ਗਲਾਸਗੋ, 28 ਜੁਲਾਈ (ਪੀ.ਟੀ.ਆਈ.)-ਭਾਰਤੀ ਤੈਰਾਕ ਸ੍ਰੀਹਰੀ ਨਟਰਾਜ ਨੇ ਰਾਸ਼ਟਰਮੰਡਲ ਖੇਡਾਂ ਦੇ ਤੈਰਾਕੀ ਮੁਕਾਬਲੇ ਦੇ 100 ਮੀਟਰ ਬੈਕਸਟ੍ਰੋਕ ਸੈਮੀਫਾਈਨਲ ’ਚ ਜਗ੍ਹਾ ਬਣਾ ਲਈ ਹੈ, ਜਦੋਂ ਕਿ ਤਜਰਬੇਕਾਰ ਸਾਜਨ ਪ੍ਰਕਾਸ਼ ਮੰਗਲਵਾਰ ਨੂੰ ਇੱਥੇ ਕੁਆਲੀਫਾਈਂਗ ਰਾਊਂਡ ਹੀਟਸ (ਪ੍ਰੀਲੀਮੀਨਰੀ ਰਾਊਂਡ) ’ਚ ਬਾਹਰ ਹੋਣਾ ਪਿਆ। ਨਟਰਾਜ ਆਪਣੀ ਹੀ ’ਚ ਪੰਜਵੇਂ ਤੇ ਕੁੱਲ 13ਵੇਂ ਸਥਾਨ ’ਤੇ ਰਿਹਾ ਜਿਸਨੇ 55.58 ਸਕਿੰਟ ਦਾ ਸਮਾਂ ਕੱਢਿਆ। ਸ਼ੁਰੂਆਤੀ ਦੌਰ ਤੋਂ 16 ਸਭ ਤੋਂ ਤੇਜ਼ ਤੈਰਾਕ ਫਾਈਨਲ ’ਚ ਪਹੁੰਚ ਗਏ। ਨਟਰਾਜ ਦਾ 50 ਮੀਟਰ ਤੋਂ ਬਾਅਦ ਦਾ ਸਮਾਂ 26.26 ਸਕਿੰਟ ਸੀ। ਉਸਦਾ ਨਿੱਜੀ ਸਰਵੋਤਮ ਸਮਾਂ 53.77 ਸਕਿੰਟ ਹੈ, ਜੋ ਕਿ ਇੱਕ ਰਾਸ਼ਟਰੀ ਰਿਕਾਰਡ ਵੀ ਹੈ। ਇਸ ਦੌਰਾਨ, ਸਾਜਨ ਪੁਰਸ਼ਾਂ ਦੇ 50 ਮੀਟਰ ਬਟਰਫਲਾਈ ਮੁਕਾਬਲੇ ਦੇ ਸੈਮੀਫਾਈਨਲ ਲਈ ਕੁਆਲੀਫਾਈ ਕਰਨ ’ਚ ਅਸਫਲ ਰਿਹਾ ਕਿਉਂਕਿ ਉਹ ਆਪਣੀ ਹੀਟ ਵਿੱਚ ਅੱਠਵੇਂ ਤੇ ਕੁੱਲ 28ਵੇਂ ਸਥਾਨ ’ਤੇ ਰਿਹਾ।
