੀ ਮਾਂ ਸ਼ੇਰਾਵਲੀ ਦਾ ਚੌਥਾ ਵਿਸ਼ਾਲ ਜਾਗਰਣ ਕਰਵਾਇਆ ਜਾ ਰਿਹਾ ਹੈ | ਡਾ. ਅਮਨਦੀਪ ਅਰੋੜਾ ਨੇ ਬੱਚਿਆਂ ਨੂੰ ਕਿਹਾ ਕਿ ਧਾਰਮਿਕ ਕਾਰਜ ਦੇ ਨਾਲ-ਨਾਲ ਉਨ੍ਹਾਂ ਨੂੰ ਪੜ੍ਹਾਈ ਨਾਲ ਵੀ ਜੁੜਨਾ ਚਾਹੀਦਾ ਹੈ |
