ਸਰਦੀਆਂ ਦੇ ਦਿਨ ਸਵੇਰ ਦੇ ਕੋਈ ਸੱਤ ਕੁ ਵਜੇ ਹੋਣਗੇ | ਬਾਹਰ ਗੇਟ ਦੀ ਘੰਟੀ ਖੜਕੀ | ਮੈਂ ਆਪਣੇ ਬੇਟੇ ਨੂੰ ਕਿਹਾ ਕਿ ਬਾਹਰ ਜਾ ਕੇ ਦੇਖ ਕੌਣ ਹੈ |
ਬੇਟਾ ਉੱਠਿਆ ਅਤੇ ਬਾਹਰ ਜਾ ਕੇ ਵੇਖ ਕੇ ਕਹਿਣ ਲੱਗਾ ਕਿ ਪਾਪਾ ਬਾਹਰ ਕੂੜੇ ਵਾਲਾ ਆਇਆ ਹੈ | ਬੇਟੇ ਦੇ ਮੰੂਹੋਂ ਇਹ ਗੱਲ ਸੁਣ ਕੇ ਮੈਨੂੰ ਬਹੁਤ ਅਜੀਬ ਜਿਹਾ ਲੱਗਾ ਤੇ ਸਹਿਜੇ ਹੀ ਮੇਰੇ ਮੰੂਹੋਂ ਨਿਕਲ ਆਇਆ ਕਿ ਬੇਟਾ ਇਹ ਕੂੜੇ ਵਾਲਾ ਨਹੀਂ ਕੂੜੇ ਵਾਲੇ ਤਾਂ ਅਸੀਂ ਹਾਂ ਇਹ ਸਫਾਈ ਵਾਲਾ ਹੈ | ਇਹ ਗੱਲ ਸੁਣ ਕੇ ਮੇਰਾ ਬੇਟਾ ਕੁਝ ਸਮੇਂ ਲਈ ਦੁਚਿੱਤੀ ਜਿਹੀ ਵਿਚ ਪੈ ਗਿਆ ਅਤੇ ਕਹਿਣ ਲੱਗਾ ਪਾਪਾ ਤੁਸੀਂ ਬਿਲਕੁਲ ਸਹੀ ਕਹਿ ਰਹੇ ਹੋ ਅਸਲ ਵਿਚ ਕੂੜੇ ਵਾਲੇ ਅਸੀਂ ਹਾਂ ਇਹ ਤਾਂ ਵਿਚਾਰੇ ਸਫਾਈ ਵਾਲੇ ਹਨ |
-ਅੱਲੜ ਪਿੰਡੀ, ਗੁਰਦਾਸਪੁਰ | ਮੋਬਾਈਲ :78885-27094
