ਧਨੌਲਾ, 23 ਮਈ (ਜਤਿੰਦਰ ਸਿੰਘ ਧਨੌਲਾ)-ਵਰਿ੍ਹਆਂ ਤੋਂ ਮੰਡੀ ਅੰਦਰ ਚਾਹ ਦੀ ਸਟਾਲ ਲਾ ਕੇ ਸੇਵਾ ਨਿਭਾਉਣ ਵਾਲੇ ਹਰਬੰਸ ਸਿੰਘ ਬੰਸਾ ਦੀ ਧਰਮ ਪਤਨੀ ਹਰਦੀਪ ਕੌਰ ਵਾਰਡ ਨੰਬਰ ਇਕ ਤੋਂ ਆਜ਼ਾਦ ਉਮੀਦਵਾਰ ਹਨ | ਉਨ੍ਹਾਂ ਵਲੋਂ ਵੱਡੀ ਗਿਣਤੀ ਵਿਚ ਸਮਰਥਕਾਂ ਸਮੇਤ ਵਾਰਡ ਦੇ ਅੰਦਰ ਨੁੱਕੜ ਇਕੱਤਰਤਾਵਾਂ ਕੀਤੀਆਂ ਗਈਆਂ | ਚਾਹ ਦੀ ਸਟਾਲ ਦੀ ਹਰਮਨ ਪਿਆਰਤਾ ਕਰ ਕੇ ਹਰਬੰਸ ਸਿੰਘ ਦਾ ਲੋਕ ਮਨਾਂ ਅੰਦਰ ਨਰੋਆ ਆਧਾਰ ਸਥਾਪਿਤ ਹੈ | ਟਰੱਕ ਯੂਨੀਅਨ ਦੇ ਸਾਬਕਾ ਪ੍ਰਧਾਨ ਅਤੇ ਕਾਂਗਰਸ ਪਾਰਟੀ ਦੇ ਬਲਾਕ ਪ੍ਰਧਾਨ ਸੁਰਿੰਦਰ ਪਾਲਾ ਨੇ ਹਰਦੀਪ ਕੌਰ ਦੀ ਚੋਣ ਮੁਹਿੰਮ ਨੂੰ ਬੁਲੰਦੀਆਂ ਤੱਕ ਲਿਜਾਣ ਦਾ ਬੀੜਾ ਚੁੱਕਿਆ ਹੋਇਆ ਹੈ | ਜਿਸ ਤੋਂ ਇਹ ਗੱਲ ਦਾਅਵੇ ਨਾਲ ਆਖੀ ਜਾ ਸਕਦੀ ਹੈ | ਕਿ ਉਨ੍ਹਾਂ ਨੂੰ ਭਾਰੀ ਸਮਰਥਨ ਪ੍ਰਾਪਤ ਹੋ ਰਿਹਾ ਹੈ |
