ਲੋਹੀਆਂ ਖਾਸ, 28 ਮਾਰਚ (ਪ.ਪ.ਰਾਹੀਂ)-ਪਿਛਲੇ ਦਿਨੀਂ ਆਮ ਆਦਮੀ ਪਾਰਟੀ ਜਲੰਧਰ (ਦਿਹਾਤੀ) ਦੇ ਯੂਥ ਪ੍ਰਧਾਨ ਰਾਜਿੰਦਰ ਸਿੰਘ ਭੁੱਲਰ ਅਸਤੀਫੇ ਤੋਂ ਬਾਅਦ ਹੁਣ 2 ਹੋਰ ਆਗੂਆਂ ਵਲੋਂ ਅਸਤੀਫ਼ੇ ਦੇਣੇ ਲੋਹੀਆਂ 'ਆਪ' ਲਈ ਭੁਚਾਲ ਤੋਂ ਘੱਟ ਨਹੀਂ ਹੈ | ਅਸਤੀਫ਼ੇ ਦੇਣ ਵਾਲੇ ਨਵੇਂ ਆਗੂਆਂ 'ਚ ਯੂਥ ਵਿੰਗ ਆਪ (ਸ਼ਹਿਰੀ) ਦੇ ਪ੍ਰਧਾਨ ਨਵਦੀਪ ਸਿੰਘ ਤੇ ਬਲਾਕ ਪ੍ਰਧਾਨ ਯੂਨਸ ਮਸੀਹ ਦੇ ਨਾਂਅ ਸਾਹਮਣੇ ਆਏ ਹਨ | ਇਸ ਸੰਬੰਧੀ ਫੋਨ 'ਤੇ ਗੱਲਬਾਤ ਕਰਦਿਆਂ 'ਆਪ' (ਸ਼ਹਿਰੀ) ਦੇ ਪ੍ਰਧਾਨ ਨਵਦੀਪ ਸਿੰਘ ਤੇ ਬਲਾਕ ਪ੍ਰਧਾਨ ਯੂਨਸ ਮਸੀਹ ਨੇ ਕਿਹਾ ਕਿ ਪਾਰਟੀ ਦੀਆਂ ਨੀਤੀਆਂ ਕਾਰਨ ਯੂਥ ਆਗੂਆਂ ਦੀ ਪੁੱਛਗਿੱਛ ਨਹੀਂ ਹੋ ਰਹੀ, ਜਿਸ ਕਾਰਨ ਅਸੀਂ ਅਸਤੀਫ਼ੇ ਦੇ ਕੇ ਸੁਰਖੁਰੂ ਹੋ ਗਏ ਹਾਂ | ਉਨ੍ਹਾਂ ਇਹ ਵੀ ਦੋਸ਼ ਲਗਾਏ ਕਿ ਪਾਰਟੀ ਦੇ ਸੀਨੀਅਰ ਯੂਥ ਆਗੂ ਹੇਠਲੇ ਯੂਥ ਆਗੂਆਂ ਨੂੰ ਭਰੋਸੇ 'ਚ ਲੈਣ ਤੋਂ ਬਿਨ੍ਹਾਂ ਹੀ ਮੀਟਿੰਗਾਂ ਕਰ ਰਹੇ ਹਨ, ਜਿਸ ਤੋਂ ਹੇਠਲਾ ਕੇਡਰ ਬਿਲਕੁਲ ਨਰਾਜ਼ ਚੱਲ ਰਿਹਾ ਹੈ |
