ਕੈਨੇਡਾ 'ਚ ਹੰਤਾਵਾਇਰਸ ਦਾ ਪਹਿਲਾ ਮਰੀਜ਼ ਮਿਲਿਆ
ਅਜੀਤ ਡੈਸਕ
19-05-2026
ਐਬਟਸਫੋਰਡ, 18 ਮਈ (ਗੁਰਦੀਪ ਸਿੰਘ ਗਰੇਵਾਲ)-ਕੈਨੇਡਾ ਦੀ ਪਬਲਿਕ ਹੈਲਥ ਏਜੰਸੀ ਨੇ ਲੈਬ ਟੈਸਟਿੰਗ ਰਾਹੀਂ ਕੈਨੇਡਾ 'ਚ ਹੰਤਾਵਾਇਰਸ ਦੇ ਇਕ ਮਾਮਲੇ ਦੀ ਪੁਸ਼ਟੀ ਕੀਤੀ ਹੈ | ਉਨ੍ਹਾਂ ਦੱਸਿਆ ਕਿ ਪੀੜਤ ਵਿਅਕਤੀ ਪ੍ਰਭਾਵਿਤ ਕਰੂਜ਼ ਦੇ ਯਾਤਰੀਆਂ 'ਚ ਸ਼ਾਮਲ ਸੀ | ਬਿ੍ਟਿਸ਼ ਕੋਲੰਬੀਆ ਤੋਂ ਲਏ ਗਏ ਨਮੂਨੇ ਪੁਸ਼ਟੀਕਰਨ ਨੈਸ਼ਨਲ ਮਾਈਕਰੋਬੱਇਲੌਜੀ ਲੈਬਾਰਟਰੀ ਨੂੰ ਵਿਨੀਪੈਗ ਭੇਜੇ ਗਏ | ਇਕ ਵਿਅਕਤੀ ਦਾ ਨਮੂਨਾ 16 ਮਈ ਨੂੰ ਹੰਤਾਵਾਇਰਸ ਲਈ ਪਾਜ਼ਿਟਿਵ ਪੁਸ਼ਟੀ ਕੀਤਾ ਗਿਆ | ਦੂਜੇ ਵਿਅਕਤੀ, ਜੋ ਇਸ ਵਿਅਕਤੀ ਨਾਲ ਯਾਤਰਾ ਕਰ ਰਿਹਾ ਸੀ, ਦਾ ਨਤੀਜਾ ਨੈਗੇਟਿਵ ਆਇਆ | ਉਨ੍ਹਾਂ ਦੱਸਿਆ ਕਿ ਹੁਣ ਤੱਕ ਪੁਸ਼ਟੀ ਹੋਏ ਸਾਰੇ ਮਾਮਲੇ ਜਹਾਜ਼ ਦੇ ਯਾਤਰੀ ਜਾਂ ਕਰੂ ਮੈਂਬਰ ਰਹੇ ਹਨ |
