ਜ਼ੁਕਾਮ ਤੋਂ ਬਚਾਉਂਦੀ ਹੈ ਵਾਈਨ

ਭਾਰਤੀ ਸਮਾਜ ਵਿਚ ਅਲਕੋਹਲ ਵਾਲੇ ਪਦਾਰਥਾਂ ਦੀ ਵਰਤੋਂ ਨੂੰ  ਚੰਗਾ ਨਹੀਂ ਮੰਨਿਆ ਜਾਂਦਾ ਪਰ ਹੁਣ ਨਵੀਆਂ ਖੋਜਾਂ ਤੋਂ ਸਾਹਮਣੇ ਆਇਆ ਹੈ ਕਿ ਜੇਕਰ ਥੋੜ੍ਹੀ ਮਾਤਰਾ ਵਿਚ ਵਾਈਨ ਦੀ ਵਰਤੋਂ ਕੀਤੀ ਜਾਵੇ ਤਾਂ ਇਹ ਦਿਲ ਸੰਬੰਧੀ ਬਿਮਾਰੀਆਂ ਤੋਂ ਬਚਾਉਂਦੀ ਹੈ | ਸਪੇਨ ਵਿਚ ਹੋਈ ਇਕ ਖੋਜ ਤੋਂ ਇਹ ਪਤਾ ਲੱਗਿਆ ਹੈ ਕਿ ਜੋ ਲੋਕ ਥੋੜ੍ਹੀ ਮਾਤਰਾ ਵਿਚ ਵਾਈਨ ਪੀਂਦੇ ਹਨ, ਉਨ੍ਹਾਂ ਨੂੰ  ਜ਼ੁਕਾਮ ਹੋਣ ਦੀ ਸੰਭਾਵਨਾ ਘੱਟ ਹੁੰਦੀ ਹੈ | ਸਪੇਨਿਸ਼ ਯੂਨੀਵਰਸਿਟੀ ਵਿਚ ਚਾਰ ਹਜ਼ਾਰ ਮਰਦਾਂ ਤੇ ਔਰਤਾਂ 'ਤੇ ਕੀਤੀ ਗਈ ਖੋਜ 'ਚ ਦੇਖਿਆ ਗਿਆ ਕਿ ਹਰ ਹਫ਼ਤੇ 4 ਗਿਲਾਸ ਵਾਈਨ ਪੀਣ ਨਾਲ ਜ਼ੁਕਾਮ ਦੀ ਸੰਭਾਵਨਾ 40 ਫ਼ੀਸਦੀ ਘੱਟ ਹੁੰਦੀ ਹੈ | ਇਹੀ ਨਹੀਂ, ਵਾਈਨ ਦੀ ਵਰਤੋਂ ਵਿਅਕਤੀ ਵਿਚ ਨਸ਼ਾ ਕਰਨ ਦੀ ਆਦਤ ਅਤੇ ਕਿਸੇ ਵੀ ਤਰ੍ਹਾਂ ਦੀ ਐਲਰਜੀ ਅਤੇ ਹੋਰ ਬਿਮਾਰੀਆਂ ਤੋਂ ਵੀ ਬਚਾਉਂਦੀ ਹੈ |