ਜਲੰਧਰ, 24 ਜਨਵਰੀ (ਸ਼ਿਵ)- ਇੰਜੀਨੀਅਰ ਐਂਡ ਬਿਲਡਿੰਗ ਡਿਜ਼ਾਈਨਰ ਐਸੋਸੀਏਸ਼ਨ ਦੇ ਪ੍ਰਧਾਨ ਸੁਨੀਲ ਕਤਿਆਲ ਦੀ ਪ੍ਰਧਾਨਗੀ ਵਿਚ ਹੋਈ ਮੀਟਿੰਗ ਵਿਚ ਅੱਜ ਬਿਲਡਿੰਗ ਬਾਈਲਾਜ ਦੇ ਕਾਨੂੰਨਾਂ ਵਿਚ ਬਦਲਾਅ ਕਰਨ ਦੇ ਖ਼ਿਲਾਫ਼ ਹਾਈਕੋਰਟ ਵਿਚ ਰਿੱਟ ਪਾਉਣ ਲਈ ਸੂਬੇ ਦੀ ਟੀਮ ਦੇ ਪ੍ਰਧਾਨ ਇੰਜ. ਜਸਮੀਤ ਸਿੰਘ ਤੇ ਸਕੱਤਰ ਜੀ.ਪੀ. ਸਚਦੇਵਾ ਨੂੰ ਸਮਰਥਨ ਦਿੱਤਾ ਗਿਆ | ਮੀਟਿੰਗ ਵਿਚ ਬਿਲਡਿੰਗ ਬਾਈਲਾਜ ਦੇ ਕਾਨੂੰਨਾਂ ਵਿਚ ਕੀਤੇ ਗਏ ਬਦਲਾਅ 'ਤੇ ਚਿੰਤਾ ਜ਼ਾਹਿਰ ਕਰਦੇ ਹੋਏ ਇੰਜੀਨੀਅਰਾਂ ਦਾ ਕਹਿਣਾ ਸੀ ਕਿ ਇਸ ਨਾਲ ਹਰ ਵਰਗ ਦਾ ਨੁਕਸਾਨ ਹੋਵੇਗਾ | ਜਥੇਬੰਦੀ ਇਸ ਦਾ ਵਿਰੋਧ ਕਰਦੀ ਹੈ | ਇਸ ਮੌਕੇ ਗਿਲਬਰਟ ਗਿਬਸਨ, ਰਣਜੀਤ ਬੇਦੀ, ਖੁਸ਼ਵੰਤ ਸਿੰਘ, ਨਵਦੀਪ, ਰਜਨੀਸ਼, ਕੁਲਦੀਪ ਲਾਂਬਾ, ਮੁਕੇਸ਼, ਰਾਕੇਸ਼, ਜਸਪਾਲ ਤੇ ਹੋਰ ਇੰਜੀਨੀਅਰ ਹਾਜ਼ਰ ਸਨ |
