ਕਰੇਂ ਨਾ ਕਮਾਈ ਉੱਤੇ, ਭੋਰਾ ਕਿਸਾਨਾਂ ਮੇਰ ਤੂੰ,
ਮੰਡੀਆਂ 'ਚ ਲਾ ਦਿੱਤੇ, ਮੋਤੀਆਂ ਦੇ ਢੇਰ ਤੂੰ |

ਹੱਡ ਭੰਨਵੀਂ ਕਮਾਈ, ਤੇਰੀ ਸਾਰੇ ਸਾਲ ਦੀ,
ਕਰੇਂ ਪ੍ਰਵਾਹ ਨਾ ਤੂੰ ਤਾਂ, ਹਾੜ ਤੇ ਸਿਆਲ ਦੀ,
ਨੀਤ ਨੂੰ ਨੇ ਮੁਰਾਦਾਂ ਪੈਣ, ਨਾ ਕਰੇਂ ਹੇਰ-ਫੇਰ ਤੂੰ,
ਮੰਡੀਆਂ 'ਚ ਲਾ ਦਿੱਤੇ…¢
ਰਾਹ ਆਮਦਨੀ ਦੇ ਆਪਾਂ, ਹੋਰ ਵੀ ਬਣਾਉਣੇ ਨੇ,
ਸਹਾਇਕ ਧੰਦੇ ਖੇਤੀ ਨਾਲ, ਵੀ ਅਪਣਾਉਣੇ ਨੇ,
ਪਹਿਲਾਂ ਹੀ ਪਿਛਾਂਹ, ਹੁਣ ਕਰੀਂ ਨਾ ਹੋਰ ਦੇਰ ਤੂੰ,
ਮੰਡੀਆਂ 'ਚ ਲਾ ਦਿੱਤੇ…¢
ਦਾਣਾ-ਫੱਕਾ ਸਾਂਭ ਕਰੀਂ, ਸੰਦਾਂ ਦੀ ਸਫ਼ਾਈ ਵੇ,
ਮੀਂਹ-ਕਣੀ ਧੁੱਪ ਤੋਂ ਵੀ, ਇਨ੍ਹਾਂ ਨੂੰ ਬਚਾਈਾ ਵੇ,
ਖੇਤ 'ਚ ਵੀ ਗੇੜਾ ਰੱਖੀਂ, ਸ਼ਾਮ ਤੇ ਸਵੇਰ ਤੂੰ,
ਮੰਡੀਆਂ 'ਚ ਲਾ ਦਿੱਤੇ…¢
ਚੁੱਕਿਆ ਜੋ ਕਰਜ਼ਾ, ਹੈ ਸਮੇਂ ਸਿਰ ਮੋੜਨਾ,
ਮੂਲ ਵਿਚ ਵਾਧੂ ਦਾ, ਵਿਆਜ ਨਹੀਓਾ ਜੋੜਨਾ,
ਵਿਹਾਰ ਰੱਖਣਾ ਹੈ ਖ਼ਰਾ, ਨਾ ਕਹਾਈਾ ਦੂਜੀ ਵੇਰ ਤੂੰ,
ਮੰਡੀਆਂ 'ਚ ਲਾ ਦਿੱਤੇ…¢
ਆਪ ਘੱਟ ਪੜਿ੍ਹਆਂ ਜੇ, ਬੱਚੇ ਵੱਧ ਪੜ੍ਹਾ ਲੈ ਹੁਣ,
ਤਲਵੰਡੀ ਦੇ ਅਮਰੀਕ ਦੀ, ਗੱਲ ਝੋਲ਼ੀ ਪਾ ਲੈ ਹੁਣ,
ਗਿਆਨ ਨਾਲ ਦੂਰ ਕਰ, ਘਰ ਦਾ ਹਨੇਰ ਤੂੰ,
ਮੰਡੀਆਂ 'ਚ ਲਾ ਦਿੱਤੇ…¢
-ਅਮਰੀਕ ਸਿੰਘ ਤਲਵੰਡੀ ਕਲਾਂ
ਗਿੱਲ ਨਗਰ, ਗਲੀ ਨੰ-13, ਮੁੱਲਾਂਪੁਰ ਦਾਖਾ (ਲੁਧਿਆਣਾ) |
ਮੋਬਾਈਲ : 9463542896