ਸ਼ਹਿਣਾ, 12 ਜੁਲਾਈ (ਸੁਰੇਸ਼ ਗੋਗੀ)-ਸ਼ਹਿਣਾ ਵਿਖੇ ਸੀਤਲਾ ਮਾਤਾ ਮੰਦਰ ਅਤੇ ਮੂਰਤੀ ਸਥਾਪਨਾ ਦਿਵਸ ਦੀ ਦੂਜਾ ਸਥਾਪਨਾ ਦਿਵਸ ਮਨਾਇਆ ਗਿਆ। ਇਸ ਮੌਕੇ ਪੰਡਤ ਨੰਦ ਕਿਸ਼ੋਰ ਨੇ ਹਵਨ ਯੱਗ ਕੀਤਾ। ਸੀਤਲਾ ਮਾਤਾ ਦਾ ਮੰਦਰ ਬਣਾਉਣ ਲਈ ਸਦਿਉੜਾ ਪਰਿਵਾਰ ਵਲੋਂ ਵੱਡਾ ਯੋਗਦਾਨ ਪਾਇਆ ਗਿਆ ਸੀ ਅਤੇ ਉਕਤ ਪਰਿਵਾਰ ਵਲੋਂ ਹੀ ਹਵਨ ਯੱਗ ਮੌਕੇ ਅਹੂਤੀਆਂ ਪਾਈਆਂ ਗਈਆਂ। ਇਸ ਮੌਕੇ ਪੰਡਤ ਨੰਦ ਕਿਸ਼ੋਰ ਨੇ ਦੱਸਿਆ ਕਿ ਸੰਜੀਵ ਕੁਮਾਰ ਸਦਿਉੜਾ ਅਤੇ ਨਰਿੰਦਰ ਕੁਮਾਰ ਸਦਿਉੜਾ ਵਲੋਂ ਸੀਤਲਾ ਮਾਤਾ ਦਾ ਮੰਦਰ ਆਧੁਨਿਕ ਢੰਗ ਨਾਲ ਲੱਖਾਂ ਰੁਪਏ ਖ਼ਰਚ ਕੇ ਭਗਤਾਂ ਦੇ ਸਪੁਰਦ ਕੀਤਾ ਗਿਆ ਅਤੇ ਹਰ ਸਾਲ ਇਸ ਪਰਿਵਾਰ ਵਲੋਂ ਵੀ ਭਗਤਾਂ ਦੇ ਸਹਿਯੋਗ ਨਾਲ ਸਮਾਗਮ ਕਰਵਾਇਆ ਜਾਂਦਾ ਹੈ। ਬਾਅਦ ਵਿਚ ਪੂਰੀਆਂ, ਛੋਲੇ ਅਤੇ ਪ੍ਰਸਾਦ ਦਾ ਭੰਡਾਰਾ ਵੀ ਚਲਾਇਆ ਗਿਆ। ਇਸ ਮੌਕੇ ਵੱਡੀ ਗਿਣਤੀ ਵਿਚ ਵੱਖ-ਵੱਖ ਧਰਮਾਂ ਦੇ ਲੋਕ ਵੀ ਹਾਜ਼ਰ ਸਨ।
