ਬਰੇਟਾ, 10 ਮਈ (ਪਾਲ ਸਿੰਘ ਮੰਡੇਰ)- ਪਿਛਲੇ ਦਿਨੀਂ ਲੱਖਦਾਤਾਰ ਸੇਵਾ ਮੰਡਲ ਵਲੋਂ ਸਥਾਨਕ ਖੇਤਰ 'ਚ ਬਾਲਾ ਜੀ ਅਤੇ ਬਾਬਾ ਸ਼ਿਆਮ ਖਾਟੂ ਵਾਲੇ ਦਾ ਜਾਗਰਣ ਕਰਵਾਇਆ ਗਿਆ, ਜਿਸ 'ਚ ਜਾਗਰਣ ਕਰਵਾਉਣ ਵਾਲੇ ਨੌਜਵਾਨਾਂ ਦਾ ਮਾਤਾ ਮਾਈਸਰਖਾਨਾ ਲੰਗਰ ਕਮੇਟੀ ਵਲੋਂ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ | ਕਮੇਟੀ ਆਗੂਆਂ ਨੇ ਨੌਜਵਾਨਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਇਹ ਉਪਰਾਲਾ ਸਨਾਤਨ ਅਤੇ ਧਰਮ ਦੇ ਪ੍ਰਚਾਰ ਲਈ ਵੱਡਾ ਕਦਮ ਹੈ, ਜਿਸ ਲਈ ਨੌਜਵਾਨਾਂ ਦਾ ਸਨਮਾਨ ਕਰਨਾ ਮਾਣ ਵਾਲੀ ਗੱਲ ਹੈ | ਇਸ ਮੌਕੇ ਚੰਗੇ ਪ੍ਰਬੰਧਾਂ ਲਈ ਕਾਂਸਲ ਸਵੀਟਸ ਦਾ ਵੀ ਸਨਮਾਨ ਕੀਤਾ ਗਿਆ | ਇਸ ਮੌਕੇ ਗਗਨਦੀਪ ਸ਼ਰਮਾ, ਪੁਨੀਤ ਮਿੱਤਲ, ਰਾਜ ਕੁਮਾਰ ਬਾਂਸਲ, ਗੋਲਡੀ ਰਾਮ, ਨਰਿੰਦਰ ਕੁਮਾਰ, ਮੋਹਿਤ ਜਾਗੜਾਂ, ਅਰੁਣ ਮਿੱਤਲ, ਰਾਜੀਵ ਕੁਮਾਰ, ਬੱਦਰੀ ਪ੍ਰਸ਼ਾਦ, ਸ਼ੋਮਲ ਕੁਮਾਰ, ਦਿਵਾਂਸ਼ ਕੁਮਾਰ ਆਦਿ ਹਾਜ਼ਰ ਸਨ |
