ਗੀਤ ਕਿਸਾਨ ਫਿਰੇ ਨਸ਼ਿਆਇਆ ਗੀਤ ਕਿਸਾਨ ਫਿਰੇ ਨਸ਼ਿਆਇਆ

ਅੱਜ ਫਿਰਦਾ ਹੈ ਕਿਸਾਨ ਨਸ਼ਿਆਇਆ ਬੱਲੀਆਂ,
ਥੱਬਾ ਨੋਟਾਂ ਦਾ ਹੈ ਮੰਡੀਓਂ ਲਿਆਇਆ ਬੱਲੀਆਂ,
ਅੱਜ ਫਿਰਦਾ ਹੈ... ... ...।
ਵੱਧ ਝਾੜ ਦੇਣ ਵਾਲੀਆਂ ਫ਼ਸਲਾਂ ਉਗਾਉਂਦੇ,
ਗਰਮੀ ਤੇ ਸਰਦੀ ਨੂੰ ਤਨ 'ਤੇ ਹੰਢਾਉਂਦੇ,
ਰੱਬ ਸਾਡੇ ਕੋਲੋਂ ਕੁਝ ਨਾ ਲੁਕਾਇਆ ਬੱਲੀਆਂ,
ਅੱਜ ਫਿਰਦਾ ਹੈ... ... ...।
ਖੇਤਾਂ ਵਿਚ ਨਰਮੇ ਦੇ ਗੁੱਲ ਖਿੱੜ-ਖਿੱੜ ਹੱਸਦੇ,
ਮੋਠ, ਮੂੰਗੀ ਅਤੇ ਤਿੱਲ ਵੇਖ ਪੌਣਾਂ ਸੰਗ ਨੱਚਦੇ,
ਕਮਾਦ ਨੇ ਵੀ ਕੱਦ ਹੈ ਵਧਾਇਆ ਬੱਲੀਆਂ,
ਅੱਜ ਫਿਰਦਾ ਹੈ... ... ...।
ਹਵੇਲੀ ਦਾ ਸ਼ਿੰਗਾਰ ਮੱਝਾਂ, ਗਾਵਾਂ ਜੋ ਲਵੇਰੀਆਂ,
ਕਿਸਾਨ ਕਰੂ ਪੂਰੀਆਂ ਨੀ ਸੱਭੇ ਰੀਝਾਂ ਤੇਰੀਆਂ,
ਹਾਰ ਸੋਨੇ ਦਾ ਤੇਰੇ ਲਈ ਬਣਾਇਆ ਬੱਲੀਆਂ,
ਅੱਜ ਫਿਰਦਾ ਹੈ... ... ...।
ਦਿਨੋ-ਦਿਨ ਵਧੀ ਜਾਵੇ ਆਪਣੀ ਕਮਾਈ,
ਦੇਖ ਮਸਤੇ ਵਾਲੇ ਵਿਚ ਆਪਣੀ ਚੜ੍ਹਾਈ,
ਤਾਹੀਓਂ ਨਵਾਂ 'ਫੋਰਡ' ਕਢਾਇਆ ਬੱਲੀਆਂ,
ਅੱਜ ਫਿਰਦਾ ਹੈ... ... ...।
-ਹਰਦੇਵ ਸਿੰਘ 'ਭੁੱਲਰ'
ਪਿੰਡ ਮਸਤੇ ਵਾਲਾ, (ਜ਼ੀਰਾ)। ਮੋਬਾਈਲ : 94173-19048