ਮੋਗਾ, 8 ਜੁਲਾਈ (ਅਸ਼ੋਕ ਬਾਂਸਲ)-1008 ਮਹਾਂਮੰਡਲੇਸ਼ਵਰ ਸਵਾਮੀ ਕਮਲ ਪੁਰੀ ਮਹਾਰਾਜ ਵਲੋਂ ਗਾਂਧੀ ਰੋਡ ਸਥਿਤ ਗੋਪਾਲ ਗਊਸ਼ਾਲਾ ਵਿਚ 23 ਜੁਲਾਈ ਤੋਂ 29 ਜੁਲਾਈ ਤੱਕ ਸਵਾਮੀ ਸ਼ੰਕਰਾ ਪੁਰੀ ਆਸ਼ਰਮ, ਜ਼ੀਰਾ ਵਿਖੇ ਹੋਣ ਵਾਲੀ ਸ੍ਰੀ ਮਦ ਭਾਗਵਤ ਕਥਾ ਅਤੇ ਮੇਲਾ ਵਿਆਸ ਪੂਜਾ ਦਾ ਸੱਦਾ ਪੱਤਰ ਜਾਰੀ ਕੀਤਾ ਗਿਆ। ਉਨ੍ਹਾਂ ਦੱਸਿਆ ਕਿ 22 ਜੁਲਾਈ ਤੋਂ 28 ਜੁਲਾਈ ਤੱਕ ਹਰ ਰੋਜ਼ ਸ਼ਾਮ 3 ਵਜੇ ਤੋਂ 7 ਵਜੇ ਤੱਕ ਸ੍ਰੀ ਮਦ ਭਾਗਵਤ ਕਥਾ ਕੀਤੀ ਜਾਵੇਗੀ। 29 ਜੁਲਾਈ ਨੂੰ ਸਵੇਰੇ 7 ਵਜੇ ਹਵਨ ਯੱਗ ਹੋਵੇਗਾ, ਇਸ ਤੋਂ ਬਾਅਦ ਸਾਰਾ ਦਿਨ ਗੁਰੂ ਪੂਜਾ ਦਾ ਸਮਾਗਮ ਚੱਲੇਗਾ। ਸਵਾਮੀ ਕਮਲ ਪੁਰੀ ਨੇ ਮੋਗਾ ਵਾਸੀਆਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਧਾਰਮਿਕ ਸਮਾਗਮ ਵਿਚ ਵੱਧ ਤੋਂ ਵੱਧ ਗਿਣਤੀ ਵਿਚ ਸ਼ਾਮਲ ਹੋ ਕੇ ਆਸ਼ੀਰਵਾਦ ਪ੍ਰਾਪਤ ਕਰਨ। ਇਸ ਮੌਕੇ ਗਊਸ਼ਾਲਾ ਦੇ ਪ੍ਰਧਾਨ ਰਵਿੰਦਰ ਗੋਇਲ ਸੀ.ਏ., ਸਵਾਮੀ ਲਾਲ ਪੁਰੀ, ਐਸ.ਕੇ. ਬਾਂਸਲ, ਕੁਲਦੀਪ ਵਧਵਾ, ਸੁਰੇਸ਼ ਕੁਮਾਰ ਬਾਂਸਲ, ਮਨੀਸ਼ ਸਿੰਗਲਾ, ਓਮ ਪ੍ਰਕਾਸ਼, ਮਨਿੰਦਰ ਸ਼ਰਮਾ ਅਤੇ ਹੋਰ ਹਾਜ਼ਰ ਸਨ।
