ਅੱਪਰਾ, 7 ਮਾਰਚ (ਦਲਵਿੰਦਰ ਸਿੰਘ ਅੱਪਰਾ)-ਬੀਤੀ ਰਾਤ ਪਿੰਡ ਛੋਕਰਾਂ ਦੇ 19 ਸਾਲਾ ਨੌਜਵਾਨ ਦੀ ਇਕ ਭਿਆਨਕ ਸੜਕ ਹਾਦਸੇ 'ਚ ਦਰਦਨਾਕ ਮੌਤ ਹੋ ਗਈ | ਪ੍ਰਾਪਤ ਵੇਰਵਿਆਂ ਅਨੁਸਾਰ ਹਰਸ਼ (19) ਪੁੱਤਰ ਸਵ. ਕੁਲਵੰਤ ਰਾਏ ਉਰਫ਼ ਲੱਬੀ ਵਾਸੀ ਪਿੰਡ ਛੋਕਰਾਂ ਜੋ ਕਿ ਬੰਗਾ ਵਿਖੇ ਕੰਮ ਕਰਦਾ ਸੀ | ਬੀਤੀ ਰਾਤ ਰੋਜ਼ਮਰਾ ਦੀ ਤਰ੍ਹਾਂ ਹੀ ਆਪਣੇ ਮੋਟਰਸਾਈਕਲ 'ਤੇ ਸਵਾਰ ਹੋ ਕੇ ਕੰਮ ਤੋਂ ਆਪਣੇ ਘਰ ਵਾਪਸ ਆ ਰਿਹਾ ਸੀ ਤਾਂ ਬੰਗਾ ਅੱਪਰਾ ਮੁੱਖ ਸੜਕ 'ਤੇ ਪਿੰਡ ਹਕੀਮਪੁਰ ਦੇ ਨਜ਼ਦੀਕ ਇਕ ਸੜਕ ਹਾਦਸੇ ਦੌਰਾਨ ਉਸ ਦੀ ਮੌਤ ਹੋ ਗਈ | ਮੁਕੰਦਪੁਰ ਪੁਲਿਸ ਨੇ ਸਿਵਲ ਹਸਪਤਾਲ ਮੁਕੰਦਪੁਰ ਵਿਖੇ ਹਰਸ਼ ਦੇ ਮਿ੍ਤਕ ਸਰੀਰ ਦਾ ਪੋਸਟਮਾਰਟਮ ਕਰਵਾ ਕੇ ਮਿ੍ਤਕ ਦੇਹ ਵਾਰਸਾਂ ਦੇ ਹਵਾਲੇ ਕਰ ਦਿੱਤੀ | ਗਮਗੀਨ ਮਹੌਲ 'ਚ ਗ੍ਰਾਮ ਪੰਚਾਇਤ ਛੋਕਰਾਂ, ਪਿੰਡ ਵਾਸੀਆਂ ਤੇ ਮਿ੍ਤਕ ਦੇ ਪਰਿਵਾਰ ਵਲੋਂ ਮਿ੍ਤਕ ਦੇਹ ਦਾ ਸਸਕਾਰ ਕਰ ਦਿੱਤਾ ਗਿਆ |
