ਮਿਹਨਤ ਦਾ ਕੋਈ ਬਦਲ ਨਹੀਂ

ਮਿਹਨਤ ਦਾ ਕੋਈ ਬਦਲ ਨਹੀਂ,
ਸਾਡੇ ਟੀਚਰ ਨੇ ਸਮਝਾਇਆ ਏ,
ਜੋ ਮਨ ਚਿੱਤ ਲਾ ਕੇ ਪੜਿ੍ਹਆ ਏ,
ਉਸ ਨੇ ਉੱਚਾ ਰੁਤਬਾ ਪਾਇਆ ਏ,
ਮਿਹਨਤ ਦਾ ਕੋਈ... |

ਪੜ੍ਹਾਈ ਤੋਂ ਜੋ ਜੀਅ ਚੁਰਾਉਂਦੇ,
ਨਤੀਜੇ ਵਾਲੇ ਦਿਨ ਪਛਤਾਉਂਦੇ,
ਇਸ ਨਿਰਾਸ਼ਾ 'ਚ ਉਹ ਰਹਿਣ ਸਦਾ,
ਜਿਨ੍ਹਾਂ ਵਿਹਲੇ ਬਹਿ ਵਖਤ ਗਵਾਇਆ ਏ,
ਮਿਹਨਤ ਦਾ ਕੋਈ... |

ਸ਼ਾਰਟ-ਕੱਟ ਜੋ ਅਪਣਾਉਂਦੇ,
ਟੀਚੇ 'ਤੇ ਕਦੇ ਪਹੁੰਚ ਨਾ ਪਾਉਂਦੇ,
ਕੰਮਚੋਰਾਂ ਨੇ ਇਸ ਦੁਨੀਆ 'ਤੇ,
ਨਿਕੰਮੇ ਸਦਾ ਕਹਾਇਆ ਏ,
ਮਿਹਨਤ ਦਾ ਕੋਈ... |

ਜ਼ਿੰਦਗੀ ਵਿਚ ਜੇ ਮੰਜ਼ਿਲ ਪਾਉਣੀ,
ਮਿਹਨਤ ਪਊ ਮਨ ਵਸਾਉਣੀ
'ਬਿੰਦਰ' ਨੇ ਤਾਂ ਵਿਚ 'ਖੁੱਡੀ ਕਲਾਂ' ਦੇ,
ਸਦਾ ਮਾਪਿਆਂ ਦਾ ਮਾਣ ਵਧਾਇਆ ਏ,
ਮਿਹਨਤ ਦਾ ਕੋਈ ਬਦਲ ਨਹੀਂ,
ਸਾਡੇ ਟੀਚਰ ਨੇ ਸਮਝਾਇਆ ਏ |

-ਮੋਬਾਈਲ : 98786-05965