ਸੈਕਰਾਮੈਂਟੋ, ਕੈਲੀਫੋਰਨੀਆ (ਹੁਸਨ ਲੜੋਆ ਬੰਗਾ) ਇਲੀਨੋਇਸ ਦੀ ਐਲਮਹਰਸਟ ਯੂਨੀਵਰਸਿਟੀ ਵਿਚ ਪੜ ਰਹੀ ਭਾਰਤ ਦੇ ਤੇਲੰਗਾਨਾ ਰਾਜ ਦੀ 23 ਸਾਲਾ ਗ੍ਰੈਜੂਏਟ ਵਿਦਿਆਰਥਣ ਸਪੰਦਨਾ ਲਾਗੀਸ਼ੇਟੀ ਸ਼ਿਕਾਗੋ ਦੇ ਇਕ ਟਰਾਂਜ਼ਿਟ ਸਟੇਸ਼ਨ 'ਤੇ ਲਗਭਗ 25 ਫੁੱਟ ਉਚਾਈ ਤੋਂ ਡਿੱਗਣ ਤੋਂ ਬਾਅਦ ਗੰਭੀਰ ਹਾਲਤ ਵਿਚ ਹੈ | ਪ੍ਰਾਪਤ ਵੇਰਵੇ ਅਨੁਸਾਰ, ਸਪੰਦਨਾ ਸ਼ਿਕਾਗੋ ਦੇ ਐਲੀਵੇਟਿਡ ਐਲ ਟਰਾਂਜ਼ਿਟ ਸਿਸਟਮ ਨਾਲ ਜੁੜੀ ਪÏੜੀਆਂ ਤੋਂ ਡਿੱਗ ਗਈ ਅਤੇ ਉਸ ਨੂੰ ਪਾਰਕ ਰਿਜ, ਇਲੀਨੋਇਸ ਦੇ ਐਡਵੋਕੇਟ ਲੂਥਰਨ ਜਨਰਲ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਉਹ ਇੰਟੈਂਸਿਵ ਕੇਅਰ ਯੂਨਿਟ ਵਿਚ ਹੈ | ਪਰਿਵਾਰਕ ਮੈਂਬਰਾਂ ਦੁਆਰਾ ਸਾਂਝੀ ਕੀਤੀ ਗਈ ਜਾਣਕਾਰੀ ਅਨੁਸਾਰ ਡਿੱਗਣ ਦੇ ਨਤੀਜੇ ਵਜੋਂ ਸਪੰਦਨਾ ਦੇ ਸਿਰ ਵਿੱਚ ਗੰਭੀਰ ਸੱਟਾਂ ਲੱਗੀਆਂ ਹਨ ਤੇ ਉਹ ਬੇਹੋਸ਼ੀ ਦੀ ਹਾਲਤ ਵਿੱਚ ਹੈ¢ ਉਹ 2025 ਦੇ ਸ਼ੁਰੂ 'ਚ ਐਲਮਹਰਸਟ ਯੂਨੀਵਰਸਿਟੀ ਵਿੱਚ ਮਾਸਟਰ ਡਿਗਰੀ ਕਰਨ ਲਈ ਅਮਰੀਕਾ ਆਈ ਸੀ |
