ਮਮਦੋਟ, 13 ਫਰਵਰੀ (ਸੁਖਦੇਵ ਸਿੰਘ ਸੰਗਮ)-ਏਕਲ ਵਿਦਿਆਲਯ ਵਲੋਂ ਏਕਲ ਅਭਿਆਨ ਸੰਭਾਲ ਪੁਰਵ ਪੰਜਾਬ ਦੀ ਰਾਗੀ, ਪਾਠੀ ਯੋਜਨਾਂ ਤਹਿਤ ਜ਼ਿਲ੍ਹਾ ਪੱਧਰੀ ਪ੍ਰਤੀਯੋਗਤਾ ਸਥਾਨਕ ਮਾਤਾ ਨਹਿਰਾਂ ਵਾਲੀ ਮੰਦਰ ਵਿਖੇ ਕਰਵਾਈ ਗਈ, ਜਿਸ ਵਿਚ ਬਹੁ-ਗਿਣਤੀ ਵਿਦਿਆਰਥੀਆਂ ਨੇ ਹਿੱਸਾ ਲਿਆ | ਇਸ ਦੌਰਾਨ ਪੰਜਾਬੀ ਸਭਿਆਚਾਰ, ਦੇਸ਼ ਭਗਤੀ ਗੀਤ ਕੀਰਤਨ ਮੁਕਾਬਲੇ ਵਿਚ ਵਿਦਿਆਰਥੀਆਂ ਨੇ ਆਪਣੀ ਕਲਾ ਦੇ ਜੌਹਰ ਦਿਖਾਏ | ਇਸ ਮੌਕੇ ਪ੍ਰਬੰਧਕਾ ਦੁਆਰਾ ਵਿਦਿਆਰਥੀਆਂ ਤੇ ਫ਼ੌਜੀ ਅਤੇ ਸ਼ਹੀਦ ਹੋਏ ਫ਼ੌਜੀ ਜਵਾਨਾਂ ਦੇ ਪਰਿਵਾਰਾਂ ਦਾ ਵਿਸ਼ੇਸ਼ ਸਨਮਾਨ ਕੀਤਾ | ਪ੍ਰੋਗਰਾਮ 'ਚ ਮਾਰਕੀਟ ਕਮੇਟੀ ਮਮਦੋਟ ਦੇ ਚੇਅਰਮੈਨ ਬਲਰਾਜ ਸਿੰਘ ਸੰਧੂ, ਐਮ. ਸੀ. ਸੋਨੂੰ ਸੇਠੀ, ਵਿਪਨ ਸ਼ਾਹ ਸੰਘ ਪ੍ਰਚਾਰਕ, ਡਾ. ਦਲਜੀਤ ਜੋਸਨ, ਹਰਪ੍ਰੀਤ ਕੌਰ ਅੰਚਲ ਅਭਿਆਨ ਪ੍ਰਮੁੱਖ, ਸਤੀਸ਼ ਧਵਨ, ਵੀਨਾ ਰਾਣੀ, ਕੁਲਵਿੰਦਰ ਕੌਰ ਕੇਵਰਜੀਤ ਸਿੰਘ ਜੰਟੀ, ਨਰਿੰਦਰ ਕੁਮਾਰ ਸੇਠੀ, ਨਿਰਮਲ ਕੌਰ ਆਦਿ ਮੌਜੂਦ ਸਨ |