ਫੁਲਵਾੜੀ ਸਕੂਲ ਲੋਹੀਆਂ ਦੇ ਖੇਡ ਮੈਦਾਨਾਂ ’ਤੇ ‘ਖੇਡਾਂ ਵਤਨ ਪੰਜਾਬ ਦੀਆਂ’ ਦਾ ਦੂਸਰਾ ਦਿਨ ਰਿਹਾ ਸ਼ਾਨਦਾਰ

ਲੋਹੀਆਂ ਖਾਸ, 8 ਸਤੰਬਰ (ਗੁਰਪਾਲ ਸਿੰਘ ਸ਼ਤਾਬਗੜ੍ਹ, ਕੁਲਦੀਪ ਸਿੰਘ ਖਾਲਸਾ) ਪੰਜਾਬ ਸਰਕਾਰ ਵੱਲੋਂ ਆਰੰਭ ਕੀਤੀਆਂ ‘ਖੇਡਾਂ ਵਤਨ ਪੰਜਾਬ ਦੀਆਂ’ ਦਾ ਅੱਜ ਦੂਸਰਾ ਦਿਨ ਸੀ, ਜੋ ਫੁਲਵਾੜੀ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਲੋਹੀਆਂ ਖਾਸ ਦੇ ਖੇਡ ਮੈਦਾਨਾਂ ਅੰਦਰ ਖੇਡੀਆਂ ਗਈਆਂ ਅਤੇ ਇਹ ਦਿਨ ਖਿਡਾਰੀਆਂ ਲਈ ਸ਼ਾਨਦਾਰ ਹੋ ਨਿਭੜਿਆ| ਲੋਹੀਆਂ ਬਲਾਕ ਦੇ ਇੰਚਾਰਜ ਜਤਿੰਦਰਪਾਲ ਸਿੰਘ ਜੀ ਹਾਕੀ ਕੋਚ ਦੀ ਹਾਜਰੀ ਵਿੱਚ ਇਨ੍ਹਾਂ ਖੇਡਾਂ ਦਾ ਉਦਘਾਟਨ ਫੁਲਵਾੜੀ ਸਕੂਲ ਦੇ ਪ੍ਰਿੰਸੀਪਲ ਲਖਬੀਰ ਸਿੰਘ ਜੀ ਵੱਲੋਂ ਫੀਤਾ ਕੱਟ ਕੇ ਕੀਤਾ ਗਿਆ| ਇਸ ਮੌਕੇ ਆਪਣੇ ਸੰਬੋਧਨ ਵਿੱਚ ਪ੍ਰਿੰਸੀਪਲ ਲਖਬੀਰ ਸਿੰਘ ਜੀ ਅਤੇ ਇੰਚਾਰਜ ਜਤਿੰਦਰਪਾਲ ਸਿੰਘ ਜੀ ਨੇ ਕਿਹਾ ਕਿ ਸਰਕਾਰ ਦਾ ਇਹ ਵਧੀਆ ਉਪਰਾਲਾ ਹੈ, ਜਿਸ ਨੂੰ ਮਾਨਣਾ ਚਾਹੀਦਾ ਹੈ| ਉਨ੍ਹਾਂ ਖਿਡਾਰੀਆਂ ਨੂੰ ਕਿਹਾ ਕਿ ਖੇਡ ਦੌਰਾਨ ਸਕਿੰਟਾਂ ’ਚ ਬਦਲਦੇ ਫੈਸਲਿਆਂ ਕਾਰਨ ਖੇਡਾਂ ਹੀ ਤੰਦਰੁਸਤ ਜੀਵਨ ਜਾਚ ਅਤੇ ਅਨੁਸ਼ਾਸ਼ਨ ਵਿੱਚ ਰਹਿਣਾ ਸਿਖਾਉਂਦੀਆਂ ਹਨ| ਇਸ ਮੌਕੇ ਜਤਿੰਦਰਪਾਲ ਸਿੰਘ ਜੀ ਹਾਕੀ ਕੋਚ, ਭਵਖੰਡਨ ਜੀ ਬਾਸਕਟਬਾਲ ਕੋਚ, ਮੈਡਮ ਰਾਜਵਿੰਦਰ ਕੌਰ ਹਾਕੀ ਕੋਚ ਤੇ ਰੋਹਿਤ ਤੈਰਾਕੀ ਵੱਲੋਂ ਅੱਜ ਦੀਆਂ ਸਾਰੀਆਂ ਖੇਡਾਂ ਦੀ ਦੇਖ ਰੇਖ ਕੀਤੀ ਗਈ| ਜਾਣਕਾਰੀ ਦਿੰਦਿਆਂ ਮਾ. ਰਣਜੀਤ ਸਿੰਘ ਰਾਣਾ ਨੇ ਦੱਸਿਆ ਕਿ ਸਕੂਲ ਅੰਦਰ ਸਾਰਾ ਦਿਨ ਵਾਲੀਬਾਲ ਦੇ ਮੁਕਾਬਲੇ ਚੱਲੇ, ਜੋ ਬਹੁਤ ਹੀ ਜ਼ਬਰਦਸਤ ਸਨ, ਜਿਸ ਵਿੱਚ 17 ਸਾਲ ਉਮਰ ਵਰਗ ਚੋਂ ਫੁਲਵਾੜੀ ਪਬਲਿਕ ਸੀਨੀਅਰ ਸਕੂਲ ਲੋਹੀਆਂ ਨੇ ਪਹਿਲਾਂ ਸਥਾਨ ਹਾਸਿਲ ਕੀਤਾ, ਅਕਾਲ ਗਲੈਕਸੀ ਕਾਨਵੈਂਟ ਸਕੂਲ ਸਿੱਧੂਪੁਰ ਨੇ ਦੂਸਰਾ ਸਥਾਨ ਮੱਲਿਆ, ਜਦਕਿ ਸਰਕਾਰੀ ਹਾਈ ਸਕੂਲ ਰੂਪੇਵਾਲ ਨੇ ਤੀਸਰਾ ਸਥਾਨ ਹਾਸਿਲ ਕੀਤਾ| ਇਸੇ ਤਰ੍ਹਾਂ 21 ਸਾਲ ਵਰਗ ਦੇ ਮੁਕਾਬਲਿਆਂ ਦੇ ਵਿੱਚ ਵੀ ਪਹਿਲਾ ਸਥਾਨ ਫੁਲਵਾੜੀ ਪਬਲਿਕ ਸੀਨੀਅਰ ਸੈਕੰਡਰੀ ਸਕ ੂਲ ਕੋਲ ਰਿਹਾ, ਦੂਸਰਾ ਸਥਾਨ ਜਲਾਲਪੁਰ ਕਲਾਂ ਦੀ ਟੀਮ ਨੇ ਹਾਸਿਲ ਕੀਤਾ, ਜਦਕਿ ਅਕਾਲ ਗਲੈਕਸੀ ਕਾਨਵੈਂਟ ਸਕੂਲ ਸਿੱਧੂਪੁਰ ਨੇ ਤੀਸਰਾ ਸਥਾਨ ਹਾਸਿਲ ਕੀਤਾ।