ਮੈਂ ਛੁੱਟੀਆਂ ਇੰਜ ਬਿਤਾਵਾਂਗਾ
ਮੈਂ ਛੁੱਟੀਆਂ ਇੰਜ ਬਿਤਾਵਾਂਗਾ,
ਗਰਮੀ ਵਿਚ ਬਾਹਰ ਨਾ ਜਾਵਾਂਗਾ,
ਹੋਮ ਵਰਕ ਜੋ ਸਕੂਲੋਂ ਮਿਲਿਆ,
ਸਾਰਾ ਸਮੇਂ ਸਿਰ ਨਿਪਟਾਵਾਂਗਾ,
ਮੈਂ ਛੁੱਟੀਆਂ...।
ਸੁਸਤੀ ਕੋਲ ਨਾ ਆਊ ਮੇਰੇ,
ਜਲਦੀ ਉੱਠਾਂਗਾ ਰੋਜ਼ ਸਵੇਰੇ,
ਦਾਤਣ ਬੁਰਸ਼ ਸਮੇਂ ਸਿਰ ਕਰਕੇ,
ਨਾਲੇ ਸੈਰ ਨੂੰ ਜਾਵਾਂਗਾ,
ਮੈਂ ਛੁੱਟੀਆਂ...।
ਵੈਨ ਨੇ ਬੇਸ਼ੱਕ ਆਉਣਾ ਨੀ,
ਆ ਕੇ ਹਾਰਨ ਵਜਾਉਣਾ ਨੀ
ਪਰ ਮੈਂ ਮੰਮੀ ਦੇ ਆਖੇ ਲੱਗ ਕੇ,
ਰੋਜ਼ ਸਵੇਰੇ ਨਾਵਾਂਗਾ,
ਮੈਂ ਛੁੱਟੀਆਂ...
ਬੈਗ, ਕਾਪੀਆਂ ਅਤੇ ਕਿਤਾਬਾਂ,
ਟਾਈ, ਬੈਲਟ ਅਤੇ ਜੁਰਾਬਾਂ,
ਸੰਭਾਲ ਕੇ ਰੱਖਾਂਗੇ ਸਾਰਾ ਕੁਝ,
ਵਿਚ ਅਲਮਾਰੀ ਦੇ ਟਿਕਾਵਾਂਗਾ,
ਮੈਂ ਛੁੱਟੀਆਂ...।
ਮਸਾਲਿਆਂ ਤੋਂ ਪ੍ਰਹੇਜ਼ ਜ਼ਰੂਰੀ,
ਬਾਜ਼ਾਰੂ ਖਾਣਿਆਂ ਤੋਂ ਰੱਖਾਂਗਾ ਦੂਰੀ,
ਘਰ ਦਾ ਖਾਣਾ ਖਾ ਕੇ,
ਖੁਦ ਨੂੰ ਬਿਮਾਰੀਆਂ ਤੋਂ ਬਚਾਵਾਂਗਾ,
ਮੈਂ ਛੁੱਟੀਆਂ....।
ਬਿੰਦਰ ਸਰ ਦੱਸੀ ਗੱਲ ਜ਼ਰੂਰੀ,
ਪੜ੍ਹਾਈ ਤੋਂ ਨਹੀਂ ਪਾਉਣੀ ਦੂਰੀ,
ਇਹ ਗੱਲ ਖੁਦ ਵੀ ਸਮਝਾਂਗਾ,
ਤੇ ਹੋਰਾਂ ਨੂੰ ਸਮਝਾਵਾਂਗਾ,
ਮੈਂ ਛੁੱਟੀਆਂ ਇੰਜ ਬਿਤਾਵਾਂਗਾ,
ਗਰਮੀ ਵਿਚ ਬਾਹਰ ਨਾ ਜਾਵਾਂਗਾ।
-ਬਿੰਦਰ ਸਿੰਘ ਖੁੱਡੀ ਕਲਾਂ
ਮੋਬਾਈਲ : 98786-05965
