ਟੋਹਾਣਾ, 11 ਮਈ (ਮਨਜੀਤ ਸਿੰਘ) - ਸੀ.ਆਈ.ਏ. ਟੋਹਾਣਾ ਪੁਲਿਸ ਨੇ ਨਸ਼ਾ ਤਸਕਰਾਂ ਵਿਰੁੱਧ ਵੱਡੀ ਕਾਰਵਾਈ ਕਰਦਿਆਂ ਪੰਜਾਬ ਦੇ ਵਸਨੀਕ ਕੁਲਦੀਪ ਸਿੰਘ ਨੂੰ ਗਿ੍ਫ਼ਤਾਰ ਕੀਤਾ | ਸਹਾਇਕ ਸਬ-ਇੰਸਪੈਕਟਰ ਸੁਰੇਂਦਰ ਕੁਮਾਰ ਦੀ ਅਗਵਾਈ ਹੇਠ ਇੱਕ ਪੁਲਿਸ ਟੀਮ ਨੇ ਤਾਇਬ ਬਸਤੀ ਟੋਹਾਣਾ ਵਿੱਚ ਮਨਿਆਣਾ ਰੋਡ ਨਹਿਰ ਦੇ ਪੁਲ ਨੇੜੇ ਨਾਕਾਬੰਦੀ ਕੀਤੀ ਅਤੇ ਮੁਲਜ਼ਮ ਨੂੰ ਗਿ੍ਫ਼ਤਾਰ ਕੀਤਾ | ਤਲਾਸ਼ੀ ਦੌਰਾਨ ਮੁਲਜ਼ਮ ਦੇ ਕਬਜ਼ੇ ਵਿੱਚੋਂ 1,200 ਪਾਬੰਦੀਸ਼ੁਦਾ ਅਲਪ੍ਰਾਜ਼ੋਲਮ ਗੋਲੀਆਂ ਬਰਾਮਦ ਹੋਈਆਂ | ਪੁਲਿਸ ਨੂੰ ਸ਼ੱਕ ਹੈ ਕਿ ਮੁਲਜ਼ਮ ਇਨ੍ਹਾਂ ਨਸ਼ੀਲੀਆਂ ਗੋਲੀਆਂ ਨੂੰ ਵੱਖ-ਵੱਖ ਇਲਾਕਿਆਂ ਵਿੱਚ ਸਪਲਾਈ ਕਰਨ ਦੀ ਯੋਜਨਾ ਬਣਾ ਰਿਹਾ ਸੀ | ਮੁਲਜ਼ਮ ਖ਼ਿਲਾਫ਼ ਪੁਲਿਸ ਥਾਣਾ ਸਿਟੀ ਟੋਹਾਣਾ ਵਿੱਚ ਐਨ.ਡੀ.ਪੀ.ਐਸ. ਐਕਟ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ ਅਤੇ ਜਾਂਚ ਜਾਰੀ ਹੈ | ਪੁਲਿਸ ਰਿਕਾਰਡ ਅਨੁਸਾਰ ਪਤਾ ਲੱਗਾ ਹੈ ਕਿ ਮੁਲਜ਼ਮ ਕੁਲਦੀਪ ਸਿੰਘ ਖ਼ਿਲਾਫ਼ ਪਹਿਲਾਂ ਹੀ ਪੰਜਾਬ ਵਿੱਚ ਅਪਰਾਧਿਕ ਮਾਮਲੇ ਦਰਜ ਹਨ, ਜਿਨ੍ਹਾਂ ਵਿੱਚ 1. ਮਾਮਲਾ ਨੰਬਰ 125 ਮਿਤੀ 24.08.2016, ਅਸਲਾ ਐਕਟ ਦੀ ਧਾਰਾ 25 ਅਤੇ ਆਈਪੀਸੀ ਦੀ 399, 402, 379, 411, ਥਾਣਾ ਲਹਿਰਾ, ਪੰਜਾਬ | 2. ਮਾਮਲਾ ਨੰਬਰ 36 ਮਿਤੀ 12.04.2017, ਐਨਡੀਪੀਐਸ ਐਕਟ ਦੀ ਧਾਰਾ 22, ਥਾਣਾ ਲਹਿਰਾ, ਪੰਜਾਬ | 3. ਮਾਮਲਾ ਨੰਬਰ 113 ਮਿਤੀ 22.05.2019, ਐਨਡੀਪੀਐਸ ਐਕਟ ਦੀ ਧਾਰਾ 22ਸੀ, ਥਾਣਾ ਲਹਿਰਾ, ਪੰਜਾਬ | 4. ਮਾਮਲਾ ਨੰਬਰ 61 ਮਿਤੀ 10.04.2025, ਆਬਕਾਰੀ ਐਕਟ ਦੀ ਧਾਰਾ 61, ਥਾਣਾ ਲਹਿਰਾ, ਪੰਜਾਬ | 5. ਕੇਸ ਨੰਬਰ 217 ਮਿਤੀ 14.09.2025, ਆਬਕਾਰੀ ਐਕਟ ਦੀ ਧਾਰਾ 61, ਥਾਣਾ ਲਹਿਰਾ, ਪੰਜਾਬ | ਦਰਜ ਹਨ |
