ਨਿਆਗਰਾ ਫਾਲਜ਼ 'ਚ ਗਰਮੀ ਦੀ ਰੌਣਕ, ਸੈਲਾਨੀਆਂ ਦੀ ਵਧੀ ਆਮਦ <br/>

ਨਿਊਯਾਰਕ, 14 ਜੂਨ (ਰਾਜੂ ਸਹਿਬਾਜ਼ਪੁਰਾ)-ਸੁਹਾਵਣੇ ਮੌਸਮ, ਸਕੂਲਾਂ ਦੀਆਂ ਛੁੱਟੀਆਂ ਤੇ ਵੀਕਐਂਡ ਦੌਰਾਨ ਵੱਡੀ ਗਿਣਤੀ 'ਚ ਸੈਲਾਨੀਆਂ ਦੇ ਪਹੁੰਚਣ ਨਾਲ ਨਿਆਗਰਾ ਫਾਲਜ਼ ਇਕ ਵਾਰ ਫਿਰ ਰੌਣਕਾਂ ਨਾਲ ਭਰ ਗਿਆ ਹੈ | ਅਮਰੀਕਾ ਵਾਲੇ ਪਾਸੇ ਨਿਆਗਰਾ ਫਾਲਜ਼ ਸਟੇਟ ਪਾਰਕ ਦੇ ਆਲੇ-ਦੁਆਲੇ ਕਾਰੋਬਾਰ ਕਰਨ ਵਾਲੇ ਦੁਕਾਨਦਾਰਾਂ ਨੇ ਕਿਹਾ ਕਿ ਨਿਊਯਾਰਕ, ਪੈਨਸਿਲਵੇਨੀਆ, ਓਹਾਇਓ ਤੇ ਹੋਰ ਰਾਜਾਂ ਤੋਂ ਆਉਣ ਵਾਲੇ ਸੈਲਾਨੀਆਂ ਦੀ ਗਿਣਤੀ ਵਧੀ ਹੈ | ਉਨ੍ਹਾਂ ਦੇ ਅਨੁਸਾਰ ਗਰਮੀ ਦੇ ਮੌਸਮ ਦੀ ਸ਼ੁਰੂਆਤ ਹੌਲੀ ਰਹੀ ਸੀ, ਪਰ ਹੁਣ ਹਾਲਾਤ ਕਾਫ਼ੀ ਬਿਹਤਰ ਹਨ | ਸੈਰ-ਸਪਾਟਾ ਉਦਯੋਗ ਨਾਲ ਜੁੜੇ ਲੋਕਾਂ ਦਾ ਮੰਨਣਾ ਹੈ ਕਿ ਜੇ ਮੌਸਮ ਅਨੁਕੂਲ ਰਿਹਾ ਤੇ ਵਿਸ਼ਵ ਕੱਪ ਸਮੇਤ ਹੋਰ ਵੱਡੇ ਸਮਾਗਮਾਂ ਕਾਰਨ ਖੇਤਰ 'ਚ ਆਉਣ ਵਾਲਿਆਂ ਦੀ ਗਿਣਤੀ ਵਧੀ, ਤਾਂ ਇਸ ਸਾਲ ਨਿਆਗਰਾ ਫਾਲਜ਼ ਵਿਚ ਸੈਲਾਨੀਆਂ ਦੀ ਆਮਦ ਪਿਛਲੇ ਸਾਲ ਦੇ ਬਰਾਬਰ ਜਾਂ ਉਸ ਤੋਂ ਵੱਧ ਰਹਿ ਸਕਦੀ ਹੈ |