ਨਕੋਦਰ, 10 ਮਈ (ਤਿਲਕ ਰਾਜ ਸ਼ਰਮਾ, ਗੁਰਵਿੰਦਰ ਸਿੰਘ)-ਮਹਿਕਮਾ ਪੰਜਾਬ ਲੋਕ ਨਿਰਮਾਣ ਵਿਭਾਗ ਭ ਤੇ ਮ ਸ਼ਾਖਾ ਜਲੰਧਰ ਛਾਉਣੀ ਵਲੋਂ ਸੂਚਿਤ ਕੀਤਾ ਗਿਆ ਹੈ ਕਿ ਨੂਰਮਹਿਲ ਸੜਕ ਤੋਂ ਮਹਿਤਪੁਰ ਤੱਕ ਕੰਮ ਸ਼ੁਰੂ ਕੀਤਾ ਜਾ ਰਿਹਾ ਹੈ | ਅਧਿਕਾਰੀਆਂ ਵਲੋਂ ਦੱਸਿਆ ਗਿਆ ਹੈ ਕਿ ਨਕੋਦਰ ਹਿੱਸੇ 'ਚ ਜੋ ਤਕਰੀਬਨ 650 ਮੀਟਰ ਕੰਕਰੀਟ ਦੀ ਸੜਕ ਬਣਾਈ ਜਾਣੀ ਹੈ ਇਸ ਸੜਕ ਨੂੰ ਬਣਾਉਣ ਵਾਸਤੇ ਤਕਰੀਬਨ 30 ਦਿਨ ਦਾ ਸਮਾਂ ਲੱਗੇਗਾ ਅਤੇ ਪਬਲਿਕ ਦੀ ਆਵਾਜਾਈ ਲਈ ਇਹ ਸੜਕ 30 ਦਿਨ ਲਈ ਬੰਦ ਰਹੇਗੀ | ਇਸ ਦੌਰਾਨ ਆਵਾਜਾਈ ਦਾ ਰੂਟ ਬੀਰ ਪਿੰਡ ਤੋਂ ਮੁਹੇਮ ਪਿੰਡ ਹੋ ਕੇ ਮਹਿਤਪੁਰ ਨਿਕਲੇਗਾ | ਜਿਨ੍ਹਾਂ ਲੋਕਾਂ ਨੇ ਜਲੰਧਰ, ਨਕੋਦਰ, ਮੋਗਾ ਜਾਣਾ ਹੈ ਉਨ੍ਹਾਂ ਲਈ ਆਵਾਜਾਈ ਦਾ ਰੂਟ ਪੰਡੋਰੀ ਖ਼ਾਸ ਤੋਂ ਹੋ ਕੇ ਨੈਸ਼ਨਲ ਹਾਈਵੇ ਮੋਗਾ-ਜਲੰਧਰ ਰੋਡ ਹੋਵੇਗਾ |
