ਰਾਮਾਂ ਮੰਡੀ, 31 ਮਈ (ਤਰਸੇਮ ਸਿੰਗਲਾ)-ਵਾਰਡ ਨੰਬਰ 3 ਰਾਮਾਂ ਮੰਡੀ ਤੋਂ ਜੇਤੂ ਆਮ ਆਦਮੀ ਪਾਰਟੀ ਦੀ ਉਮੀਦਵਾਰ ਪਰਮਪ੍ਰੀਤ ਕੌਰ ਸਿੱਧੂ ਨੂੰ ਹਲਕਾ ਵਿਧਾਇਕਾ ਕੈਬਨਿਟ ਰੈਂਕ ਪ੍ਰੋਫੈਸਰ ਬਲਜਿੰਦਰ ਕੌਰ ਨੇ ਮੂੰਹ 'ਚ ਲੱਡੂ ਪਾ ਕੇ ਵਿਸ਼ੇਸ਼ ਤੌਰ 'ਤੇ ਵਧਾਈ ਦਿੱਤੀ | ਇਸ ਮੌਕੇ ਪ੍ਰੋਫੈਸਰ ਬਲਜਿੰਦਰ ਕੌਰ ਨੇ ਕਿਹਾ ਕਿ ਪਰਮਪ੍ਰੀਤ ਕੌਰ ਸਿੱਧੂ ਦੇ ਸਵ. ਪਿਤਾ ਜਰਨੈਲ ਸਿੰਘ ਨੇ ਜਿੱਥੇ ਪੰਜਾਬ ਪੁਲਿਸ ਵਿਚ ਲੰਬਾ ਸਮਾਂ ਸੇਵਾ ਕੀਤੀ, ਉਥੇ ਉਸ ਦੀ ਭੈਣ ਗੁਰਪ੍ਰੀਤ ਕੌਰ ਸਿੱਧੂ ਮਾਰਕੀਟ ਕਮੇਟੀ 'ਚ ਚੇਅਰਪਰਸਨ ਦੇ ਅਹੁਦੇ 'ਤੇ ਆਪਣੀਆਂ ਸੇਵਾਵਾਂ ਦੇ ਰਹੀ ਹੈ | ਪਿਤਾ ਤੇ ਭੈਣ ਦੀ ਸੇਵਾ ਨੇ ਹੀ ਪਰਮਪ੍ਰੀਤ ਕੌਰ ਸਿੱਧੂ ਨੂੰ ਜਿੱਤ ਦਿਵਾਕੇ ਵਾਰਡ ਦੀ ਸੇਵਾ ਨਾਲ ਜੋੜਿਆ ਹੈ |
