ਗੁਰੂ ਨਾਨਕਪੁਰਾ ਰੇਲਵੇ ਫਾਟਕ 'ਤੇ ਪੁਲ ਬਣਨ ਦਾ ਰਸਤਾ ਹੋਇਆ ਸਾਫ਼, ਲੱਖਾਂ ਲੋਕਾਂ ਨੂੰ ਮਿਲੇਗੀ ਰਾਹਤ <br/>
ਅਜੀਤ ਡੈਸਕ
01-05-2026
ਕਦੇ ਤਕਨੀਕੀ ਖ਼ਰਾਬੀ ਤੇ ਕਦੇ ਗੱਡੀਆਂ ਆਉਣ ਕਾਰਨ ਬੰਦ ਰਹਿੰਦੈ ਫਾਟਕ
ਉਕਤ ਰੇਲਵੇ ਫਾਟਕ ਕਦੇ ਤਕਨੀਕੀ ਖ਼ਰਾਬੀ ਤੇ ਕਦੇ ਰੇਲ ਗੱਡੀਆਂ ਦੇ ਆਉਣ ਕਾਰਨ ਕਾਫੀ ਦੇਰ ਤੱਕ ਬੰਦ ਰਹਿੰਦਾ ਹੈ | ਜਿਸ ਕਾਰਨ ਫਾਟਕ ਤੋਂ ਲੰਘਣ ਵਾਲੇ ਲੋਕਾਂ ਨੂੰ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ | ਦੂਜੇ ਪਾਸੇ ਸ਼ਹਿਰ ਤੋਂ ਅੰਮਿ੍ਤਸਰ ਤੇ ਪਠਾਨਕੋਟ ਵੱਲ ਜਾਣ ਵਾਲੇ ਭਾਰੀ ਵਾਹਨ ਵੀ ਇਸੇ ਰਾਹ ਨੂੰ ਸੌਖਾ ਸਮਝਦੇ ਹੋਏ ਇਧਰੋਂ ਲੰਘਣ ਦੀ ਕੋਸ਼ਿਸ਼ ਕਰਦੇ ਹਨ, ਪਰ ਅਕਸਰ ਬੰਦ ਰਹਿੰਦੇ ਫਾਟਕ ਕਾਰਨ ਇਥੇ ਜਾਮ ਲੱਗ ਜਾਂਦਾ ਹੈ | ਫਿਲਹਾਲ ਬੀ.ਐਸ.ਐਫ. ਚੌਕ ਅਤੇ ਲਾਡੋਵਾਲੀ ਰੋਡ ਤੋਂ ਅੰਮਿ੍ਤਸਰ ਵੱਲ ਜਾਣ ਵਾਲੇ ਲੋਕਾਂ ਨੂੰ ਰਾਮਾਮੰਡੀ ਚੌਕ ਤੋਂ ਘੁੰਮ ਕੇ ਆਉਣਾ ਪੈਂਦਾ ਹੈ, ਕਿਉਂਕਿ ਪੀ.ਏ.ਪੀ. ਚੌਕ ਤੋਂ ਅੰਮਿ੍ਤਸਰ ਵੱਲ ਜਾਣ ਲਈ ਸਿੱਧਾ ਰਸਤਾ ਨਹੀਂ ਹੈ |
ਪੁਲ ਬਣਨ ਨਾਲ ਮਿਲੇਗੀ ਰਾਹਤ
ਬੇਸ਼ੱਕ ਉਕਤ ਪੁਲ ਦੇ ਨਿਰਮਾਣ ਦੌਰਾਨ ਲੋਕਾਂ ਨੂੰ ਕੁਝ ਸਮੇਂ ਲਈ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਵੇਗਾ ਅਤੇ ਉਨ੍ਹਾਂ ਨੂੰ ਬਦਲਵੇਂ ਰਸਤਿਆਂ ਦੀ ਵਰਤੋਂ ਕਰਨੀ ਪਵੇਗੀ | ਪੁਲ ਦੇ ਨਿਰਮਾਣ ਦੌਰਾਨ ਆਵਾਜਾਈ ਦਾ ਜ਼ਿਆਦਾ ਬੋਝ ਪੀ.ਏ.ਪੀ. ਚੌਕ ਅਤੇ ਰਾਮਾਮੰਡੀ ਚੌਕ 'ਤੇ ਪਵੇਗਾ | ਉਕਤ ਪੁਲ ਦੇ ਨਿਰਮਾਣ ਨਾਲ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਲੱਧੇਵਾਲੀ ਕੈਂਪਸ, ਜੰਡੂਸਿੰਘਾ, ਆਦਮਪੁਰ ਅਤੇ ਹੁਸ਼ਿਆਰਪੁਰ ਜਾਣ ਵਾਲੀ ਆਵਾਜਾਈ ਸਮੇਤ ਸਥਾਨਕ ਕਾਰੋਬਾਰੀ ਅਦਾਰਿਆਂ ਨੂੰ ਜਾਣ ਵਾਲਿਆਂ ਨੂੰ ਵੱਡੀ ਰਾਹਤ ਮਿਲੇਗੀ |
