ਸਰਦੂਲਗੜ੍ਹ, 30 ਅਪ੍ਰੈਲ (ਜੀ.ਐਮ.ਅਰੋੜਾ)- ਸਥਾਨਕ ਸ਼ਹਿਰ ਤੋਂ ਤਿੰਨ ਕਿੱਲੋਮੀਟਰ ਦੂਰ ਸਿਰਸਾ ਰੋਡ ਤੋਂ ਝੰਡਾ ਕਲਾਂ ਨੂੰ ਮੁੜਨ ਵਾਲੀ ਸੜਕ 'ਤੇ ਟਰੱਕ ਮੋਟਰਸਾਈਕਲ ਸਵਾਰ 'ਤੇ ਚੜ੍ਹਨ ਕਾਰਨ ਨੌਜਵਾਨ ਦੀ ਮੌਤ ਹੋ ਗਈ | ਜਾਣਕਾਰੀ ਅਨੁਸਾਰ ਵਿਨੋਦ ਕੁਮਾਰ (36) ਪੁੱਤਰ ਰਾਮ ਚੰਦਰ ਵਾਸੀ ਝੰਡਾ ਕਲਾਂ ਸਰਦੂਲਗੜ੍ਹ ਵਾਲੇ ਪਾਸਿਉਂ ਗਿਆ ਸੀ, ਜਿਸ ਦੇ ਪਿੱਛੇ ਬੈਠੇ ਵਿਅਕਤੀ ਨੂੰ ਮੋਟਰਸਾਈਕਲ ਚਾਲਕ ਵਿਨੋਦ ਕੁਮਾਰ ਝੰਡਾ ਕਲਾਂ ਗੇਟ ਦੇ ਕੋਲ ਉਤਾਰ ਰਿਹਾ ਸੀ | ਇਸ ਦੌਰਾਨ ਪਿੱਛੋਂ ਆ ਰਹੇ ਟਰੱਕ (ਟਰਾਲਾ) ਮੋਟਰਸਾਈਕਲ ਸਵਾਰ 'ਤੇ ਚੜ੍ਹ ਗਿਆ, ਜਿਸ ਕਾਰਨ ਵਿਨੋਦ ਕੁਮਾਰ ਦੀ ਮੌਕੇ 'ਤੇ ਮੌਤ ਹੋ ਗਈ | ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਕਰ ਕੇ ਕਾਰਵਾਈ ਕੀਤੀ ਗਈ ਹੈ |
