ਜਲੰਧਰ, 14 ਮਈ (ਸ਼ਿਵ)-ਲੰਬਾ ਪਿੰਡ ਤੋਂ ਸੁੱਚੀ ਪਿੰਡ ਰੋਡ ਵਾਲੀ ਸਾਈਡ ਦੇ ਮਾਰਕੀਟ ਦੇ ਦੁਕਾਨਦਾਰਾਂ ਵਲੋਂ ਐਨ. ਐੱਚ. ਏ. ਆਈ. ਦੇ ਅਧਿਕਾਰੀਆਂ ਨੂੰ ਮੰਗ ਪੱਤਰ ਦੇ ਕੇ ਉਨ੍ਹਾਂ ਨੂੰ ਇਸ ਇਲਾਕੇ ਵਿਚ ਲੰਬੇ ਸਮੇਂ ਤੋਂ ਖੜੇ ਹੁੰਦੇ ਪਾਣੀ ਅਤੇ ਸੀਵਰੇਜ ਸਮੱਸਿਆ ਹੱਲ ਕਰਵਾਉਣ ਦੀ ਮੰਗ ਕੀਤੀ ਹੈ | ਲੋਕਾਂ ਨੇ ਹਾਈਵੇ ਦੇ ਅਧਿਕਾਰੀਆਂ ਨੂੰ ਦੱਸਿਆ ਕਿ ਇਸ ਰੋਡ 'ਤੇ ਸੀਵਰੇਜ ਨਹੀਂ ਪਿਆ ਹੈ ਤੇ ਕਈ ਦਿਨ ਤੱਕ ਹਾਈਵੇ 'ਤੇ ਖੜੇ੍ਹ ਪਾਣੀ ਦੀ ਨਿਕਾਸੀ ਨਹੀਂ ਹੁੰਦੀ ਹੈ | ਉਨਾਂ ਦਾ ਲੰਘਣਾ ਔਖਾ ਹੋ ਜਾਂਦਾ ਹੈ | ਉਹ ਕਈ ਬਾਰ ਨਿਗਮ ਕਮਿਸ਼ਨਰ ਕੋਲ ਵੀ ਸ਼ਿਕਾਇਤ ਕਰ ਚੁੱਕੇ ਹਨ ਪਰ ਇਸ ਦੇ ਬਾਵਜੂਦ ਸਮੱਸਿਆ ਦਾ ਹੱਲ ਨਹੀਂ ਹੋ ਰਿਹਾ ਹੈ | ਲੋਕਾਂ ਨੇ ਮੰਗ ਕੀਤੀ ਕਿ ਇਸ ਸਮੱਸਿਆ ਨੂੰ ਹੱਲ ਕਰਨ ਲਈ ਨਵਾਂ ਸੀਵਰੇਜ ਪਾਇਆ ਜਾਵੇ ਅਤੇ ਇਸ ਰੋਡ ਤੋਂ ਮਿੱਟੀ ਨਾ ਚੁੱਕੀ ਜਾਵੇ ਤਾਂ ਜੋ ਇਹ ਰਸਤਾ ਹੋਰ ਖ਼ਰਾਬ ਨਾ ਹੋਵੇ | ਇਸ ਮੌਕੇ ਹਾਈਵੇ ਦੇ ਅਧਿਕਾਰੀ ਸ੍ਰੀ ਸੰਜੇ ਮਿਸ਼ਰਾ ਨੇ ਲੋਕਾਂ ਨੂੰ ਭਰੋਸਾ ਦਿੱਤਾ ਕਿ ਉਨਾਂ ਦੀ ਸਮੱਸਿਆ ਹੱਲ ਕਰਵਾਉਣ ਲਈ ਹਰ ਸੰਭਵ ਯਤਨ ਕੀਤਾ ਜਾਵੇਗਾ | ਇਸ ਮੌਕੇ ਕਾਕਾ ਜੇ. ਸੀ. ਬੀ., ਸੋਨੂੰ ਗੋਗਾ, ਬਲਬੀਰ ਵੇਲੂ, ਵਿਕਾਸ ਬਜਾਜ, ਮਲਹੋਤਰਾ, ਵਿਕੀ ਐੱਸ. ਕੇ., ਰਾਕੇਸ਼, ਰਾਕੇਸ਼ ਸ਼ਿੰਗਾਰਾ, ਗੋਲਡੀ, ਦਵਿੰਦਰ, ਬਾਬਾ ਇਲੈਕਟ੍ਰੀਸ਼ੀਅਨ, ਮੈਂਗੀ ਮੋਟਰ, ਬਚਨ ਕਰੇਨ ਤੇ ਹੋਰ ਹਾਜਰ ਸਨ |
