ਨਵੀਂ ਦਿੱਲੀ, 19 ਮਈ (ਡਾ. ਬਲਵਿੰਦਰ ਸਿੰਘ ਸੋਢੀ)-ਨੈਸ਼ਨਲ ਅਕਾਲੀ ਦਲ ਦੇ ਵਲੋਂ 'ਐਨ.ਏ.ਡੀ. ਦੇਸ਼ ਰਤਨ ਐਵਾਰਡ 2026' ਦੇ ਸਮਾਰੋਹ ਪ੍ਰਤੀ ਪੱਛਮ ਵਿਹਾਰ ਵਿਖੇ ਇਕ ਬੈਠਕ ਕੀਤੀ ਗਈ | ਜਿਸ ਦੀ ਪ੍ਰਧਾਨਗੀ ਪਰਮਜੀਤ ਸਿੰਘ ਪੰਮਾ (ਰਾਸ਼ਟਰੀ ਪ੍ਰਧਾਨ ਨੈਸ਼ਨਲ ਅਕਾਲੀ ਦਲ) ਨੇ ਕੀਤੀ | ਇਸ ਬੈਠਕ ਵਿਚ ਰਾਸ਼ਟਰੀ ਸਕੱਤਰ ਵਿਕਰਾਂਤ ਮੋਹਨ, ਭਾਵਨਾ ਧਵਨ, ਕੁਲਦੀਪ ਸਿੰਘ ਮਰਵਾਹ, ਰਸ਼ਮੀਤ ਕੌਰ ਬਿੰਦਰਾ ਅਤੇ ਸੰਗਠਨ ਦੇ ਹੋਰ ਅਹੁਦੇਦਾਰ ਸ਼ਾਮਿਲ ਹੋਏ | ਇਨ੍ਹਾਂ ਅਹੁਦੇਦਾਰਾਂ ਨੇ ਆਪੋ-ਆਪਣੇ ਵਿਚਾਰ ਰੱਖੇ | ਸ. ਪੰਮਾ ਨੇ ਇਸ ਮੌਕੇ 'ਤੇ ਕਿਹਾ ਕਿ ਉਪਰੋਕਤ ਐਵਾਰਡ ਹਰ ਸਾਲ ਸਮਾਜ ਸੇਵੀ, ਪੱਤਰਕਾਰਿਤਾ, ਸਿੱਖਿਆ, ਚਕਿਤਸਾ, ਕਾਨੂੰਨ, ਵਪਾਰ, ਧਾਰਮਿਕ ਆਦਿ ਦੀ ਸੇਵਾ ਵਿਚ ਪਾਏ ਗਏ ਯੋਗਦਾਨ ਨੂੰ ਵੇਖਦੇ ਦਿੱਤੇ ਜਾਂਦੇ ਹਨ ਤਾਂਕਿ ਇਨ੍ਹਾਂ ਲੋਕਾਂ ਦਾ ਹੌਸਲਾ ਵਧਾਇਆ ਜਾ ਸਕੇ ਅਤੇ ਉਹ ਹੋਰ ਅੱਗੋਂ ਵੀ ਵਧੀਆ ਕੰਮ ਕਰਨ | ਸ. ਪੰਮਾ ਨੇ ਦੱਸਿਆ ਕਿ ਇਹ ਐਵਾਰਡ ਸਮਾਰੋਹ ਜਲਦੀ ਹੀ ਕੀਤਾ ਜਾ ਰਿਹਾ ਹੈ ਅਤੇ ਇਸ ਦੀ ਰੂਪ-ਰੇਖਾ ਬਣਾਈ ਜਾ ਚੁੱਕੀ ਹੈ | ਇਸ ਸਮਾਰੋਹ ਦੇ ਪ੍ਰਤੀ ਵੱਖ-ਵੱਖ ਖੇਤਰਾਂ ਦੀਆਂ ਸਖ਼ਸ਼ੀਅਤਾਂ ਨੂੰ ਸੱਦਾ ਪੱਤਰ ਵੀ ਭੇਜਿਆ ਜਾਵੇਗਾ |
