ਲੌਂਗੋਵਾਲ, 10 ਜੁਲਾਈ (ਵਿਨੋਦ ਸ਼ਰਮਾ) - ਮਹੰਤ ਸੱਤ ਮੁਨੀ ਜੀ ਨੂੰ ਉਦਾਸੀਨ ਭੇਖ ਭਗਵਾਨ ਵਲੋਂ ਸਰਬ ਸੰਮਤੀ ਨਾਲ ਸ੍ਰੀ ਪੰਚਾਇਤੀ ਅਖਾੜਾ ਬੜਾ ਉਦਾਸੀਨ ਉੱਤਰ ਪੰਗਤ ਦਾ ਸ੍ਰੀ ਮਹੰਤ ਚੁਣਿਆ ਗਿਆ ਹੈ। ਮਹੰਤ ਸੱਤ ਮੁਨੀ ਜੀ ਦਾ ਸਬੰਧ ਕਾਫੀ ਸਮੇਂ ਤੱਕ ਬਠਿੰਡਾ ਜ਼ਿਲ੍ਹੇ ਦੇ ਪਿੰਡ ਭਗਤੂਆਣਾ ਨਾਲ ਰਿਹਾ ਹੈ। ਉਹ ਭਾਈ ਭਗਤੂ ਜੀ ਦੇ ਅਸਥਾਨ ਦੇ ਮੁੱਖ ਸੇਵਾਦਾਰ ਸਵਾਮੀ ਕ੍ਰਿਸ਼ਨਾ ਨੰਦ ਸਾਸ਼ਤਰੀ ਜੀ ਦੇ ਚੇਲੇ ਹਨ। ਉਹਨਾਂ ਦੀ ਚੋਣ ‘ਤੇ ਮਹਾਂ ਮੰਡਲੇਸ਼ਵਰ ਡਾ. ਚੰਦਰ ਮੁਨੀ ਸ਼ੇਰੋਂ, ਸੰਤ ਮੱਖਣ ਮੁਨੀ ਡੂੰਮ ਅਤੇ ਸੰਤ ਸ਼ਿਆਮ ਸੁੰਦਰ ਨਮੋਲ ਨੇ ਭਰਵੀਂ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ ਹੈ।
