ਕਰੰਟ ਲੱਗਣ ਕਾਰਨ ਬਿਜਲੀ ਮਕੈਨਿਕ ਦੀ ਮੌਤ
ਅਜੀਤ ਡੈਸਕ
26-07-2026
ਧਨੌਲਾ, 25 ਜੁਲਾਈ (ਜਤਿੰਦਰ ਸਿੰਘ ਧਨੌਲਾ)-ਧਨੌਲਾ ਦੇ ਬਿਜਲੀ ਮਕੈਨਿਕ ਰਿੰਕੂ ਪੁੱਤਰ ਜਸਪਾਲ ਸਿੰਘ ਦੀ ਕਰੰਟ ਲੱਗ ਜਾਣ ਕਾਰਨ ਮੌਤ ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਇਕੱਤਰ ਜਾਣਕਾਰੀ ਅਨੁਸਾਰ ਮਿਸਤਰੀ ਰਿੰਕੂ ਉਰਫ਼ ਪਹਾੜੀਆ ਪੱਤੀ ਬੰਗੇਹਰ ਕਾਹਲੋਂ ਦੇ ਵਸਨੀਕ ਸਾਬਕਾ ਬਿਜਲੀ ਮੁਲਾਜ਼ਮ ਦੀ ਕੋਠੀ ਦੀ ਫਿਟਿੰਗ ਕਰਨ ਉਪਰੰਤ ਸਬਮਰਸੀਬਲ ਮੋਟਰ ਠੀਕ ਕਰਨ ਗਿਆ ਸੀ। ਜਿੱਥੋਂ ਉਸ ਨੂੰ ਕਰੰਟ ਲੱਗ ਗਿਆ ਅਤੇ ਤੁਰੰਤ ਕਮਿਊਨਿਟੀ ਹੈਲਥ ਸੈਂਟਰ ਧਨੌਲਾ ਪਹੁੰਚਾਇਆ ਗਿਆ। ਡਿਊਟੀ ’ਤੇ ਤਾਇਨਾਤ ਡਾਕਟਰਾਂ ਨੇ ਚੈੱਕ ਕੀਤਾ ਤਾਂ ਉਸ ਦੀ ਮੌਤ ਹੋ ਚੁੱਕੀ ਸੀ। ਇਕੱਤਰ ਜਾਣਕਾਰੀ ਅਨੁਸਾਰ ਰਿੰਕੂ ਗ਼ਰੀਬ ਪਰਿਵਾਰ ਵਿਚੋਂ ਸੀ।
