ਬਰੇਟਾ, 10 ਮਈ (ਪਾਲ ਸਿੰਘ ਮੰਡੇਰ)- ਸਥਾਨਕ ਸ਼ਹਿਰ ਦੀਆਂ ਸੜਕਾਂ 'ਤੇ ਚੱਲਦੇ ਟਰੈਕਟਰਾਂ 'ਤੇ ਡੀ.ਜੇ. ਵਰਗਾ ਸਿਸਟਮ ਲਗਾ ਕੇ ਉੱਚੀ ਆਵਾਜ਼ 'ਚ ਚਲਾਏ ਜਾਂਦੇ ਗੀਤਾਂ ਨਾਲ ਲੋਕ ਪ੍ਰੇਸ਼ਾਨ ਹਨ | ਸਹਿਯੋਗ ਕਲੱਬ ਦੇ ਮੈਂਬਰ ਸੁਮੇਸ਼ ਬਾਲੀ, ਦੀਪਕ ਬਾਂਸਲ, ਸੁਖਵਿੰਦਰ ਕੁਮਾਰ, ਨਿਰਮਲ ਸਿੰਘ ਆਦਿ ਨੇ ਕਿਹਾ ਕਿ ਅਕਸਰ ਇਨ੍ਹਾਂ ਟਰੈਕਟਰਾਂ 'ਚ ਫਿੱਟ ਕੀਤੇ ਸਪੀਕਰਾਂ ਦੀ ਆਵਾਜ਼ ਐਨੀ ਉੱਚੀ ਹੁੰਦੀ ਹੈ ਕਿ ਪਿੱਛੇ ਆ ਰਹੇ ਵਾਹਨ ਦਾ ਹਾਰਨ ਤੱਕ ਸੁਣਾਈ ਨਹੀਂ ਦਿੰਦਾ | ਇਲਾਕੇ 'ਚ ਚੱਲਣ ਵਾਲੇ ਟਰੈਕਟਰਾਂ 'ਤੇ ਉੱਚੀ ਆਵਾਜ਼ ਅਤੇ ਸ਼ੋਰ ਪ੍ਰਦੂਸ਼ਣ ਫੈਲਾਉਣ ਵਾਲੇ ਪੈਨ ਡਰਾਈਵ, ਡੈੱਕ, ਡੀ.ਜੇ. ਵਰਗੇ ਵੱਡੇ-ਵੱਡੇ ਸਪੀਕਰ ਆਦਿ ਵਾਲੇ ਯੰਤਰ ਲਗਾ ਕੇ ਨੌਜਵਾਨ ਵਰਗ ਵਲੋਂ ਸੜਕਾਂ 'ਤੇ ਗੇੜੀਆਂ ਦੇਣ ਨਾਲ ਨਿੱਤ ਰੋਜ਼ ਹਾਦਸਿਆਂ ਨੂੰ ਸੱਦਾ ਦਿੱਤਾ ਜਾ ਰਿਹਾ ਹੈ | ਉਨ੍ਹਾਂ ਜ਼ਿਲ੍ਹਾ ਪੁਲਿਸ ਮੁਖੀ ਤੋਂ ਮੰਗ ਕੀਤੀ ਹੈ ਕਿ ਉੱਚੀ ਆਵਾਜ਼ 'ਚ ਗੀਤ ਲਗਾਉਣ ਵਾਲੇ ਟਰੈਕਟਰ ਚਾਲਕਾਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇ |
