ਪਾਇਲ, 10 ਜੂਨ (ਨਿਜ਼ਾਮਪੁਰ, ਰਜਿੰਦਰ ਸਿੰਘ)-ਸ਼ੋ੍ਰਮਣੀ ਅਕਾਲੀ ਦਲ ਦੇ ਸੀਨੀਅਰ ਆਗੂ ਤੇ ਹਲਕਾ ਦਾਖਾ ਤੋਂ ਵਿਧਾਇਕ ਮਨਪ੍ਰੀਤ ਸਿੰਘ ਇਆਲੀ ਦਾ ਅਕਾਲੀ ਦਲ ਵਾਰਿਸ ਪੰਜਾਬ 'ਚ ਸ਼ਾਮਿਲ ਹੋਣ 'ਤੇ ਅਕਾਲੀ ਦਲ ਵਾਰਿਸ ਪੰਜਾਬ ਦੇ ਮੁੱਖ ਬੁਲਾਰੇ ਅਤੇ ਹਲਕਾ ਪਾਇਲ ਦੇ ਇੰਚਾਰਜ ਸੰਦੀਪ ਸਿੰਘ ਰੁਪਾਲੋਂ ਨੇ ਸਵਾਗਤ ਕੀਤਾ ਹੈ | ਰੁਪਾਲੋਂ ਨੇ ਦੱਸਿਆ ਕਿ ਭਾਈ ਅੰਮਿ੍ਤਪਾਲ ਸਿੰਘ ਅਤੇ ਸਮੂਹ ਬੰਦੀ ਸਿੰਘਾਂ ਦੀ ਰਿਹਾਈ ਲਈ 15 ਜੂਨ ਨੂੰ ਹਲਕਾ ਪਾਇਲ ਵਿਚ ਮੋਟਰਸਾਈਕਲ ਮਾਰਚ ਪਾਇਲ ਤੋਂ ਮਲੌਦ ਤੱਕ ਕੀਤਾ ਜਾਵੇਗਾ | ਉਨ੍ਹਾਂ ਕਿਹਾ ਕਿ ਇਹ ਮਾਰਚ ਦਾਣਾ ਮੰਡੀ ਪਾਇਲ ਤੋਂ 9 ਵਜੇ ਸ਼ੁਰੂ ਹੋ ਕੇ ਧਮੋਟ ਕਲਾਂ, ਜੰਡਾਲੀ, ਨਿਜ਼ਾਮਪੁਰ, ਸਿਹੌੜਾ, ਬੇਰ ਖੁਰਦ, ਬੇਰ ਕਲਾਂ, ਗੋਸਲਾਂ, ਮਲੌਦ, ਚੋਮੋ, ਮਦਨੀਪੁਰ, ਬਾਬਰਪੁਰ ਵਿਖੇ 12 ਵਜੇ ਸਮਾਪਤ ਹੋਵੇਗਾ |
