ਹੰਡਿਆਇਆ, 9 ਜੂਨ (ਗੁਰਜੀਤ ਸਿੰਘ ਖੱੁਡੀ)-ਨਗਰ ਪੰਚਾਇਤ ਹੰਡਿਆਇਆ ਵਿਖੇ ਏ.ਡੀ.ਸੀ. (ਜ) ਬਰਨਾਲਾ ਸ੍ਰੀ ਵਿਵੇਕ ਕੁਮਾਰ ਮੋਦੀ ਵਲੋਂ ਸਫ਼ਾਈ ਪ੍ਰਬੰਧਾਂ ਦਾ ਜਾਇਜ਼ਾ ਲਿਆ ਗਿਆ | ਇਸ ਮੌਕੇ ਉਨ੍ਹਾਂ ਨੇ ਨਗਰ ਪੰਚਾਇਤ ਹੰਡਿਆਇਆ, ਮੱੁਖ ਦਰਵਾਜ਼ਾ, ਦਾਣਾ ਮੰਡੀ, ਕੂੜਾ ਡੰਪ, ਕਸਬੇ ਦੇ ਹੋਰ ਮੇਨ ਏਰੀਏ ਦੀ ਸਫ਼ਾਈ ਬਾਰੇ ਨਿਰੀਖਣ ਕੀਤਾ | ਉਨ੍ਹਾਂ ਸਫ਼ਾਈ ਕਰਮਚਾਰੀਆਂ ਤੇ ਮੁਲਾਜ਼ਮਾਂ ਨੂੰ ਸਫ਼ਾਈ ਸਬੰਧੀ ਹਦਾਇਤਾਂ ਜਾਰੀ ਕੀਤੀਆਂ ਕਿ ਕਸਬੇ ਵਿਚ ਬਰਸਾਤ ਦੇ ਮੌਸਮ ਤੋਂ ਪਹਿਲਾਂ-ਪਹਿਲਾਂ ਸਫ਼ਾਈ ਕਰ ਕੇ ਰੱਖੀ ਜਾਵੇ ਤਾਂ ਕਿ ਕਸਬੇ ਵਿਚ ਬਿਮਾਰੀਆਂ ਨਾ ਫੈਲਣ | ਇਸ ਮੌਕੇ ਨਾਇਬ ਸਿੰਘ, ਵਰਿੰਦਰਪਾਲ ਸਿੰਘ, ਐਮ.ਸੀ. ਬਸਾਵਾ ਸਿੰਘ ਅਤੇ ਮੁਲਾਜ਼ਮ ਹਾਜ਼ਰ ਸਨ |
