ਜਲੰਧਰ, 2 ਮਈ (ਪਵਨ ਖਰਬੰਦਾ)-ਗੁਰੂ ਨਾਨਕ ਫਾਊਾਡੇਸ਼ਨ ਗਲੋਬਲ ਸਕੂਲ ਕਲਾਸ 12 ਵਲੋਂ ਵਾਤਾਵਰਨ ਬਚਾਓ' ਵਿਸ਼ੇ 'ਤੇ ਅਸੈਂਬਲੀ ਕਰਵਾਈ ਗਈ | ਇਸ ਦੌਰਾਨ ਕਲਾਸ 12 ਦੇ ਵਿਦਿਆਰਥੀਆਂ ਵਲੋਂ ਵਾਤਾਵਰਨ ਬਚਾਓ' ਵਿਸ਼ੇ 'ਤੇ ਇੱਕ ਪ੍ਰਭਾਵਸ਼ਾਲੀ ਅਤੇ ਜਾਗਰੂਕਤਾ ਭਰਪੂਰ ਅਸੈਂਬਲੀ ਕਰਵਾਈ ਗਈ | ਪ੍ਰੋਗਰਾਮ ਦੀ ਸ਼ੁਰੂਆਤ ਅਰਦਾਸ ਨਾਲ ਹੋਈ, ਜਿਸ 'ਚ ਕੁਦਰਤ ਅਤੇ ਮਨੁੱਖ ਵਿਚਕਾਰ ਸੰਤੁਲਨ ਬਣਾਈ ਰੱਖਣ ਦੀ ਕਾਮਨਾ ਕੀਤੀ ਗਈ | ਵਿਦਿਆਰਥੀਆਂ ਨੇ ਆਪਣੇ ਪ੍ਰੇਰਣਾਦਾਇਕ ਭਾਸ਼ਣ ਰਾਹੀਂ ਵਾਤਾਵਰਨ ਦੀ ਸੰਭਾਲ ਦੀ ਮਹੱਤਤਾ ਬਾਰੇ ਦੱਸਿਆ ਅਤੇ ਪ੍ਰਦੂਸ਼ਣ, ਜੰਗਲਾਂ ਦੀ ਕਟਾਈ ਅਤੇ ਪਾਣੀ ਦੀ ਬਚਤ ਵਰਗੇ ਮੁੱਦਿਆਂ 'ਤੇ ਸਭ ਨੂੰ ਜਾਗਰੂਕ ਕੀਤਾ | ਮਾਤਾ ਧਰਤੀ ਨੂੰ ਸਮਰਪਿਤ ਸੁਰੀਲੇ ਗੀਤ ਨੇ ਸਮਾਗਮ ਨੂੰ ਭਾਵੁਕ ਬਣਾ ਦਿੱਤਾ | ਅਸੈਂਬਲੀ ਦਾ ਮੁੱਖ ਆਕਰਸ਼ਣ ਇੱਕ ਪ੍ਰਭਾਵਸ਼ਾਲੀ ਨੁੱਕੜ ਨਾਟਕ ਸੀ, ਜਿਸ 'ਚ ਵਿਦਿਆਰਥੀਆਂ ਨੇ ਆਪਣੇ ਸਸ਼ਕਤ ਅਦਾਕਾਰੀ ਰਾਹੀਂ ਵਾਤਾਵਰਨ ਦੀ ਅਣਦੇਖੀ ਦੇ ਨੁਕਸਾਨਾਂ ਨੂੰ ਦਰਸਾਇਆ ਅਤੇ ਸਭ ਨੂੰ ਆਪਣੀ ਜ਼ਿੰਮੇਵਾਰੀ ਨਿਭਾਉਣ ਦਾ ਸੰਦੇਸ਼ ਦਿੱਤਾ | ਅੰਤ ਵਿੱਚ ਸਭ ਨੇ ਸਾਫ਼-ਸੁਥਰੇ ਅਤੇ ਹਰਿਆਲੇ ਭਵਿੱਖ ਲਈ ਸੰਕਲਪ ਲਿਆ | ਵਿਦਿਆਰਥੀਆਂ ਦੇ ਉੱਤਮ ਯਤਨਾਂ ਦੀ ਪਿ੍ੰਸੀਪਲ ਅਤੇ ਅਧਿਆਪਕਾਂ ਵੱਲੋਂ ਪ੍ਰਸ਼ੰਸਾ ਕੀਤੀ ਗਈ |
