18-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 17-04-2026

ਵਿਜਡਮ ਵਰਲਡ ਸਕੂਲ 'ਚ ਮਨਾਈ ਵਿਸਾਖੀ

ਅਜੀਤ ਡੈਸਕ 17-04-2026
ਅਹਿਮਦਗੜ੍ਹ, 16 ਅਪੈ੍ਰਲ (ਸੁਖਜੀਤ ਸਿੰਘ ਖੇੜਾ) - ਵਿਜਡਮ ਵਰਲਡ ਸਕੂਲ ਵਿਚ ਵਿਸਾਖੀ ਦਾ ਤਿਉਹਾਰ ਬੜੀ ਹੀ ਸ਼ਰਧਾ ਅਤੇ ਧੂਮਧਾਮ ਨਾਲ ਮਨਾਇਆ ਗਿਆ | ਅਸੈਂਬਲੀ ਵਿਚ ਬੱਚਿਆਂ ਨੇ ਵਿਸਾਖੀ ਦੇ ਸਬੰਧ ਵਿਚ ਭਾਸਣ ਦਿੱਤਾ ਅਤੇ ਰੰਗਾਂ ਰੰਗ ਪ੍ਰੋਗਰਾਮ ਵੀ ਪੇਸ਼ ਕੀਤਾ ਗਿਆ ਜਿਸ ਵਿਚ ਸੈਕਿੰਡ ਥਰਡ ਕਲਾਸ ਦੀਆਂ ਕੁੜੀਆਂ ਨੇ ਪੰਜਾਬੀ ਗੀਤ ਉੱਪਰ ਡਾਂਸ ਪੇਸ਼ ਕੀਤਾ ਅਤੇ ਮੁੰਡਿਆਂ ਨੇ ਭੰਗੜਾ, ਵਿਸਾਖੀ ਨਾਲ ਸਬੰਧਤ ਕਈ ਪ੍ਰਸਿੱਧ ਗੀਤ ਵੀ ਗਾਏ ਗਏ | ਮੈਡਮ ਕੁਲਜੀਤ ਨੇ ਪੰਜਾਬੀ ਵਿਚ ਵਿਸਾਖੀ ਦੇ ਮਹੱਤਵ ਬਾਰੇ ਬੱਚਿਆਂ ਨੂੰ ਦੱਸਿਆ ਕਿ ਕਿਸ ਪ੍ਰਕਾਰ 1699 ਵਿਚ ਅਨੰਦਪੁਰ ਸਾਹਿਬ ਵਿਖੇ ਖ਼ਾਲਸਾ ਪੰਥ ਦੀ ਸਾਜਨਾ ਕੀਤੀ ਗਈ ਸੀ | ਕਿੰਡਰ ਗਾਰਡਨ ਦੇ ਬੱਚੇ ਸਪੈਸ਼ਲ ਵਿਸਾਖੀ ਨਾਲ ਸੰਬੰਧਿਤ ਪੰਜਾਬੀ ਸੂਟ ਅਤੇ ਮੁੰਡੇ ਪੰਜਾਬੀ ਕੁੜਤੇ ਪਜਾਮੇ ਪਾ ਕੇ ਸਕੂਲ ਵਿਚ ਦਾਖਲ ਹੋਏ | ਬੱਚਿਆਂ ਨੂੰ ਫੀਲਡ ਵਿਜ਼ਟ ਕਰਵਾਇਆ ਜਿਸ ਵਿਚ ਬੱਚਿਆਂ ਨੂੰ ਖੇਤਾਂ ਵਿਚ ਪੱਰੀ ਕਣਕ ਦੀ ਫ਼ਸਲ ਦਿਖਾਈ ਗਈ | ਬੱਚਿਆਂ ਨੇ ਪੋਸਟਰ ਮੇਕਿੰਗ ਕੀਤੀ ਜਿਸ ਵਿਚ ਉਨ੍ਹਾਂ ਨੇ ਵਿਸਾਖੀ ਨਾਲ ਸੰਬੰਧਿਤ ਪੋਸਟਰਾਂ ਨੂੰ ਬੜੇ ਹੀ ਸੋਹਣੇ ਰੰਗਾਂ ਨਾਲ ਚਿਤਰਿਆ | ਸਕੂਲ ਦੀ ਪਿ੍ੰਸੀਪਲ ਮਿਸਿਜ ਅੰਜਨਾ ਭੱਟ ਨੇ ਵਿਸਾਖੀ ਦੇ ਮਹੱਤਵ ਨੂੰ ਸਮਝਦੇ ਹੋਏ ਅਤੇ ਇਸ ਤਿਉਹਾਰ ਨੂੰ ਹਰ ਵਾਰ ਇੱਕ ਪਵਿੱਤਰਤਾ ਨਾਲ ਮਨਾਉਣ ਦਾ ਬੱਚਿਆਂ ਤੋਂ ਪ੍ਰਣ ਲਿਆ ਅਤੇ ਬੱਚਿਆਂ ਨੂੰ ਇਸ ਤਿਉਹਾਰ ਦੀ ਮਹੱਤਤਾ ਬਾਰੇ ਬੜੇ ਹੀ ਸੋਹਣੇ ਵਿਚਾਰਾਂ ਵਿਚ ਦੱਸਿਆ |
ਪਿਛਲੀ ਖ਼ਬਰ ਬਾਬਾ ਜੋਰਾ ਸਿੰਘ ਸਕੂਲ ਗੰਡੇਵਾਲ ਦਸਵੀਂ ਕਲਾਸ ਦੇ ਵਿਦਿਆਰਥੀਆਂ ਦੀ ਸ਼ਾਨਦਾਰ ਕਾਮਯਾਬੀ ਅਗਲੀ ਖ਼ਬਰ ਫਾਰਚੂਨ ਕਾਨਵੈਂਟ ਸਕੂਲ ਦਾ ਸੀ.ਬੀ.ਐਸ.ਈ. 10ਵੀਂ ਦਾ ਨਤੀਜਾ ਰਿਹਾ ਸ਼ਾਨਦਾਰ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।