ਲੋਕਾਂ ਦੇ ਮਨੁੱਖੀ ਅਧਿਕਾਰਾਂ ਦੀ ਰੱਖਿਆ ਯਕੀਨੀ ਬਣਾਵਾਂਗੇ-ਆਰਤੀ ਰਾਜਪੂਤ
ਲੁਧਿਆਣਾ ਵਿਚ ਬੇਅਦਬੀ ਕਰਨ ਵਾਲਿਆਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਦੀ ਮੰਗ
ਜਲੰਧਰ , 13 ਸਤੰਬਰ ( ਸ਼ਿਵ )- ਮਨੁੱਖੀ ਅਧਿਕਾਰ ਪਰਿਸ਼ਦ ਇੰਡੀਆ ਦੀ ਪੰਜਾਬ ਟੀਮ ਦੀ ਆਰਤੀ ਰਾਜਪੂਤ ਦੀ ਅਗਵਾਈ ਵਿਚ ਜਲੰਧਰ ਵਿੱਚ ਮਹੱਤਵਪੂਰਨ ਮੀਟਿੰਗ ਕਰਕੇ ਪੰਜਾਬ ਦੀ ਕਾਨੂੰਨ - ਵਿਵਸਥਾ , ਆਮ ਲੋਕਾਂ ਨਾਲ ਕਥਿਤ ਪੁਲਿਸ ਜ਼ਿਆਦਤੀ ਅਤੇ ਮਨੁੱਖੀ ਅਧਿਕਾਰਾਂ ਦੀ ਉਲੰਘਣਾ ਸਮੇਤ ਵੱਖ - ਵੱਖ ਮੁੱਦਿਆਂ ’ ਤੇ ਚਰਚਾ ਕੀਤੀ ਗਈ । ਮੀਟਿੰਗ ਦੌਰਾਨ ਲੁਧਿਆਣਾ ਵਿੱਚ ਡਾ .
ਜਲੰਧਰ , 13 ਸਤੰਬਰ ( ਸ਼ਿਵ )- ਮਨੁੱਖੀ ਅਧਿਕਾਰ ਪਰਿਸ਼ਦ ਇੰਡੀਆ ਦੀ ਪੰਜਾਬ ਟੀਮ ਦੀ ਆਰਤੀ ਰਾਜਪੂਤ ਦੀ ਅਗਵਾਈ ਵਿਚ ਜਲੰਧਰ ਵਿੱਚ ਮਹੱਤਵਪੂਰਨ ਮੀਟਿੰਗ ਕਰਕੇ ਪੰਜਾਬ ਦੀ ਕਾਨੂੰਨ - ਵਿਵਸਥਾ , ਆਮ ਲੋਕਾਂ ਨਾਲ ਕਥਿਤ ਪੁਲਿਸ ਜ਼ਿਆਦਤੀ ਅਤੇ ਮਨੁੱਖੀ ਅਧਿਕਾਰਾਂ ਦੀ ਉਲੰਘਣਾ ਸਮੇਤ ਵੱਖ - ਵੱਖ ਮੁੱਦਿਆਂ ’ ਤੇ ਚਰਚਾ ਕੀਤੀ ਗਈ । ਮੀਟਿੰਗ ਦੌਰਾਨ ਲੁਧਿਆਣਾ ਵਿੱਚ ਡਾ . ਭੀਮ ਰਾਓ ਅੰਬੇਡਕਰ ਜੀ ਦੀ ਬੇਅਦਬੀ ਅਤੇ ਸੰਗਰੂਰ ਵਿੱਚ ਮੁੱਖ ਮੰਤਰੀ ਨੂੰ ਕਾਲੇ ਝੰਡੇ ਦਿਖਾਉਣ ਤੋਂ ਬਾਅਦ ਗੁਲਜ਼ਾਰ ਸਿੰਘ ਨਾਲ ਕਥਿਤ ਪੁਲਿਸ ਜ਼ਿਆਦਤੀ ਦਾ ਮਾਮਲਾ ਵੀ ਵਿਚਾਰਿਆ ਗਿਆ । ਰਾਸ਼ਟਰੀ ਪ੍ਰਧਾਨ ਸ੍ਰੀਮਤੀ ਆਰਤੀ ਰਾਜਪੂਤ ਨੇ ਕਿਹਾ ਕਿ ਸੰਸਥਾ ਆਮ ਨਾਗਰਿਕਾਂ ਦੇ ਅਧਿਕਾਰਾਂ ਦੀ ਰੱਖਿਆ ਅਤੇ ਕਥਿਤ ਪੁਲਿਸ ਜ਼ਿਆਦਤੀ ਖ਼ਿਲਾਫ਼ ਲੋਕਤੰਤਰਿਕ ਤੇ ਕਾਨੂੰਨੀ ਢੰਗ ਨਾਲ ਆਵਾਜ਼ ਉਠਾਏਗੀ । ਇਸ ਮੌਕੇ ਉਨ੍ਹਾਂ ਨੇ ਪੰਜਾਬ ਸਰਕਾਰ ਤੋਂ ਮੰੰਗ ਕੀਤੀ ਕਿ ਲੁਧਿਆਣਾ ਵਿਚ ਡਾ . ਭੀਮ ਰਾਓ ਅੰਬੇਡਕਰ ਦੇ ਬੁੱਤ ਦੀ ਬੇਅਦਬੀ ਕਰਨ ਵਾਲਿਆਂ ਖ਼ਿਲਾਫ ਸਖ਼ਤ ਕਾਰਵਾਈ ਕੀਤੀ ਜਾਵੇ । ਮੀਟਿੰਗ ਵਿੱਚ ਆਰਤੀ ਕਪੂਰ , ਸੰਦੀਪ ਗਗਨ , ਅਸ਼ਵਨੀ ਕੁਮਾਰ , ਹਨੀ ਗੁਪਤਾ , ਰਜਤ ਖੱਤਰੀ , ਪ੍ਰਬਲ ਉੱਪਲ ਸਮੇਤ ਸੰਸਥਾ ਦੇ ਕਈ ਅਹੁਦੇਦਾਰ ਅਤੇ ਮੈਂਬਰ ਹਾਜ਼ਰ ਸਨ । ਮੀਟਿੰਗ ਦਾ ਆਯੋਜਨ ਪੰਜਾਬ ਦੇ ਵਰਕਿੰਗ ਪ੍ਰਧਾਨ ਸ੍ਰੀ ਪ੍ਰਬਲ ਉੱਪਲ ਵੱਲੋਂ ਕੀਤਾ ਗਿਆ ।
