ਜੂਡੋ ’ਚ ਉੱਨਤੀ ਨੇ ਕਾਂਸੀ ਦਾ ਤਗਮਾ ਜਿੱਤਿਆ

ਗਲਾਸਗੋ, 1 ਅਗਸਤ (ਹਰਜੀਤ ਸਿੰਘ ਦੁਸਾਂਝ)-ਜੂਡੋ ਖਿਡਾਰਨ ਉੱਨਤੀ ਸ਼ਰਮਾ ਨੇ ਇੱਥੇ ਰਾਸ਼ਟਰਮੰਡਲ ਖੇਡਾਂ ’ਚ ਭਾਰਤ ਦੀ ਇਤਿਹਾਸਕ ਦੌੜ ਜਾਰੀ ਰੱਖਦਿਆਂ ਮਹਿਲਾਵਾਂ ਦੇ ਅੰਡਰ-63 ਕਿਲੋਗ੍ਰਾਮ ਭਾਰ ਵਰਗ ’ਚ ਕਾਂਸੀ ਦਾ ਤਗਮਾ ਜਿੱਤਿਆ। ਇਹ ਜੂਡੋ ’ਚ ਭਾਰਤ ਦਾ ਰਿਕਾਰਡ ਚੌਥਾ ਤਗਮਾ ਹੈ। ਉਨਤੀ ਨੇ ਸ਼ਾਨਦਾਰ ਤਕਨੀਕ ਦਾ ਪ੍ਰਦਰਸ਼ਨ ਕੀਤਾ, ਦੱਖਣੀ ਅਫਰੀਕਾ ਦੀ ਸਕਾਈ ਨੋਏਸਟਰ ਸਕਾਈ ਨੂੰ ਕੋਈ ਵੀ ਮੌਕਾ ਨਾ ਦਿੱਤਾ। ਸਿਰਫ ਇਕ ਮਿੰਟ ਤੇ ਸੱਤ ਸਕਿੰਟਾਂ ’ਚ ਮੁਕਾਬਲਾ ਪੂਰਾ ਕਰਕੇ ਉਸਨੇ ਕਾਂਸੀ ਦਾ ਤਗਮਾ ਜਿੱਤਿਆ।