18-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 15-02-2026

ਭਾਰਤੀ ਹਾਈ ਕਮਿਸ਼ਨ ਲੰਡਨ ਵਿਖੇ ਏ. ਆਈ. ਸੰਬੰਧੀ ਵਪਾਰਕ ਚਰਚਾ <br/>

ਏ. ਆਈ. ਸੰਬੰਧੀ ਸੰਮੇਲਨ ਦੌਰਾਨ ਸੰਬੋਧਨ ਕਰਦੇ ਹੋਏ ਹਾਈ ਕਮਿਸ਼ਨਰ ਵਿਕਰਮ ਦੋਰਾਏਸਵਾਮੀ, ਡਾ: ਪੁਸ਼ਮੀਤ ਸਿੰਘ ਕੋਹਲੀ ਤੇ ਮਾਹਿਰਾਂ ਦਾ ਪੈਨਲ | ਤਸਵੀਰਾਂ: ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ <br/> 15-02-2026
ਲੰਡਨ, 14 ਫਰਵਰੀ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਯੂ.ਕੇ. 'ਚ ਭਾਰਤੀ ਹਾਈ ਕਮਿਸ਼ਨ, ਲੰਡਨ ਵਿਖੇ ਏ.ਆਈ. 'ਤੇ ਭਾਰਤ-ਫਰਾਂਸ ਵਪਾਰਕ ਸੰਵਾਦ ਦੌਰਾਨ ਇਕ ਸਾਂਝੀ ਵਿਸ਼ਵ ਯਾਤਰਾ ਦੀ ਆਰੰਭਤਾ ਕੀਤੀ ਗਈ | ਯੂ.ਕੇ. ਵਿਚ ਪਹਿਲੇ ਏ.ਆਈ. ਸੰਮੇਲਨ ਤੋਂ ਲੈ ਕੇ ਫਰਾਂਸ ਤੱਕ ਤੇ ਅੱਗੇ ਇੰਡੀਆ ਏ.ਆਈ. ਇਮਪੈਕਟ ਸੰਮੇਲਨ 2026 ਤੱਕ ਬਾਰੇ ਚਰਚਾ ਕੀਤੀ ਗਈ | ਹਾਈ ਕਮਿਸ਼ਨਰ ਵਿਕਰਮ ਦੋਰਾਇਸਵਾਮੀ ਨੇ ਜਨਤਕ ਭਲਾਈ ਲਈ ਏ.ਆਈ. ਦੇ ਭਾਰਤ ਦੇ ਦਿ੍ਸ਼ਟੀਕੋਣ ਨੂੰ ਉਜਾਗਰ ਕੀਤਾ, ਜਿਸ ਵਿਚ ਉਹਨਾਂ ਸਮਾਵੇਸ਼ੀ, ਲੋਕਤੰਤਰੀ ਤੇ ਪਹੁੰਚਯੋਗ ਬਾਰੇ ਗੱਲ ਕੀਤੀ | ਯੂ.ਕੇ. 'ਚ ਫਰਾਂਸੀਸੀ ਰਾਜਦੂਤ ਹੇਲੇਨ ਟ੍ਰੇਹਿਊ-ਡੂਚੇਨ ਨੇ ਸਹਿਯੋਗ ਦੀ ਪੁਸ਼ਟੀ ਕਰਦਿਆਂ ਫਰਾਂਸ ਵੱਲੋਂ ਸਮਰਥਨ ਕੀਤਾ | ਡਾ. ਪੁਸ਼ਮੀਤ ਸਿੰਘ ਕੋਹਲੀ (ਵੀ.ਪੀ. ਸਾਇੰਸ, ਗੂਗਲ ਡੀਪ ਮਾਈਾਡ) ਨੇ ਕਿਹਾ ਕਿ ਏ.ਆਈ. ਦਾ ਵਿਕਾਸ ਮਨੁੱਖਤਾ ਦੀ ਬੁੱਧੀ ਤੇ ਤਣਾਅ ਦਾ ਹੱਲ ਹੈ | ਉਹਨਾਂ ਕਿਹਾ ਕਿ ਏ.ਆਈ. ਇਕ ਲੋਕਤੰਤਰੀਕਰਨ, ਅੰਤਰ-ਖੇਤਰੀ ਸ਼ਕਤੀ ਵਜੋਂ ਹੈ, ਖਾਸ ਤੌਰ 'ਤੇ ਭਾਰਤ ਵਰਗੇ ਵਿਭਿੰਨ ਸਮਾਜਾਂ ਲਈ ਪਰਿਵਰਤਨਸ਼ੀਲ ਹੈ | ਡਾ. ਹੇਮਾ ਪ੍ਰੇਮ ਰੈਨਾ (ਇਨਫੋਸਿਸ), ਅਤੁਲ ਸੋਢੀ (ਕ੍ਰੈਡਿਟ ਐਗਰੀਕੋਲ) ਅਤੇ ਪ੍ਰੋ. ਗੋਪਾਲ ਰਾਮਚਰਨ (ਯੂਨੀਵਰਸਿਟੀ ਆਫ਼ ਸਾਊਥੈਂਪਟਨ) ਦੇ ਨਾਲ ਇਕ ਦਿਲਚਸਪ ਪੈਨਲ ਨੇ ਏ.ਆਈ. ਦੇ ਤੇਜ਼ੀ ਨਾਲ ਅਪਣਾਏ ਜਾਣ ਬਾਰੇ ਸਵਾਲਾਂ ਦੇ ਜਵਾਬ ਦਿੱਤੇ | ਉਹਨਾਂ ਕਿਹਾ ਕਿ ਏ.ਆਈ. ਹੁਣ ਲਗਭਗ 70 ਫ਼ੀਸਦ ਗਲੋਬਲ ਉਦਯੋਗਾਂ 'ਚ ਸ਼ਾਮਲ ਹੈ |

ਪਿਛਲੀ ਖ਼ਬਰ ਕੜਾਕੇ ਦੀ ਠੰਢ ਤੇ ਬਰਫ਼ਬਾਰੀ ਦੀ ਕਾਰਨ ਜੰਮਿਆ ਓਾਟਾਰੀਓ ਪ੍ਰਾਂਤ <br/> ਅਗਲੀ ਖ਼ਬਰ ਪ੍ਰੋ. ਭੁੱਲਰ ਦੀ ਰਿਹਾਈ ਅਪੀਲ ਰੱਦ ਕਰਨ ਦੀ ਫੈਡਰੇਸ਼ਨ ਆਫ ਸਿੱਖ ਆਰਗੇਨਾਈਜ਼ੇਸ਼ਨਜ਼ ਯੂ. ਕੇ. ਵੱਲੋਂ ਨਿੰਦਾ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।