ਸਿਰਸਾ, 29 ਮਾਰਚ (ਭੁਪਿੰਦਰ ਪੰਨੀਵਾਲੀਆ)- ਐਸ.ਐਸ. ਜੈਨ ਸਭਾ ਕਾਲਾਂਵਾਲੀ ਵੱਲੋਂ ਬੈਰਾਗੀ ਭੂਪੇਸ਼ ਜੈਨ ਦੇ ਦਿਵਯਗਮਨ ਨੂੰ ਮਨਾਉਣ ਲਈ ਜੈਨ ਸੰਤ ਅਰੁਣ ਚੰਦਰ , ਅਭਿਨੰਦਨ ਮੁਨੀ ਅਤੇ ਅਤਿਮੁਕਤ ਮੁਨੀ ਦੀ ਮੌਜੂਦਗੀ ਵਿੱਚ ਇੱਕ ਤਿਲਕ ਸਮਾਰੋਹ ਕਰਵਾਇਆ ਗਿਆ | ਇਸ ਸਮਾਰੋਹ ਵਿੱਚ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂਆਂ ਅਤੇ ਭਾਈਚਾਰੇ ਦੇ ਮੈਂਬਰਾਂ ਨੇ ਹਿੱਸਾ ਲਿਆ | ਇਸ ਮੌਕੇ 'ਤੇ ਜੈਨ ਸਭਾ ਦੇ ਪ੍ਰਧਾਨ ਸੰਦੀਪ ਜੈਨ ਨੇ ਐਲਾਨ ਕੀਤਾ ਕਿ ਭੂਪੇਸ਼ ਜੈਨ ਦੀ ਭਗਵਤੀ ਦੀਕਸ਼ਾ 19 ਅਪ੍ਰੈਲ ਨੂੰ ਬਠਿੰਡਾ ਵਿੱਚ ਹੋਵੇਗੀ | ਇਸ ਮੌਕੇ ਜੈਨ ਸੰਤ ਅਰੁਣ ਚੰਦਰ ਨੇ ਕਾਲੀ ਸੁਕਾਲੀ ਦੇ ਮਹਾਂਮੰਗਲ ਦਾ ਪਾਠ ਕੀਤਾ, ਜਿਸ ਨੇ ਮਾਹੌਲ ਨੂੰ ਅਧਿਆਤਮਿਕਤਾ ਨਾਲ ਭਰ ਦਿੱਤਾ | ਸਮਾਰੋਹ ਦੌਰਾਨ ਸਾਧਕ ਭੂਪੇਸ਼ ਜੈਨ ਨੇ ਜੈਨ ਦੀਕਸ਼ਾ ਪ੍ਰਾਪਤ ਕਰਨ 'ਤੇ ਮਾਣ ਪ੍ਰਗਟ ਕੀਤਾ | ਉਨ੍ਹਾਂ ਕਿਹਾ ਕਿ ਉਹ ਇਸ ਅਵਸਰ ਨੂੰ ਪ੍ਰਾਪਤ ਕਰਨ ਲਈ ਭਾਗਸ਼ਾਲੀ ਸਨ | ਉਨ੍ਹਾਂ ਨੇ ਆਪਣੇ ਪਰਿਵਾਰ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਉਨ੍ਹਾਂ ਦੀ ਆਗਿਆ ਅਤੇ ਸਮਰਥਨ ਨਾਲ ਹੀ ਉਹ ਇਸ ਪਵਿੱਤਰ ਮਾਰਗ 'ਤੇ ਅੱਗੇ ਵਧ ਸਕੇ ਹਨ | ਉਨ੍ਹਾਂ ਨੇ ਸ਼ਰਧਾਲੂਆਂ ਨੂੰ ਧਰਮ ਦੇ ਮਾਰਗ 'ਤੇ ਚੱਲ ਕੇ ਅਤੇ ਅਧਿਆਤਮਿਕਤਾ ਨੂੰ ਅਪਣਾ ਕੇ ਆਪਣੇ ਜੀਵਨ ਨੂੰ ਸਾਰਥਕ ਬਣਾਉਣ ਦੀ ਵੀ ਅਪੀਲ ਕੀਤੀ | ਜੈਨ ਧਰਮ ਵਿੱਚ ਦੀਖਿਆ ਨੂੰ ਇੱਕ ਬਹੁਤ ਹੀ ਪਵਿੱਤਰ ਅਤੇ ਮਹੱਤਵਪੂਰਨ ਪ੍ਰਕਿਰਿਆ ਮੰਨਿਆ ਜਾਂਦਾ ਹੈ, ਜਿਸ ਵਿੱਚ ਇੱਕ ਵਿਅਕਤੀ ਦੁਨਿਆਵੀ ਮੋਹ ਤਿਆਗ ਕੇ ਆਤਮ-ਕਲਿਆਣ ਦੇ ਮਾਰਗ 'ਤੇ ਚੱਲਦਾ ਹੈ | ਇਸ ਮੌਕੇ ਜੈਨ ਸਭਾ ਦੇ ਪ੍ਰਧਾਨ ਸੰਦੀਪ ਜੈਨ, ਰਾਕੇਸ਼ ਜੈਨ, ਭੂਸ਼ਣ ਜੈਨ, ਪੂਰਨ ਜੈਨ, ਪਾਰਸ ਜੈਨ, ਨਰੇਸ਼ ਗਰਗ ਜੈਨ, ਸਾਈਾਦਾਸ ਸੇਤੀਆ, ਸੁਖਰਾਮ ਫੱਤਾ, ਜ਼ੋਰਾ ਜੈਨ, ਮੱਖਣ ਜੈਨ, ਕਾਕਾ ਜੈਨ, ਸ਼ੰਮੀ ਜੈਨ, ਸੀਰਤ ਜੈਨ, ਨਿਰਮਲਾ ਜੈਨ, ਬਬਲੀ ਜੈਨ, ਮੀਨੂ ਜੈਨ, ਸਰੋਜ ਜੈਨ, ਬਬੀਤਾ ਜੈਨ, ਅਤੇ ਕਈ ਸ਼ਰਧਾਲੂ ਮੌਜੂਦ ਸਨ |
